أول خـطـــوة سـيتـــم اتخـاذهــا بعـد استبعـادنـا من الـحــــد الأدنــــى للأجـــــور

[أبراار]

لا إله إلا الله

والله مالاقية تعليق

حسبي الله ونعم الوكييييييييييييل من كل قلبي

ومع الإعتصام طبعا

[amrmedhat]

12- 6 حتي ناخد وقت لتبليغ بقيت المعلمين

[د/عزت التونسى]

اتفقوا اولا على موعد موحد ثم ليكن همنا المعلم اولا ثم الطالب بعد كدة

[koge_16]

يا جماعة ادخلو جروب ( معلمون معتصمون )في اعداد كبيرة فيه و تم الاتفاق والتنسيق مع جروبات كثيرة علي ميعاد مغاير تماماً لكم ارجوا التكرم والدخول علي الاسم المذكور بين القوسين والتنسيق معهم وشكراً

[خرزة زرقاء]

السلام عليكم و رحمة الله و بركاته

إخوانى المعلمين

تم تحديد حد أدنى 700 جنيه للدرجة السادسة أى للعمال و الفراشين

و لكن أقل معلم يتم تعيينه على الدرجة الثالثة التخصصية

فكيف نرضى بحد أدنى 700 و نتساوى بمن على الدرجة السادسة

المفروض نطالب بحد أدنى 1500 جنيه أسوة بالأطباء فنحن لا نقل عنهم

و إن كانت بلدنا لا تعرف قيمة المعلم مربى الأجيال فواجبنا أن نحترم أنفسنا و مهنتنا و لا نقلل من شأننا و أن نطالب بحقوقنا كاملة

أحنا مش هنعمل كل يوم إعتصام هو إعتصام واحد نأخذ فيه كل حقنا

أتمنى أن تكون أهم مطالبنا كالآتى

رفع الحد الأدنى للمعلم 1500

صرف حوافز الإثابة للمعلمين

إلغاء إمتحانات كادر المعلم و الإحتفاظ بالكادر

إقالة وزير التعليم

إقالة وزير المالية

[kholiobaba]

انا موافقة علي الميعاد الاول علشان نضغط بكل قوتنا علي الوزارة ازاي بعد كدة تكلم عامل عندك وهو احسن منك في نظر الدولة واعلي منك في المرتب الله يرحم المدرس بلاش تعليم ولا شغل خلاص الدولةعرفت قيمتنا علشان كدة حتي مهانش عليها تساوينا بالعمال غير المدربين والاميين هي دي مصر وهما دول معلميها تحيا مصر ويحيا مستقبلها
ليا سؤال الساعه كام بالضبط هايكون التجمع علشاننكون ايد واحدة لاول مرة

[عمرو حلمي32]

ابو طبانه بيقول المساواة في الظلم عدل

[mrhossamy]

أهم شئ في فكرة الاعتصام وضوح المطالب واختيار العبارات المناسبه لفضح الفساد وكسب تعاطف المجتمع يعني ببساطه عمل فضيحه للمسئولين المنافقين أصحاب مشاريع البحث العلمي والتطوير والنهضه والتكنولوجيا ازاي ياكذابين وده حال التعليم ونحن معكم المعلمين بالأجر كمثال واضح لعار وزير التعليم ومن أهم المطالب

(1) اقالة وزير التعليم الذي لا يعرف عنا شيئا ولم يتحرك ضميره حتى لرفع الظلم عنا فما لا يرضاه لابنه (أو آسف لكلبه 100 جنيه) هو يرضاه لنا مع أننا للأسف من معدومي الدخل في زمن المهانه.

(2) لن نطالب بأعلى أجر في المجتمع بما أننا بناة المجتمع وأساسه ولا نهضة لكم الا بنا ولكن مراعاة لظروف التحول في البلاد والتخلص من الفاسدين فنحن يمكن أن نتحمل ونرضى بالحد الأدنى للأجور كبدايه حتى يعتدل حال المجتع ويتولى أمورنا مسئولين أمام الله لديهم دين أو ضمير

[mageeed22]

لابد من الاعتصام للضغط علي الحكومه واعادة كيان المعلم الذي لم يحصل حتي فراش

[Master107]

معا فى الاعتصام ان شاء الله

[سيف رسول الله]

أنوي الحضور في كل مكان ومش هرجع إلابتنفيذ الطلبات بشرط الكل في واحد طبعا الكل عارف الطلبات وهي تعين ( وليس تثبيت ) كل المعلمين والغاء الكادر بامتحاناته وعودة الدرجات المالية وتعديل مادة التخصص ورفع الحد الادنى للاجور مساواة بالاطباء واساتذة الجامعات وهكذا اضمن لكم حياة كريمة لكل معلم في مصر بالتوفيق للجميع

[احمد محمد عبد المجيد]

حضرتك مش عارفه ان المعلمين مش تبع الحد الادنى كمان ولا ايه ؟؟؟

[خرزة زرقاء]

المشاركة الأصلية كتبت بواسطة احمد محمد عبد المجيد

حضرتك مش عارفه ان المعلمين مش تبع الحد الادنى كمان ولا ايه ؟؟؟

لأ أنا عارف بس حبيت أوضح الأمر ده عشان لما نطالب مش نطالب بالحد الأدنى لأن حقنا أكتر من كده

[خرزة زرقاء]

فى حاجة كمان

إحنا من حقنا الإحتفاظ بكادرنا مع زيادة الحد الأدنى و صرف حوافز الإثابة


لأنى قرأت هنا موضوع عن ثغرة فى قانون الكادر

و فعلا الكادر مش بيمنعنا من أى زيادة تطبق على موظفى الدولة

و أحنا لو رفعنا قضية هنكسبها

لازم نتحد و نتوحد عشان ناخد حقوقنا المسلوبة


و حسبنا الله و نعم الوكيل نعم المولى و نعم النصير


أرجو أن تهتموا بمشاركاتى يا أخوانى و لا تهملوها

[أحمد علي]

اقترح بدء المظاهرات من يوم الثلاثاء القادم حتي يوم الجمعة وتكون كالأتي : يوم الثلاثاء 7 يونيه الساعة 10 أو 11 صباحا أمام وزارة التربية والتعليم . ثم يوم الأربعاء 8 يونيه الساعة 10 صباحا أمام مجلس الوزراء أثناء انعقاد الجلسة الاسبوعية لمجلس الوزراء بحضور جميع الوزراء وأتمني أن تكون أعداد المعلمين كبيرة في المظاهرة حتي لا يقول وزير التربية والتعليم انهم قلة من المعلمين لايزيد عددهم علي 200 معلم . ثم مظاهرة اخري يوم الخميس 9 يونيه أمام ماسبيرو . ثم المظاهرة الكبري في ميدان التحرير يوم الجمعة 10يونيه . أرجو الرد علي هذا الأقتراح