البيوت أسرار .. بطل يا عم بلاش تنكش في المستخبي .. خلي الطابق مستور

[ميراج]

فكره حضرتك جميله جدا

شكرا

[الرهينه]

المشاركة الأصلية كتبت بواسطة نجم المشاعر

لا بلاش تتذاكي عليا .. هههههههههه انتي احكي ازاي البيت بيستعد ؟ وانا أقولك السلبيات .. يعني مثلاً معدش خروجات ولا فسح مفيش تليفزيون .. مفيش مفيش ؟؟ ومن الحوار هنحكم .. يلا بقى بلاش كده معايا .. وأنا أشكرك على اهتمامك الدائم بذلك الموضوع ..

هههههه العفو يا مستر والله مش بتذاكى ولا حاجه

بس اصل الفترة دى بتكون كلها سلبيات يعنى بيكون فى ضغط من كل ناحية وتوتر

لكن مش فيها ايجايبات الا لو مثلا قولنا توفير جو مناسب للمذاكرة

اها وفى ايجابية تانية ماما بتكون مطيعة لينا اوى ف الفترة دى اى حاجه بنطلبها بتكون بمثابة اوامر مش بترفضلنا طلب وخصوصا انا عشان حكاية المذاكرة دى مش ليا طقطان عليها وكمان الكلية زودت الحكاية دى شوية

وانا اللى المفروض اشكر حضرتك بجد الموضوع رائع واستفدت منه كتير

ومتابعة مع حضرتك على طول ان شاء الله

[اية عميش]

المشاركة الأصلية كتبت بواسطة نجم المشاعر

كنت أود أن أتلقى المزيد من الردود لا لكي أثري الموضوع بل لكي نصحح المفاهيم الخاطئة وبالبلدي كده يبطل كل شاب بيعامل أبوه وامه معاملة سيئة يعلق أخطاءه على شماعة أصل بابا كان بيعامل جدو وحش فعشان كده أنا طلعت كده .. طبعا رأي باطل وليس سليم ..

ننتقل الآن عن موضوع أعتقد أنه موضوع الساعة داخل كل أسرة ألا وهو

استعدادات الأسر في فترة الامتحانات

أريد من كل عضو أن يروي لي ويقص علينا كيف استعد البيت للامتحان حتى نقف على السلبيات والإيجابيات في تلك القضية التي تشغل بال كل الأسر على حد سواء

جزاك الله خيرا على الموضوع الرائع

اما بقى بالنسبة للاستعدادات اللي قبل الامتحانات فماما و بابا مش بيكونوا شدين عليا ولا حاجة و بيجبولي شكولاتة و حاجات حلوة و ساعات كمان بابا بيخليني اقعد اتفرج معاه على التليفزيون او نخرج علشان مش تكون اعصابي مشدودة رغم ان هما ممكن يكونوا قلقانين و لكن مش بيحاولوا يحسسوني ان في امتحانات و لا معسكرات و الحاجات اللي بسمع عنها من اصحابي لاني اصلا من النوع اللي بيقلق جدا و بيقعدوا يقولولي ان طالما الواحد ذاكر يبقى خلاص مش يهمه حاجة
لان انا شايفة ان الشد و الحاجات ديه ممكن تخليني مش اعرف اجاوب حتى لو انا عارفة الاجابات
ده حتى امتحانات السنة اللي فاتت كنت داخلة الامتحان و انا مش قلقانة خالص على عكس قبل كده

و شكرا لحضرتك على الموضوع الرائع

[أحمـدنجـم]

المشاركة الأصلية كتبت بواسطة ميراج

فكره حضرتك جميله جدا

شكرا

مش كفاية يا ميراج عاوزين مشاركتك تكون فعالة أكثر من كده الموضوع محتاج لقطاع عريض من الأعضاء ..

[أحمـدنجـم]

المشاركة الأصلية كتبت بواسطة اية عميش

جزاك الله خيرا على الموضوع الرائع

اما بقى بالنسبة للاستعدادات اللي قبل الامتحانات فماما و بابا مش بيكونوا شدين عليا ولا حاجة و بيجبولي شكولاتة و حاجات حلوة و ساعات كمان بابا بيخليني اقعد اتفرج معاه على التليفزيون او نخرج علشان مش تكون اعصابي مشدودة رغم ان هما ممكن يكونوا قلقانين و لكن مش بيحاولوا يحسسوني ان في امتحانات و لا معسكرات و الحاجات اللي بسمع عنها من اصحابي لاني اصلا من النوع اللي بيقلق جدا و بيقعدوا يقولولي ان طالما الواحد ذاكر يبقى خلاص مش يهمه حاجة
لان انا شايفة ان الشد و الحاجات ديه ممكن تخليني مش اعرف اجاوب حتى لو انا عارفة الاجابات
ده حتى امتحانات السنة اللي فاتت كنت داخلة الامتحان و انا مش قلقانة خالص على عكس قبل كده

و شكرا لحضرتك على الموضوع الرائع

شكراً ليكي اختي الفاضلة .. وعلى فكرة سبب من أسباب نجاح الموضوع دا هو تواجدك الدائم .. وفعلاً اتمنى أن هذا الموضوع يفيد الكل بإذن الله .. أما بالنسبة للايجابيات اللي بتقولي عليها دي .. ايه رأيك لو استمرت على طول .. يعني السؤال بطريقة تانية .. هل نفسنا الأهل يحققوا كل طلباتنا على طول ؟خدي بالك من الإجابة .. كويس
طب هسأل شوية أسئلة : ويارب تجاوبوا عليها ..
السؤال الأول : هي اللغة الفصحى بتخنق في الموضوع دا ؟ يعني نخلي الكلام كله بالعامية ؟
السؤال الثاني : هو احنا ليه بنذاكر ؟ جاوبوا بصراحة من غير ذواق..
السؤال الثالث : ايه اللي مش عاجبك في بيتك في فترة المراجعة والامتحانات .. ؟ قول الصراحة ومن غير ذواق ..

[أحمـدنجـم]

المشاركة الأصلية كتبت بواسطة اية عميش

جزاك الله خيرا على الموضوع الرائع

اما بقى بالنسبة للاستعدادات اللي قبل الامتحانات فماما و بابا مش بيكونوا شدين عليا ولا حاجة و بيجبولي شكولاتة و حاجات حلوة و ساعات كمان بابا بيخليني اقعد اتفرج معاه على التليفزيون او نخرج علشان مش تكون اعصابي مشدودة رغم ان هما ممكن يكونوا قلقانين و لكن مش بيحاولوا يحسسوني ان في امتحانات و لا معسكرات و الحاجات اللي بسمع عنها من اصحابي لاني اصلا من النوع اللي بيقلق جدا و بيقعدوا يقولولي ان طالما الواحد ذاكر يبقى خلاص مش يهمه حاجة
لان انا شايفة ان الشد و الحاجات ديه ممكن تخليني مش اعرف اجاوب حتى لو انا عارفة الاجابات
ده حتى امتحانات السنة اللي فاتت كنت داخلة الامتحان و انا مش قلقانة خالص على عكس قبل كده

و شكرا لحضرتك على الموضوع الرائع

شكراً آية لك وشكراً لوالديك الكرام .. السلوك اللي بابا وماما بيتبعوه معاكي اسلوب سليم نفسياً .. وخصوصاً انتي من النوع اللي القلق بيكون سلبي بالنسبة ليكي .. أصل في انواع من القلق بيكون إيجابي .. بس مش في كل الحالات ونستنتج من كلام آية حاجة مهمة جداً :
لازم الأب والأم يعرفوا نفسية ابنهم جداً ويتعاملوا معاه من خلال المعرفة دي .. ويراعوا الفروق الفردية والنفسية اللي بين الأبناء
ونستنتج برضه حاجة مهمة جداً من كلام آية :
(إن الله لا يضيع أجر من أحسن عملا)
فالطالب طالما عمل اللي عليه لازم يحسن توكله على الله ويكون متيقن إن ربنا لا يضيع أجر المحسنين أبداً ..
والسؤال الآن المهم لآية :
آية .. بابا أو ماما حد فيهم قالك .. لازم تذاكري وتتفوقي ليه ؟ يعني ايه السبب عشان تاخدي الشهادة .. ؟ عاوز إجابة صريحة جداً

[reda_mafia50]

المشاركة الأصلية كتبت بواسطة نجم المشاعر

طب هسأل شوية أسئلة : ويارب تجاوبوا عليها ..
السؤال الأول : هي اللغة الفصحى بتخنق في الموضوع دا ؟ يعني نخلي الكلام كله بالعامية ؟
السؤال الثاني : هو احنا ليه بنذاكر ؟ جاوبوا بصراحة من غير ذواق..
السؤال الثالث : ايه اللي مش عاجبك في بيتك في فترة المراجعة والامتحانات .. ؟ قول الصراحة ومن غير ذواق ..

اولا بجد موضوع هايل


اما الاسئله

السؤال اول : لا هو عادى بس عاميه ساعات بتبقى اسهل

السؤال تانى : لمستقبل افضل

السؤال التالت: ان احب اذاكر بمزاجى ومحدش يقولى ذاكر

[أحمـدنجـم]

المشاركة الأصلية كتبت بواسطة reda_mafia50

اولا بجد موضوع هايل

اما الاسئله

السؤال اول : لا هو عادى بس عاميه ساعات بتبقى اسهل

السؤال تانى : لمستقبل افضل

السؤال التالت: ان احب اذاكر بمزاجى ومحدش يقولى ذاكر

اولاً شكراً على رأيك في الموضوع
ثانياً : بالنسبة لردودك على الأسئلة :
خلاص هنمشيها عامية عشان تبقى أسهل على الكل لأننا عاوزين نحقق الفايدة بإذن الله تعالى..
بالنسبة بقى للإجابة التانية .. لمستقبل أفضل :: ايه رأيك لو كانت نيتك مثلاً من غير مثالية .. عشان اكون أديت فرض عليا في طلب العلم .. ايه رأيك في السبب دا للمذاكرة وبعدين بقى ييجي موضوع المستقبل واي سبب تاني ..
الإجابة التالتة : صارح والديك برغبتك .. بلاش خجل .. بس استخدم أسلوب مقنع .. يعني اطلب منهم مثلاً انهم يسيبوك تعتمد على نفسك في موضوع المذاكرة وميفرضوش عليك المذاكرة قولهم والله أنا عارف انكم خايفين عليا بس أنا كبرت وعارف مصلحتي .. بس خد بالك انت هتتحمل مسئولية الكلام دا .. يعني أكيد لو قصرت هتيجي فوق دماغك ودماغهم هما كمان للأسف .. يعني يوم ما تطلب الطلب دا لازم تكون على قدر المسئولية

[JusT DreaM]

المشاركة الأصلية كتبت بواسطة نجم المشاعر

طب هسأل شوية أسئلة : ويارب تجاوبوا عليها ..
السؤال الأول : هي اللغة الفصحى بتخنق في الموضوع دا ؟ يعني نخلي الكلام كله بالعامية ؟
ممكن حضرتك تدخل الفصحى في العامية لاننا متعودين على الفصحى من حضرتك
السؤال الثاني : هو احنا ليه بنذاكر ؟ جاوبوا بصراحة من غير ذواق..
كل واحد بيذاكر لسبب غير التاني
يعني في ابتدائي وانا صغيرة لغاية تالته ابتدائي كنت في معهد ازهري بذاكر عشان بيقولولي ذاكري واي طالب بيدخل المدرسة لازم يذاكر
في رابعة وخامسه كنت بذاكر عشان في منافسة رهيبة في المدرسة اللي اتنقلتلها فكنت بذاكر عشان اطلع الاولى واوائل الطلبة وشغل العيال ده
في اعدادي ذاكرت عشان اتعودت على كده
وفي ثانوي ذاكرت عشان اجيب مجوع كبير وادخل طب
وفي لجامعة بذاكر عشان حابة مجالي وحابة اني اذاكر(اول سنة في حياتي احب المذاكرة)
السؤال الثالث : ايه اللي مش عاجبك في بيتك في فترة المراجعة والامتحانات .. ؟ قول الصراحة ومن غير ذواق ..

اللي مش عاجبني في البيت بجد الاهتمام الزايد بيا لدرجة اني بتخنق

بجد موضوع اكتر من رائع
انا ملحقتش اقرا غير اخر صفحة
بس هحاول اكمل الباقي لاني بجد استفدت
جزاك الله خيرا يااستاذ نجم
وفعلا احنا من حسن حظنا ان حضرتك معانا في المنتدى

[أحمـدنجـم]

المشاركة الأصلية كتبت بواسطة بنت الإسـلام

اللي مش عاجبني في البيت بجد الاهتمام الزايد بيا لدرجة اني بتخنق

بجد موضوع اكتر من رائع
انا ملحقتش اقرا غير اخر صفحة
بس هحاول اكمل الباقي لاني بجد استفدت
جزاك الله خيرا يااستاذ نجم
وفعلا احنا من حسن حظنا ان حضرتك معانا في المنتدى

بنت الإسلام .. جزاك الله خيراً على المرور وسأحاول التنويع بين الفصحى والعامية بإذن الله تعالى ..
أنا أتفق معك أن لكل مرحلة عمرية السبب الخاص بها في المذاكرة ولكن هنا يتضح دور الوالدين في بث فرضية العلم لدى أبنائهما .. "طلب العلم فريضة" يجب أن نعلم أننا نؤدي فريضة ويجب أن نعلم لماذا فرض الله علينا هذه الفريضة ..
أما بالنسبة لاهتمام اسرتك البالغ بيكي فهذا أمر طبيعي من أسرة محبة لابنتها .. وستعلمين أن هذا الأمر طبيعي عندما تصبيحن أماً بإذن الله تعالى ستشعرين أن أملك الوحيد في الحياة هم أبناؤك فلذات أكبادك التي تمشي أمامك على الأرض ..

والسؤال الآن الذي يطرح نفسه للجميع ...

بالفصحى .. ما نيتك وأنت تذاكر ؟ ما نيتك عند دخول الامتحان؟ هل أعلمتك الأسرة أن طلب العلم فريضة ؟ إن كانت الإجابة نعم .. فهل أنت مقتنع ؟ وإن كانت الإجابة لا .. هل تريد أن تقتنع ؟

هيا .. في انتظار الإجابات لتدخل الكنترول .. هيا ..

[اية عميش]

المشاركة الأصلية كتبت بواسطة نجم المشاعر

شكراً آية لك وشكراً لوالديك الكرام .. السلوك اللي بابا وماما بيتبعوه معاكي اسلوب سليم نفسياً .. وخصوصاً انتي من النوع اللي القلق بيكون سلبي بالنسبة ليكي .. أصل في انواع من القلق بيكون إيجابي .. بس مش في كل الحالات ونستنتج من كلام آية حاجة مهمة جداً :
لازم الأب والأم يعرفوا نفسية ابنهم جداً ويتعاملوا معاه من خلال المعرفة دي .. ويراعوا الفروق الفردية والنفسية اللي بين الأبناء
ونستنتج برضه حاجة مهمة جداً من كلام آية :
(إن الله لا يضيع أجر من أحسن عملا)
فالطالب طالما عمل اللي عليه لازم يحسن توكله على الله ويكون متيقن إن ربنا لا يضيع أجر المحسنين أبداً ..
والسؤال الآن المهم لآية :
آية .. بابا أو ماما حد فيهم قالك .. لازم تذاكري وتتفوقي ليه ؟ يعني ايه السبب عشان تاخدي الشهادة .. ؟ عاوز إجابة صريحة جداً

انا اصلا بابا و ماما مش بيقعدوا يقولو لي ذاكري لكن بيقولولي ان انا اللي لازم اكون عارفة مصلحة نفسي لان النجاح ده ليا انا و ماما دايما بتقولي ان البنت المسلمة لازم تبقى متفوقة و لازم تعمل شغلها بضمير و ان العلم ده فريضة و ان انا لازم اتفوق علشان اقدر اعمل حاجة للاسلام و لنفسي كمان

[أحمـدنجـم]

المشاركة الأصلية كتبت بواسطة اية عميش

انا اصلا بابا و ماما مش بيقعدوا يقولو لي ذاكري لكن بيقولولي ان انا اللي لازم اكون عارفة مصلحة نفسي لان النجاح ده ليا انا و ماما دايما بتقولي ان البنت المسلمة لازم تبقى متفوقة و لازم تعمل شغلها بضمير و ان العلم ده فريضة و ان انا لازم اتفوق علشان اقدر اعمل حاجة للاسلام و لنفسي كمان

لو بايدي كنت أبروز الرد دا وابعت شهادة تقدير لوالديك أبلغيهما مني التحية

[أحمـدنجـم]

نصائح للوالدين (الأب والأم) أثناء فترة الامتحانات .. نصائح قابلة للمناقشة والتعديل..

1. التهيئة المعنوية للطلاب : على الوالدين أن يبثا في أبنائهما أن ما يفعلونه من مذاكرة وطلب للعلم فريضة عليهم يؤجرون عليها ويذكرونهم دائماً بقول الحق عز وجل "يرفع الله الذين آمنوا منكم والذين أوتوا العلم درجات" وبحديث رسول الله صلى الله عليه وسلم (طلب العلم فريضة على كل مسلم ومسلمة" .. على الوالدين أن يبثا في نفوس الأبناء أهمية العلم وما من مادة تدرس لهم إلا ولها فائدة إما فائدة آنية أو فائدة مستقبلية (بعدية) فما لا نحتاجه اليوم يمكن أن نحتاجه غداً (هكذا علمتنا الحياة) .. على الوالدين أن يراعيا نفسية الأبناء وألا ينتقل الأبناء من حالة الركود والخمول إلى حالة رفع درجة الاستعداد للامتحان للدرجة القصوى .. يجب عليهم أن يعلموا الأبناء أن خير الأعمال أدومها وإن قل .. وأن للعقل طاقة يجب أن يراعيها الإنسان.. ويجب أن يرشد الآباء والأمهات أبناءهم إلى ضرورة المواظبة على العبادة ومضاعفتها والتقرب إلى الله عز وجل بها وأن يعلم الأبناء أن التوفيق بيد الله عز وجل "وما توفيقي إلا بالله"
2. التهيئة الذهنية : الاهتمام بتغذية الأبناء عامة وأثناء فترة الامتحانات خاصة والتركيز على الأطعمة التي تنشط الذاكرة والابتعاد عن أي أدوية أو عقاقير منشطة للذهن ويجب أن يتعرف الوالدين على كل ما هو طبيعي وطازج مما خلقه الله الذي من شأنه تقوية الذاكرة وتنشيط الذهن (كالثوم والعسل وحبة البركة) وغير ذلك مما هو ليس مجال تخصصي ولكن الاطلاع عليه أمر سهل ولا تنسوا أن (العقل السليم في الجسم السليم) .. وكذلك يجب ألا يمتنع الأبناء عن ممارسة الرياضة ولو القليل منها لأن الرياضة تنشط الذهن وتقوي الذاكرة.
3. تنظيم الوقت : يجب على الوالدين القيام بمهمة إرشادية للأبناء ومساعدتهم في حسن تنظيم الوقت وأن يعرفوهم قيمة الوقت وأن كل قليل مع التنظيم يصبح كثيراً مباركاً فيه فيجب أن يساهم الوالدين مع الأبناء في وضع جداول للمذاكرة وأن ينظم الأبناء أوقاتهم تنظيماً يحوي كل العناصر التي يحتاج إليها الذهن والعقل (عبادة - مذاكرة - مراجعة - تطبيق - ترفيه - نوم - رياضة) فيجب ألا يخلو الجدول من كل تلك العناصر السابقة.
4. يجب على الوالدين عدم إعلان حالة الطوارئ وخاصة لو كان الأبناء ممن يوترهم القلق ويضعف تركيزهم .. فعملية الطوارئ تلك تصيب الابن بالتوتر وشد الأعصاب وعدم التركيز.. ولكن يجب أن يعلم الطالب أنه امتحان دنيوي من بشر لبشر وأنه طالما فعل ما عليه أن يفعله يترك أمره ويفوضه لله ويتوكل عليه ويعلم أن الله "لا يضيع أجر من أحسن عملاً"

تلك نصائحي ولي عودة وأرجو من كل من سيدخل أن يضيف أو يعدل والسلام عليكم ورحمة الله وبركاته

[أحمـدنجـم]

يلا نكمل سوا.. بعد توقف الموضوع لمدة يومين بسبب النت .. ليا سؤال للجميع هنا .. ويخص الطلبة والطالبات بالذات .. هل استطاع منتدانا أن يجعلك تستغني عن الدورس الخصوصية .. ؟ بجد عاوزين نناقش الأمر دا ؟ عشان في غاية الأهمية..

[اية عميش]

المشاركة الأصلية كتبت بواسطة نجم المشاعر

يلا نكمل سوا.. بعد توقف الموضوع لمدة يومين بسبب النت .. ليا سؤال للجميع هنا .. ويخص الطلبة والطالبات بالذات .. هل استطاع منتدانا أن يجعلك تستغني عن الدورس الخصوصية .. ؟ بجد عاوزين نناقش الأمر دا ؟ عشان في غاية الأهمية..

فعلا موضوع الدروس الخصوصية ده موضوع مهم

انا اصلا مش كنت باخد دروس من قبل ما اعرف المنتدى و عمري ما اخدت لا دروس و لا مجموعات و ان شاء الله مش ناوية اخد بس بردو المنتدى حلو جدا و بيشجع اكتر على اني استمر في الفكرة دي كفاية المدرسين اللي فيه و حتى الجو فيه لما الواحد بيكون مخنوق و لا حاجة بيحس انه كانه قاعدة في بيته و في ناس حاسين بيه و كتير جدا بحس انه بيعطيني همة و نشاط علشان اكمل مذاكرة

و بجد يعني الكلام ده من قلبي بجد مش مجاملة بجد شكرا لكل القائمين على المنتدى و شكرا لحضرتك على الموضوع الرائع