اختى,,اية رايك تكونى منتقبة؟؟

[زبادو]

سورى يا ارق قلب انتىممكن تكونى سمعتى للشيخ اللى انتى بتقولى عنه بس انا سمعت لمية شيخ واقل حاجة الواحد يعرفها ان السيدة اللى بتتنقب فرض تقلع الحجاب وهى بتحج يبقى ازاى النقاب فرض اصلا ومتشكرة برضه على رايك ومش كل شيخ تسمعيله تقولى كده انا عايزة منك ايه من القران زى مانا قلتلك ايه بس تكونى فاهمة معناها وتناقشينى فيها وساعتها انا هصدقك مش تقولى اسمعى لشيخ مانا سمعت لشيوخ كتير وكل واحد قال راي مختلف وشكرا وانا كان ممكن اقولك الشيخ فلان قال النقاب مش فرض بس بدل ده جبتلك ايه من دينا

[زبادو]

ولو هو فرض يبقى مفروض تتنقبى واللى انتى واخدة حجة ماما وبابا مش موافقين وشكرا لتانى مرة

[زبادو]

بس عاوزة اقولك حاجة انتى عاملة زى ناس بيقولوا عاوزة اتحجب عشان الحجاب فرض بس ماما وبابا مش موافقين عشان كده مش هتحجب وخلينى زى مانا علما انه فرض تلكيكة وشكرا لتالت مرة انا بقيت اشكرك كتير اوى

[شموخ مسلمة]

اولا شكرا على الرد
ثانيا انا قولتلك اسمعى الشريط لان فيه الايات لانى انا مش شيحة و ما قولتلكيش اقتنعى انا بقولك زى ما سمعتى ادلة استحبابه اسمعى ادلة فرضيته
ثالثا انا عملت كل ما تتخيليه مع ماما و بابا علشان البس النقاب لدرجة انى قولتلهم انى مش هروح المدرسة غير بيه مع العلم انى الاولى على مدرستى و علمى علوم و اظن مش المفروض انى البس النقاب بغير و لا انتى ايه رايك

[sweety girl]

يا جماعه هدو نفسكو براحه بس

السيدة اللى بتتنقب فرض تقلع الحجاب وهى بتحج

لأ مين قالك يا حبيبتى منا عملت عمره مرتين (مع العلم انى مش محجبه) المره الأولى كنت صغيره فا كنت بلبس لبس عادل والمره التانيه لبست حاجات واسعه وطرحه يبقى ازاى المفروض اقلعه وانا بحج بقى

وانا هحاول اوصل الكلام ده لمها صيدلانيه صحبت الموضوع واشوف وجهة نظرها

[زبادو]

سورى يا
الملاك المظلم متهيالى انتى مقراتيش اللى كتبته كويس انا بقول لازم فى الحج تبينى وجهك والكفين يعنى تقلعى النقاب محدش جاب سيرة الحجاب اذا كان انا محجبة يعنى ازاى الحجاب مش فرض وانتى يا ارق ملاك ربنا بيقول الفرض لازم متسمعيش كلام حد بينهيكى عن فرض ربنا وانتى بتقولى النقاب فرض وثانيا انتى قلتيلى انا سمعت شيخ وانا قلتلك انا سمعت 100 شيخ وبقولك هاتى الادلة بس تكونى فهماها مش تجيبيلى الشيخ لانى مش هسيب كل الشيوخ اللى سمعتلهم واسمع للشيخ ده واحنا دينا يسر وليس عسر واللى ياريت تقرى اللى انا كاتبه لانى حاسة انك مقراتهوش كويس وشكرا عاوزة اقولك انهم طلعوا فتوة جديدة النقاب اللى بيبين العين حرام لانهم فسروا ايه وغضوا ابصراكم معناها متبينوش عينكم هى عبارة عن تفسير ايات غلط وشكرا لخمس مرة

[زبادو]

ملحوظة انا ممكن اكون قلت السيدة المنقبة تقلع الحجاب بس كان قصدى النقاب لانى جبت سيرة السيدة المنقبة لو كان قصدى الحجاب عادى كنت قلت السيدات كلهم تقلع الحجاب وسورى مفيش سيدة تقلع الحجاب وهى بتحج عمرنا مسمعناها ولا هتحصل

[شموخ مسلمة]

يا زبادوووووووووو اكبر دليل على النقاب ان الرسول -ص- قال تخلع النقاب و هى مش بتخلعه هى بتلبس بيشة يعنى برده وشها مدارى و لو ما روحتيش السعودية شوفى الصلاة من الحرم
وهو اكبر دليل ليه لان انا ما ينفعش اقولك ابقى ما تلبسيش النقاب و انتى بتحجى و انتى اساسا مش لابساه صح و لا ايههههههههههه يعنى علشان الرسول يقول كده يبقى لازم النساء كانت لابسة النقاب
بعدين انا اما قلتلك اسمعى الشريط كان قصدى تسمعى الرايين
انتى عارفة انتى عاملة زى مين زى اللى سمعت عن بنت ما انها مش كويسة -وانا عارفة ان انتى ما قولتيش ان النقاب وحش بس ده مثال افهميه و انتى هتفهمى قصدى-من 5 بنات مثلا و انتى اساسا ما تعرفيهاش فجت و احدة تقولك انها حلوة و تقولك ادلة على كده فقالتلك روحى للابلة هى تعرفها اكتر منى و منك وبعدين تقررى هتكلميها و لا لا بس ما قالتلكيش امشى معاها فانتى قولتى مش هعرف الصح من الابلة لانى سمعت بنات قالو عنها انها مش كويسة
مش المفروض تعرفى الصح عن البنت دى و بعدين اعملى اللى انتى عايزاه انا عايزاكى بس تسمعى الاراء كلها و بعدين تقولى كلمتك النهائية مش اكتر و ده حاجة بينك و بين ربنا انا ماليش دعوة بيها
و مش عايزاكة تنسى ان احنا اخوات فى الدين و ان الدين النصيحة و ربنا يوفقك

[زبادو]

اوكى بصي يا ارق ملاك اي نعم انا مفهمتش حاجة من اللى كتباها دلوقتى غير ان الدين نصيحة وانا اسفة انى اتجادلت معاكى شوية لان لو فضلنا نتجادل مش هنخلص ممكن انتى تكونى شايفة ان النقاب فرض بس انا مش شيفاه فرض وكل واحد ليه رايه من غير منزعل بعض انا كنت بس عاوزة اقول للناس وجهة نظرى وانتى كنتى شكلك كنتى عاوزة تورى للناس وجهة نظرك بس في الاخر مش هقولك اننا نتجادل لان لو اتجادلنا مش هنخلص وده مش من سماحة الاسلام انا جبتلك ايات من القران وممكن يكون انتى عارفة برده ايات من القران بس ده ميديش الحق اننا نتجادل لحد الصبح لان دينا مش بيدعوا لكدة

[شموخ مسلمة]

ربنا يبرك فيكى يا سكر مش زبادوووووووووو ههههههههههههههه

[The Happy Angel]

فائقه الجمال مين ياسيدي دول مصريين يعني ولا بلاش بس بجد حقيقي الجمال لايخص المصريين يعني سمر وشعرهم مش ناعم اوي وكمان عنيهم سودا يعني معتقدش ان فيه وحده حلوه وتلاقيها من اصول مش مصريه

انما فائقه الجمال دي عزيزي حتي مش موجوده في لبنان

هي اوروبا وبس

وصعب نقول كدا يعني ممكن نقول النقاب بس بدون حكايه الجمال دي

[واحـد من النــاس]

بص يا عمار .. بعيد عن الموضوع .. اولا انت بتقول ان انت ماتعتقدش ان في وحدة حلوة وتلاقيها من اصول مش مصرية .. ركز في كلامك عشان انت كده بتناقض كلامك !!!!!!!

ثانيا .. مصر فيها الحلو كتير جدا .. ولو مفيهاش بنات حلوة .. الولاد يعني مش زي براد بيت وتوم كروز .. والجمال مش بالشكل بس ..

اخيرا .. بنات اوروبا مش كلهم حلوين .. فيهم كتير وحشين جدا ..

انا ردي ده ملوش علاقة بالموضوع .. يا ريت يتمسح .. بس انا كنت عايز اقولك حاجة بس

[محمود السيد صالح]

وربنا يهدينا كلنا

[بارقة امل]

السلام عليكم ورحمة الله
اختي الفاضلة زبادو تعليقا على نقطة (( السيدة اللى بتتنقب فرض تقلع الحجاب وهى بتحج يبقى ازاى النقاب فرض اصلا ))
حديث لا تنتقب المحرمة هو اكبر دليل على فرض الحجاب
ازاي؟ هقولك ازاي لو النقاب مش موجود كان الرسول يامر المحرمات بخلع النقاب ليه مع ان مفيش ولا واحدة منهم منتقبة
يعني ماما قالتلي قشري البرتقانة قبل ماتاكليها معنى كده ان كان فيه برتقانة اصلا ولو ماكنش في برتقانة ماما ماكنتش هتقول كده
وبرضه حديث الوجه والكفان ده كان قبل فرض الحجاب اصلا يعني الزي الشرعي هو النقاب لا ادناء الثوب يكون على جميع البدن

[بارقة امل]

بالنسبة لموضوع غض البصر والراجل هيغض بصره عن ايه؟؟
زمان واحنا في ابتدائي في حديث اداب الطريق قالولنا ان غض البصر هو عدم النظر الى ماحرم الله وانا اذكر ان الاستاذ قال مش معنى حرم الله يعني الستات لا كمان عدم تتبع المار سواء راجل او ست
ووبعدين احنا ممكن نكون في موسم رياح وللا حاجة والملابس تطير او اي حاجة يبقى نغض بصرنا
وبعدين في بعض الناس ممكن يكونوا ازهريين وبيظهروا في برامج مع نساء متبرجات ومش بيغضوا بصرهم الا من رحم ربي