|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
|
|
#1
13-08-2009, 09:44 PM
|
||||
|
||||
هههههه لحد كدة كويس والحمد لله
حضرتك كنت زي ما بيقولوا ماسك في الدنيا بايديه وسنانه  مستنين لما نشوف التشرد البائس
__________________
أجمل شي في الحياة حينما تكتشف وجود أناس قلوبهم مثل اللؤلؤ المكنون في الرقة واللمعان .. والصفاء والنقاء .. قلوبهم تحمل الحب والعطاء .. اللهم احفظهم واكرمهم واجمعنا بهم تحت ظلك يوم لا ظل إلا ظلك .. اللهم ياارب لا تحرمنا من وجودهم فى حياتنا آمييييييييييين يا رب العالمين. |
|
#2
13-08-2009, 10:12 PM
|
|||
|
|||
|
اها كمل
شكلها هتبقى طفولة بائسة بس أكيد متابعينك يا باشمهندس |
|
#3
14-08-2009, 12:00 AM
|
||||||
|
||||||
|
اقتباس:
لازم نناضل من اجل البقاء ادينى قاعد على قلبهم اقتباس:
شكرا على المتابعة لسة اللى جاى اسود دمتم فى رعاية الله اقتباس:
الا هيا ترااجيدى دى يعنى ايه امال يابنتى طه حسين مين منا اسمى محمود طه ...( خمسين اسم ) وبعدين فى النهاية حسين فوتتك بعافية اقتباس:
سلامة جهازك الف لا بأس عليه شكرا على المتابعة اقتباس:
ايون الحياة حلوة هو مش بائس اوى يعنى تابعينا بس اقتباس:
ان شاء الله هكمل دلوقتى دمتم فى رعاية الله
__________________
 ......استودعكم الله الذى لاتضيع ودائعه.... ....closed 4 ever
|
|
#4
14-08-2009, 12:30 AM
|
||||
|
||||
|
نأسف على هذا العطل الفنى
والى حضراتكم هذا التقرير:D :::::::::::: تشرد بائس وبما انى فافى من يومى كنت عايش على لبن بودرة والسيرلاك والحاجات اللى مكانتش ظهرت على ايامى دى كنت هزيل شوية بس كان شعرى طويل ونازل على عينى ولو حد عايز يشوف الصور يبعتلى ونا اوريهاله بس يشخلل جيوبه .... المهم عدت مرحلة الرضاعة وبدائيات الحياة دى كانو مدلعنى شوية على سبيل الشفقة وبدأت مرحلة التشرد كان عندى تلات سنين تقريبا .. وقولت اسيب البيت والتفت لمستقبلى وانزل الشارع العب مع العيال الصغيرين .. فى اول الامر كنت غلبان كدا وكنت بتفرج على العيال وهيا بتلعب شوية بشوية لعبت معاهم كانو بيسطعبطونى شوية علشان انا كنت غلبان بقا طالع من عند بابى ومامى ودلع وبتاع شوية بشوية فهمت الدنيا وفهمت اللعب دا ماشى ازاى من الاخر اتكحرت فى الشارع واتأثرت بالعيال دى وبعد ماكنت هادى بقيت شادى وابراهيم واحمد فى بعض وبقيت زى ماتقولو بلطجى ... مكنتش بسيب حد الا لما اضربه وكل يوم كام خناقة .. وبما ان مرحلة الدلع انتهت فكان مع كل خناقة علقة تمام المشكلة فى العلقة دى انها بتتكرر فى اليوم اكتر من مرة وبنفس النمط انضرب مرة من بابا ومرة من الحجة ماما ومرة من اخويا الكبير بالاضافة الى اخواتى البنات .. وساعتها كنت ملطشة اللى ايده بتاكله يجى يضرب فيا اكمنى هادى وطبعا ولاكان فى دماغى لانى اتعودت على الضرب واستمريت فى اداء عملى فى الشارع كطفل متشرد اضرب دا واشتم فى دا لسانى كان طويل بشكل .. الطريف فى الامر واللى توصلتله من فترة ان الانسان فى بلاد برا بيفضل طفل لحد مايوصل خمستاشر سنة وفى مصر بيفضل طفل لحد مثلا سبع سنين او اقل شوية او شويتين انما انا مرحلة الطفولة عندى انتهت بمجرد مانزلت الشارع الطفولة والبراءة دى اتمحت من الذاكرة .. وبكدا تكون تانى فقرة خلصت تابعونى مع تالت فقرة فى الرد التالى وهتكون بعنوان مواقف فى حياة طفل وهتكون الجرعة كبيرة شويتين دمتم فى رعاية الله
__________________
......استودعكم الله الذى لاتضيع ودائعه.... ....closed 4 ever
|
|
#5
14-08-2009, 12:56 AM
|
||||
|
||||
 بجد يا بشمهندس قصتك حلوة أوي و جميلة جداا و مستمتعة بقراءتها و متشوقة لرؤية التكملة 
__________________
 أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، آخر تعديل بواسطة Amethyst ، 14-08-2009 الساعة 02:01 AM |
|
#6
14-08-2009, 02:19 AM
|
||||
|
||||
|
اقتباس:
حاسس بنوع من التريقة على الكمية اللى بتنزل بس عموما هزود الكلام شوية شكرا يا مريم دمتم فى رعاية الله
__________________
......استودعكم الله الذى لاتضيع ودائعه.... ....closed 4 ever
|
|
#7
14-08-2009, 06:17 AM
|
||||
|
||||
|
اقتباس:
هههههه و الله و أنا كمان  اقتباس:
أنا عن نفسي و الله ما بتريق
بالعكس شكلها حلقات جميلة أوي بس مش هاعلق عليها و "أتريق" إلا لما تخلص يللا مستنيين البقية و مش هتريق خاااالص
__________________
أَسْتَوْدِعُكُمُ اللهَ الْذِي لا تَضِيعُ وَدَائِعَهُ ،، و دُمْتُمْ بِحِفْظِ اللهِ ،، |
|
#8
14-08-2009, 02:49 AM
|
||||
|
||||
|
مواقف من حياة طفل فى الفقرة دى هحكى شوية مواقف كدافاكرها اول موقف -1- سرنجات وتسمم من المعروف انى دكتور من يومى .. وبما انى مكنتش زى باقى الاطفال اللى بتلعب بالكور والدباديب والكلام الأطفالى ده اختصرت على نفسى انا وشلة المتشردين زمايلى كنا بنلعب بالسرنجات نحط فيها مية ونرش او نملاها بهواء ونطير السرنجات(شوفتو الهبل ) فضل الامر ماشى تمام يومين تلاتة بدون خساير فى الارواح .. ولكن حصل اللى حصل كنت عند المراجيح فى الوقت دا خلاص اتمرجحت وبقيت تمام وبدأت العب بالحقن كنت انا واتنين تلاتة كدا كان فيهم واحد اسمه عبد العزيز .. بيلعب بالحقنة عادى ملاها هواء وجيت لحظة الانطلاق ضغط على الحقنة فالابرة لقت هدف الهدف داكان ايد حضرتى ... طبعا عيطت شوية ومكان الابرة نقطتين دم الكلام دا كان قبل المغرب علطول .. وبعدين روحت غسلت ايدى وشىء طبيعى انى مقولش لحد على اللى حصل علشان معرضش نفسى للضرب كالعادة .. المهم كتمت على اللى حصل ونمت على امل ان ايدى هتبقا تمام لكن لما صحيت مكنتش حاسس بايدى ولقيتها حاجة كبيرة كدا وضخمة ومش قادر استحمل الالم بتاعها جرى على اخويا الكبير شافنى اتخض حكيتله اللى حصل .. بعدين على المستشفى علطول اتضح ان عندى تسمم وكنت خلاص هتكل على الله بس ربنا ستر وبعد علاج ومراهم وادوية وسرنجات برضو خفيت الحمد لله وربنا ستر كل اللى اقدر اقوله فى الموقف دا اننا كنا هبل بطريقة فظيعة كنا بنلعب بحاجات غبية ........................... -2- استهبال احم موقف تانى من مواقفى المميتة فى يوم من الايام وكالعادة بشبط فى اى حد رايح فى اى مكان فى اليوم دا اختى كانت راحة عند عمتى وطبعا مش عايزة تاخدنى معاها علشان شقاوتى ونا راسى والف خنجر انى لازم اروح .. دا يضربنى الم التانى المين وخبطة يمين وخبطة شمال المهم عملت نفسى هديت ومش هروح معاها هيا خرجت من هنا مفيش دقيقتين واتسحبت من وراهم وخرجت ورا اختى لحد ما وصلت لطريق العربيات نديت على اختى اللى كانت اطمنت خلاص انى مش هروح معاها المهم اذبهلت منى كدا وقالت دنا لسة سايباك فى البيت وفضلت تقولى ارجع مرجعش.. يا حبيبى ارجع بردو مفيش فايدة المهم عايزة ترجعنى بالعافية ونا اجرى منها ونا بجرى بقا كان فى عربية ماشية ولقت هدف الهدف دا كنت انا بردو المهم خبطتنى خبطة خفيفة كدا وربنا ستر لان العربية مكانتش سريعة المهم شوية خدوش والم بسيط فى رجلى المهم خفت من اختى بقا لانها كانت مستحلفالى فقولت اجيب الحكاية فى السواق فاستعبطت انا وعملت نفسى وكأن رجلى اتكسرت ودمعتين كدا بعد عصر عينى مرارا وتكرارا فى الوقت دا اختى نسيت اللى حصل وكان همها انها تروحنى علشان تشوف رجلى وشالتنى كمان والسواق خاد الواجب بتاعه من الناس اللى كانت واقفة .................................. -3- معلش يا جدو الموقف دا لسة معلم فى جتتى كان يوم جدى دخل البيت وقعد كدا ومدد ماشاء الله وكان لابس شوز ساعتها المهم نام وهو لابس الشوز بردو فقومت انا رابط رباطين الشوز فى بعضهم ونمت جمبه المهم جدى بعد ما صحى فبيمشى كدا هههههه هوب راح واقع ونا صحيت على صوت وقعة جدى ( الله يرحمه) وطبعا الكل كان مقتنع تمام الاقتناع بأن مفيش حد غيرى يعمل كدا فطبعا انا كنت واقف اضحك وهايص بسبب الى حصل وطبعا الكل كان مذبهل بسبب الى حصل بس بعد ماعرفو ان انا اللى عملت كدا كل اللى ايده بتاكله ضرب فيا شوية:d العجيب فى الامر بقا انى جدى الطيب ده هو اللى حاش عنى وكان بيضحك هو كمان تابعونا مع مواقف تانية
دمتم فى رعاية الله
__________________
......استودعكم الله الذى لاتضيع ودائعه.... ....closed 4 ever
آخر تعديل بواسطة ..Just Stop ، 14-08-2009 الساعة 03:02 AM |
|
#10
14-08-2009, 07:39 AM
|
|||
|
|||
|
هههههههههههههههه
بجد موضوع تحفه ويوميات الاعضاء ما شاء الله طفولة مشرقة كنت بحسب اخوية شقي ....بس جنب محمود ميجيش حاجة 
__________________
والحب له قوانين آخري..!
|
|
#11
14-08-2009, 03:02 PM
|
||||
|
||||
|
اقتباس:
دى كانت طفولة بريئة بس زمن البراءة راح بقا وكل سنة وانتم طيبين اقتباس:
الكلمة اللى بين قوسين دى مشوفهاش بالفعل عموما ادينا لسة بنحكى اقتباس:
فين الشقاوة دى بس هو فى اهدى من كدا منورة يا تسابيح النجوم استنونا بعد الفاصل دمتم فى رعاية الله
__________________
......استودعكم الله الذى لاتضيع ودائعه.... ....closed 4 ever
|
|
#12
14-08-2009, 06:32 PM
|
|||
|
|||
|
ههههههههههه
لا بجد طفولة ياعيني كلها امراض وتعب الاطفال اللي زى كده بيصعبوا عليا أوى بس سؤال بجد جاوب عليه : إيه المرض اللي جالك ومش عايزنا نتريق عليه ؟؟؟؟ |
|
#13
14-08-2009, 06:49 PM
|
||||
|
||||
|
اقتباس:
ميصعبش عليكى غالى حسستينى انى كنت تعبان وبعدين منا قولت محدش له دعوة بالمرض ده احتمال اقوللكو فى الاخر شكرا على المتابعة دمتم فى رعاية الله
__________________
......استودعكم الله الذى لاتضيع ودائعه.... ....closed 4 ever
|
|
#15
14-08-2009, 06:39 PM
|
||||
|
||||
|
ورجعنالكو مرة تانية وبعض المواقف العصيبة ملح فى الشاى= سم فى العسل . والموقف دا جابلى املاح يا جماعة الله لا يوريكو فى يوم ماما كانت فى المطبخ بتعمل شاى وطبعا قالتلى ادخل يا .... (بتدلعنى ) حط سكر فى الكوبايات وطبعاانا ماصدقت الاقى حاجة اعمل بيها مشكلة فطبعا اكمنى هادى كان فى كيس ملح جمب السكر فقولت احط ملح واللا سكر ... فقولت بذكائى اما اخليهم يجربو طعم الشاى بالملح علشان زمانهم زهقو من السكر دا .. وطبعا كوبايتى الصغيورة معروفة فقولت انا مزهقتش من السكر فهحط فيها سكر بردو واحطلهم ملح .. المهم حطيت ليهم ملح فى الشاى.... وجيت لحظة التذوق بعد ما ماما من غير ماتاخد بالها قلبت الكوبايات وودتها لبابا واخواتى .. احساس جميل جدا لما تلاقى اللى قدامك حسو بقرف او شىء غريب ومع كل بخة بق شاى من بق كل واحد من طعمه .. احساسى بالمتعة كان بيزيد .. اللى ساب كبايته وقعت اتكسرت واللى .... طبعا ماما شافت كدا قالتلى عملت ايه فى الشاى يا ......( بتدلعنى بردو ) ... طبعا عملت فيها برىء ونا حطيته من غير ما اخد بالى اصل السكر بنفس لون الملح  .. بس اتغابيت فى حتة شربت من كوبايتى ومعملتش حاجة فماما قالتلى هات كوبايتك كدا يا ابن ال .... ( بتشتم المرادى ) فلقيته بطعم السكر عادى وطبعا كالعادة ... اتضربت بعدد اللى كانو بيشربو شاى واللى ايده بتاكله يجى يضربنى بردو كنت هادى اوى انا ... ::::::::::::::::::: برىء يا بيه
... بما انى اخر العنقود اكيد كان ليا اخوات اكبر منى .. طبعا اخويا خالد اكبرهم فى الوقت دا كان فى التعليم لسة .. مش فاكر كان فى سنة ايه و مرحلة ايه كان فى كتاب كدا كل يوم يذاكر فيه اعتقد انه رياضة فقولت ايه بقا .. امااشوف الكتاب دا .. واتفرج على الصور اللى فيه ملقيتش فيه صور .. فقولت انا هخبيه اصله وحش وطبعا اخويافضل يدور على الكتاب وكان هيتجنن ويقول انا بحطه هنا كل يوم راح فين النهاردة .. المهم انا كنت بدور معاه لقيته مرة واحدة كدا بصلى وقال يا حودة ويا ميدو والكلام الاهبل دا فين الكتاب؟ .. ونا اقولله منا بدور معاك اهو لما الاقيه هقوللك وطبعا لانه عارف انى هادى جدا قاللى فين هدومك احم .. طبعا قولتله عايز هدومى ليه دى صغيرة عليك قاللى ملكش دعوة .. راح فتح الدولاب وبيقلب لقا الكتاب مستناش لحظة كان ماسك الكتاب فى ايده الشمال انما ايده اليمين بوم على وشى .. وضرب بقا واهانات العيلة دى هرتنى ضرب ياللا ربنا يسامحهم بقا لو انا كنت شقى كنت علمتهم الادب تابعونا بعد الفاصل .. بس مش عارف هقول مواقف لسة واللا هدخل فى مرحلة الابتدائية لانى ...... هتعرفو بعد شوية .. دمتم فى رعاية الله
__________________
......استودعكم الله الذى لاتضيع ودائعه.... ....closed 4 ever
آخر تعديل بواسطة ..Just Stop ، 14-08-2009 الساعة 06:44 PM |
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض المتطور
|
|
جميع الأوقات بتوقيت GMT +2. الساعة الآن 07:43 AM.
