حرمان الطلاب الذين تعدت نسبة غيابهم 20% من دخول الامتحانات

[CaStLeS In ThE AiR]

لو القرار ده اتنفذ يبقي أعتبر نفسي مش داخلة امتحانات
هو خلاص القرار ده أكيد؟

[Doctor S.E]

شكله هيقيم عليا انا بقى الحد
العوض على الله بقى

[Doctor S.E]

بس انا حاسه انه كلام تخويف و خلاص و مفيش اي حاجه هتحصل
بس مش عايزه اصدق نفسي لأتصدم بالحرمان من الامتحان في وشي .... احنا برضو نتوقع اي حاجه

[Dr. Toka]

ياجماعة حرام عليكم الناس اللى مبسوطة من قرار الوزير دى وبتقول دة حاجة كويسة بيقولوا كدة عشان هما مش فى ثانوية عامة مش عارفين يعنى ايه اروح المدرسة من 8 الصبح لحد 2 العصر وبعديها اروح درس ارجع بيتنا الساعة 6 7 بالذمة اذاكر امتى لا ومطلوب منى اجيب اخر السنة مجموع طاب ازاى حد يرد عليا وبعدين مدرسة ايه اللى اروحها وانا بلاقى فيها مدرسين معندهاش ضمير ماهو لو كل مدرس بيشرح فى الفصل زى ما بيشرح فى الدرس مكانش حد اخد دروس وكنا اعتمدنا على المدرسة ومكانش هيبقى فيه مشكلة هو ماسك فى الطلبة ومبيبصش للمدرسين طاب ما يخليهم يشرحوا بضمير وبعدين يجى يكلمنا بجد القرار دة فاشل ومش صح ومفيش طالب هيقبلوا لانه لو فعلا روحنا المدرسة كل يوم مش هنخش كليات عدلة يبقى نقعد فى بيتنا احسن من دلوقتى ونخلص بدل ما ندفع فلوس فى الدروس وفى الاخر مش هنستفاد حاجة

[نسمة سحاب]

حسبى الله ونعم الوكيل على الظالم
طيب ايه العمل انا غبت اكتر من 11 يوم
يارب يكون مجرد تخويف

[samar saad]

المشاركة الأصلية كتبت بواسطة تقى 93

ياجماعة حرام عليكم الناس اللى مبسوطة من قرار الوزير دى وبتقول دة حاجة كويسة بيقولوا كدة عشان هما مش فى ثانوية عامة مش عارفين يعنى ايه اروح المدرسة من 8 الصبح لحد 2 العصر وبعديها اروح درس ارجع بيتنا الساعة 6 7 بالذمة اذاكر امتى لا ومطلوب منى اجيب اخر السنة مجموع طاب ازاى حد يرد عليا وبعدين مدرسة ايه اللى اروحها وانا بلاقى فيها مدرسين معندهاش ضمير ماهو لو كل مدرس بيشرح فى الفصل زى ما بيشرح فى الدرس مكانش حد اخد دروس وكنا اعتمدنا على المدرسة ومكانش هيبقى فيه مشكلة هو ماسك فى الطلبة ومبيبصش للمدرسين طاب ما يخليهم يشرحوا بضمير وبعدين يجى يكلمنا بجد القرار دة فاشل ومش صح ومفيش طالب هيقبلوا لانه لو فعلا روحنا المدرسة كل يوم مش هنخش كليات عدلة يبقى نقعد فى بيتنا احسن من دلوقتى ونخلص بدل ما ندفع فلوس فى الدروس وفى الاخر مش هنستفاد حاجة

اه والله فعلا مابقاش فى ضمير فى اى حاجه
كلامك صح

[adel shafeek]

يكون انظار الاول وبعدها يطبق القانون حتى لاضيعوا اولادنا وفى لمح البصر يكون نصف الطلبة محرومين .......
كفاية علينا الغلاء الفحش ولا هية حرب على الناس من كل جهة

[Doctor S.E]

و الله العظيم سبب مإني مبروحش هو اني روحت يوم لا و رجعت الساعه 11 مش 2 و لا 1 حتى
و كان عندي دروس لحد الساعه 6 بليل انتو متخيلين انا رجعت نمت لتاني يوم لا زاكرت و لا فتحت كتاب
هعمل ده بقى كل يوم ...استحاااااله

[Observer]

المشاركة الأصلية كتبت بواسطة Doctor S.E

و الله العظيم سبب مإني مبروحش هو اني روحت يوم لا و رجعت الساعه 11 مش 2 و لا 1 حتى
و كان عندي دروس لحد الساعه 6 بليل انتو متخيلين انا رجعت نمت لتاني يوم لا زاكرت و لا فتحت كتاب
هعمل ده بقى كل يوم ...استحاااااله

يبقى بلاش دروس

[hoobaa ezz]

ههههههههههههههههههههههههههههه

على فكره فى ناس عملرهم ماشافو المدرسه ديه وملجلهومش انظارات خالص وناس بتروح وجالها انظارات بالهبل

[hoobaa ezz]

انتو بتتكلمو فى ايه

ايه تلات تيام و11 و12

بقولكم فى ناس معتبتش باب المدرسه

[Doctor S.E]

المشاركة الأصلية كتبت بواسطة mohamad fawzy

يبقى بلاش دروس

مهي لو المدرسه بتقدم الي بيقدمه الدروس مكنتش رحت دروس خالص
انما احنا في المدرسه نقرا الدرس من الكتاب و لا حل و لا تمارين و لا يحزنون
خساره و الله ...انا انام الكام ساعه بتوع المدرسه اكرملي

[Observer]

المشاركة الأصلية كتبت بواسطة doctor s.e

مهي لو المدرسه بتقدم الي بيقدمه الدروس مكنتش رحت دروس خالص
انما احنا في المدرسه نقرا الدرس من الكتاب و لا حل و لا تمارين و لا يحزنون
خساره و الله ...انا انام الكام ساعه بتوع المدرسه اكرملي

منه لله اللى كان السبب

[APIDO]

الموضوع كبير و الأراء كتييييييييرة .. لكن الحاجة الأكيدة انه ميقدرش يلغى اعاده القيد و اذا لغاها ميقدرش يلغى نظام المنازل و هنمتحن يعنى هنمتحن ... بدليل السنة اللى فاتت قال كلام زى ده و حوارات كتير و ف الأخر عملنا اعاده قيد و لغاها لكل طلاب مصر لأن احنا كلنا كده .. دى مش ظاهرة دى حقيقة .. الظاهرة الللى هما بيحضروا المدرسة .. ف أكيد الكلام ده مش حقيقى .. و ألا فى الأنذارات كان اتوضح او ف المدرسة نفسها ينبهوا و يقولوا .. و متهيئلى انه مينفعش يطبق قانون زى ده خلال السنة الدراسية نفسها .. لكن ده ممكن يطبق السنة الجاية .. على ما أظن .. هل فى حد متفق معايا فى رأيى ولا كلوا خاف من الكلام ولا انا اللى باخد الكلام بالشقلوب ولا ايه ؟
و انا ع العموم غايب حوالى 20 يوم ... فاضلى 10 و اطلع بره

[APIDO]

بس فعلا الخبر ده من موقع وزارة التربية و التعليم .. يعنى مش اشاعه .. دى حقيقة .. يبقى هنموت يعنى هنموت .. ربنا معانا .. بس اللى عايز افهمه .. هو لما يحرمنا من الأمتحان هنعمل ايه بقى .. هناخد الأجازة بدرى يعنى ولا هندرس ف وقت الأمتحان ده .. و لا هنمتحن السنة الجاية ولا ايه ؟؟؟؟؟
:************

http://knowledge.moe.gov.eg/Arabic/News/main.htm