ظهرت نتيجة الاعارات هذا العام

[شريف أحمد شوقى شمس]

هل فيه تخصص مكتبات ؟ ارجوا الافادة

[منار على]

المشاركة الأصلية كتبت بواسطة شريف أحمد شوقى شمس

هل فيه تخصص مكتبات ؟ ارجوا الافادة

المكتبات أعتقد تخصص مش مطلوب أوى فى عمان وغالبا العمانيين هما اللى بيمسكوة أكتر وممكن تشوف مسابقه العام الماضى واللى قبله والاعوام السابقة ولو مكان حضرتك أقدم بتخصص دراسات أو تاريخ أو جغرافيه هتكون فرصك أكبر حتى لو خبرتك 3 أو 4 سنين بس فى مجال التدريس وعموما تابع المسابقة بعد الاعاره هى خلاص قربت على فكرة بالكتير اسبوعين واشترك فى المواقع العمانيه التاليه على فيس بوك عندهم الأخبار أول بأول سواء اعارات او تعاقد وبينزلوا المسابقه بمجرد نزولها وفيها ناس ممكن تجاوب على أى استفسار ليك

https://www.********.com/teachersinoman/?fref=ts

رابطة المعلمين الوافدين بسلطنة عمان

https://www.********.com/groups/5058...14554/?fref=ts
رابطة معلمى مصر فى سلطنة عمان

نبدل النجوم فى اللينك بكلمه فيس بوك بالانجلش

وربنا يوفق الجميع

[أحمد التمساح]

تخصص اللغة العربية ثانوى اعارات مطلوب ولا لا

[عبدالرحمن سيد اللورد]

تخصص اللغه العربيه ثانوى مطلوب طبعا اكيد لعمان او البحرين في السنه اللى فاتت الناس بتوع اللغه العربيه ثانوى امتحنو وعملو المقابله لكن مش خدوهم فى الأخر لان ماكنش فيه عجز الكلام ده البحرين صديق لى اتصل اليوم بالملحقيه للاسف قالو أنهم مش طالبين اعاره هذا العام وياريت اللى يعرف يتصل فيهم ويتاكد تانى 0233368700

[شريف أحمد شوقى شمس]

اشكرك استاذة منار على

[منار على]

المشاركة الأصلية كتبت بواسطة شريف أحمد شوقى شمس

اشكرك استاذة منار على

العفو ربنا يوفقك ويوفق الجميع وعلى فكره فيه طرق تانيه غير الاعاره والتعاقد بس أقل شوية فى الفلوس فيه مكاتب سفريات بتجيب عقود كويسة فى مدارس خاصة وممكن تعويض الفرق بين الخاص والحكومى ماديا عن طريق الدروس بس مش كتير العقود الكويسة خاص فى عمان للأسف بس ممكن تجرب بلاد تانية غير كده ان احيانا المكاتب دى ممكن تكون نصابة بس أنا عرفت من خلال حد قريبى أن احيانا بيبقى فيه اعلانات فى الجرايد وبتبقى عقود كويسة لبلاد تانية ومن غير وسيط بس انا مجربتش الا الحكومى بصراحه وحتى الحكومى برضه دخلت فيه شركات توظيف وقصص نصب أعتقد ان العمانيين السنه دى تحديدا واخدين بالهم ومتابعين الموضوع وفيه ناس على المواقع اللى ادتها لحضرتك أحيانا بتحط اعلانات مدارس خاصه بيكونوا شغالين فيها أو عارفينها

[شريف أحمد شوقى شمس]

اشكرك استاذة منار حضرتك مدرسة مادة ايه ؟

[أحمد التمساح]

يا جماعة حركة البحرين حتنزل متى ؟؟؟؟؟؟؟؟؟؟؟؟؟؟؟؟؟

[أحمد التمساح]

سمعنا ان الكويت طالبة مدرسين مصريين على سبيل الاعارة صح ولا ايه افيدونا

[عبدالرحمن سيد اللورد]

فعلا الملحقيه قالت كده

[عبدالرحمن سيد اللورد]

بس انا مش مقتنع بالكلام ده

[أبو العبد]

أستاذ عبد الرحمن أنت من إسبوع قلت البحرين نازلة إعارات وامبارح قلت واحد صاحبي اتصل بملحقية البحرين وقالولو مفيش إعارات هذا العالم ودلوقتي بتقول إنك مش مقتنع بالكلام ده. ممكن بعد إذن حضرتك تفسر المعضلة دي خصوصا إنك بتقول إنك واثق من معلوماتك واحنا بنوثق بكلام حضرتك

[منار على]

المشاركة الأصلية كتبت بواسطة أبو العبد

أستاذ عبد الرحمن أنت من إسبوع قلت البحرين نازلة إعارات وامبارح قلت واحد صاحبي اتصل بملحقية البحرين وقالولو مفيش إعارات هذا العالم ودلوقتي بتقول إنك مش مقتنع بالكلام ده. ممكن بعد إذن حضرتك تفسر المعضلة دي خصوصا إنك بتقول إنك واثق من معلوماتك واحنا بنوثق بكلام حضرتك

دى سياسه دول وكلامنا مش أكيد فيها لانه منقول عن غيرنا او من خلال خبراتنا السابقة عشان كده لازم تفضل متابع للأخر بس انا بصراحة انا لو كنت راجل كان فاتنى سافرت من زمان بغض النظر عن الاعاره او التعاقد لان الطرق كتير خاصه فى قصه التدريس بس مغامره بقى وأنا فعلا سمعت قصه ان العمانيين مش هياخدوا تعاقدات السنه دى من زماااااان بس انا استغربتة ومرضيتش اقولة واحبط الناس لانها كل سنه بتاخد ومكانش عندى اى تاكيد عليه كمان العمانيين متاخرين شوية وعندهم بطء فى اجراءاتهم يعنى الدراسه عندهم 24 اغسطس وممكن عادى يسفروا ناس لحد شهر 12 غير كده انى عرفت من حد انهم مش عاوزين اعداد كتير السنه دى وانهم هياخدوا 300 بس عشان كده ممكن فعلا خبر انهم مش هينزلوا تعاقدات يكون حقيقى وعموما دى ارزاق ولو هربنا منها هى اللى هتجرى ورانا لوكانت مقدره لينا

[عبدالرحمن سيد اللورد]

استاذ ابو العبد انا فعلا كلامى موثوق به بناء على خبراتنا السابقه مع هذه الدول ولكن لايعلم الغيب الا الله وانت شايف الدول دى ممكن تغير نظامها فجأه يبقى انت ماتخلى نفسك قاضى يحاكمنى وانا رديت عليك فقط لان فيه ناس مهتمه جدا بهذا الموضوع يعنى مثلا سلطنه عمان بقالها 20 سنه بتاخد تعاقدات والسنه دى اللجنه قالت مش هناخد تعاقدات يبقى معنى كده نحاكم الناس إللى قالت ان سلطنه عمان هتاخد تعاقدات؟كلامنا يا سيدى مش قران واعتبر ان كلامى غيى موثوق به والفلوس اللى طالبها منك مش عايزها😕😛😛

[عبدالرحمن سيد اللورد]

حد عنده اى أخبار عن اعارات البحرين؟!