الأن التحويلات وتقليل الأغتراب . والتقدم للكليات لطلاب المرحلتين للتنسيق

[سعيد صلاح محمد]

بعد اذنك عايز استفسر عن حاجه ايه الفرق بين تقليل الاغتراب بنفس التخصص المناظر وطلب التحويل المناظر خارج المنطقة الجعرافيه ؟ ارجو التفسير ؟؟؟

[arwa badr]

لو سمحت انا من العريش وهيا مش في التزيع الجغرافي ومش راضي يفتحلي اي حاجه اعمل ايه ؟! انا هندسة المطريه وعايزه احول هندسة الاسكندريه وهيا اكتر من مجموعي بدرجه هينفع ولو ينفع اخترا ايه نوع التحويل

[محمد حسن ضبعون]

المشاركة الأصلية كتبت بواسطة سعيد صلاح محمد

بعد اذنك عايز استفسر عن حاجه ايه الفرق بين تقليل الاغتراب بنفس التخصص المناظر وطلب التحويل المناظر خارج المنطقة الجعرافيه ؟ ارجو التفسير ؟؟؟

تقليل الأغتراب بالتخصص المناظر يعنى من كلية اداب بعيدة لكلية اداب قريبة من سكنك
التحويل المناظر هو العكس من أداب قريبة من سكنك لكلية اداب بعيدة عن سكنك

[ياالله يا ارحم الراحمين]

لو سمحت يا استاذي الفاضل انا جالي علوم حلوان وعايزة احول علوم قاهرة اعمل ايه ضروري الله يخليك

[السلف]

بعد إذن حضرتك استاذ محمد
انا من قنا وجاتلى طب اسوأن (أ) و عايز احول طب قنا (أ) بس التحويل بيقول
تم ترشيحك في المنطقة الجغرافيية (أ) إنهاء
من فضلك يا استاذ محمد ايه الحل انا مش عارف اعمل ايه ؟؟؟

[ياالله يا ارحم الراحمين]

معلش التحويل بتاعي مرفوض هل حضرتك تعرف متي يبدأ التقديم في كلية علوم حلوان وهل يوجد تحويل ورقي

[Deeda]

لو سمحتوا انا عايزة اعرف علشان احول من السن عين شمس لعلوم القاهرة اختار ايه من الاختيارات الاربعة اللى بتظهر عند التسجيل

[منال الفاتحة]

لو سمحت انا جالى تربية عين شمس بنات وانا من الزقازيق ولما جيت احول الكترونى منفعش لانها توزيع اقليمى فهل ينفع احول ورقى للزقازيق ولا كده خلاص مينفعش احول تربية ابتدائى

[nadaabuziena]

الف شكر يا دكتور

[amrshalaby95]

هل اقوم بالتقديم الورقى الان ام انتظر نتيجة التحويل ؟

و هل يمكن يفوتنى التقديم لو تاخرت ؟

جزيل الشكر

[ehabelsapa]

المشاركة الأصلية كتبت بواسطة amrshalaby95

هل اقوم بالتقديم الورقى الان ام انتظر نتيجة التحويل ؟

و هل يمكن يفوتنى التقديم لو تاخرت ؟

جزيل الشكر

التحويل الورقي باين كدا بيفتح بعد نتيجة التحويل الالتكتروني

[amrshalaby95]

المشاركة الأصلية كتبت بواسطة ehabelsapa

التحويل الورقي باين كدا بيفتح بعد نتيجة التحويل الالتكتروني

انا اقصد التقدم للجامعة اللى انا اترشحتلها و عاوز احول منها

[ehabelsapa]

هو بالحق حكاية انك تحول بدري بدري يكون احسن من ان واحد يحول بعد فتح التسجيل يوم ولا يومين ؟؟؟؟؟ ولا كله زي بعضه

[طالبه الرضا من الله]

طب لو سمحت التقديم للمرحله التانيه ابتدا اولا ؟؟؟؟

[محمد حسن ضبعون]

قواعد تقليل الاغتراب

الغرض الأساسي من تحويل الطالب، بعد ترشيحه عن طريق مكتب التنسيق، هو تقليل اغتراب الطالب بحيث يلتحق بكلية في المنطقة (أ)، وليس الغرض من التحويل تغيير رأى الطالب وإعادة ترشيحه في موقع أخر، وتنقسم عملية التحويل إلى نوعين:
أولا: تحويل إلى كلية غير مناظرة:
· يسمح للطالب الذي تم ترشيحه في عملية التنسيق في كلية ما خارج أو داخل منطقته الجغرافية (أ)، بالتقدم للتحويل إلى كلية غير مناظرة في منطقته الجغرافية (أ) فقط، بشرط حصوله على الحد الأدنى لمجموع الدرجات الذي قبلته الكلية المطلوب التحويل إليها، وبشرط استيفاء باقي قواعد القبول بالكلية مثل النجاح في اختبارات القدرات إن وجدت. ومثال لذلك طالب قبل بكلية الهندسة جامعة أسيوط وهو من محافظة الغربية يمكنه التقدم للتحويل إلى كلية غير كلية الهندسة (العلوم {رياضة} - الآداب – التجارة ... الخ) في جامعة طنطا حيث تقع جامعة طنطا في النطاق الجغرافي (أ)، وبشرط أن يكون مجموعه مستوفى للحد الأدنى للكلية المراد التحويل إليها.
ثانيا : تحويل إلى كلية مناظرة:
· يتم قبول تحويلات في حدود نسبة مئوية يحددها المجلس الأعلى للجامعات بنسبة 10% من الاماكن المقررة لكل كلية وطبقا للإمكانيات الاستيعابية للكليات.
· يسمح للطالب الذي رشح في كلية ما خارج منطقته الجغرافية (أ)، بالتقدم للتحويل إلى كلية مناظرة في منطقته الجغرافية (أ) فقط .وفقاً لما يلي:-
· فى حالة وجود أكثر من كلية مناظرة في النطاق الجغرافي (أ)، يسمح للطالب الذى رشح لكلية خارج النطاق الجغرافى (أ) ، بابداء رغبته فى التحويل لأحد الكليات المناظرة داخل النطاق الجغرافى (أ) ذات الحد الادنى الاقل فى منطقته الجغرافية ( أ ) ويتم تحديد إمكانية التحويل للكليات داخل النطاق الجغرافى طبقا للأعداد والطاقة الاستيعابية للكليات وترتيب الطالب بين الطلاب الراغبين للتحويل و فى النطاق الجغرافى (أ) للطالب ويتم ترتيب الطلاب طبقا للمجموع ، وتحويل العدد الذى حدده المجلس الأعلى للجامعات.
· بالنسبة للتحويل المناظر لتقليل الاغتراب في الكليات التي تطبق نظامي القبول (الانتظام – الانتساب الموجه):يكون التحويل بين هذه الكليات على النحو التالي طبقاً لقرار المجلس الأعلي للجامعات:
· في حالة ترشيح الطالب إلى كلية ما (انتظام) ويرغب في التحويل إلى كلية مناظرة لتقليل الاغتراب فيكون التحويل في هذه الحالة للطالب المنتظم بنفس حالته بشرط أن يكون حاصلاً على مجموع أعلى من أعلى طالب قبل وفق نظام الانتساب الموجه في الكلية المحول إليها، وذلك مراعاة لعدم تضارب الوضع القانوني لطلبة الانتساب الموجه وطلبة الانتظام.

بالنسبة للتحويل بين المعاهد العليا الخاصة و المتوسطة :
- يتطلب التحويل بين المعاهد العالية والمتوسطة الخاصة استيفاء الطالب للحد الأدنى للقبول بالمعهد المراد التحويل إليه وفى حدود 10% من الأعداد المقررة والطاقة الاستيعابية للمعهد

ملحوظة هامة:
- تعتبركلية كلية التخطيط العمرانى بالقاهرة كلية فريدة وليس لها مناظر، والتحويل منها أو إليها يخضع لنظام التحويل لكليات غير مناظرة .
- اعتبار كليات (الهندسة الالكترونية بمنوف جامعة المنوفية- هندسة البترول والتعدين بالسويس جامعة السويس -هندسة الطاقة بأسوان جامعة أسوان) مناظرة لباقي كليات الهندسة بالجامعات الأخرى للطلاب المستجدين فقط (المرشحين للفرقة الإعدادية)، ويتم القبول بها خارج نطاق التوزيع الجغرافي، ويتم التحويل منها إلي باقي كليات الهندسة بالجامعات الأخرى أو العكس وفقاً لقواعد التحويل المناظر لتقليل الاغتراب وذلك للطلاب المستجدين فقط (المرشحين للفرقة الإعدادية).