لازم نحس الاحساس دا كلنا

[yomna1993]

السلام عليكم
انا حسيت احساس غريب اوي امبارح حبيت اوصله ليكم

ممكن و لو خمس دقايق بس نتخيل اننا على فراش الموت
و ان ملك الموت قدامنا و بيقولنا اما (اخرجي ايها الروح الطيبه )او (اخرجي ايها الروح الضالة)
و اننا في نفس اللحظة طلعت روحنا و شوفنا مكننا اما في الجنة باذن الله تعالى او اما في النار اعوذ بالله ربنا يبعدنا عنها

و عرفنا مقدار الحسنات و السيئات
و شوفنا الملائكة لو صالحين هنشوفها شكلها جميل جدا مطمئنة للروح رائحتها عطرة ...........او اعوذ بالله ملائكة شكلها كريه تجعل روحنا خائفة مرعوبة رائحة كريهه بتوريك اعمالك و بتقولك اخرجي ايتها الروح الضاله لله السيئة

ياااااا ه
تعرفوا هنحس بايه؟
انا حسيت اني لو ارجع الدنيا و لو لحظه عشان اقول استغفر الله مرة
ارجع الدنيا اوحد ربي و لو بكلمة
ياااااه لو بس كنت قولت استغفر الله ..الحمد لله
يااااه لو مكنتش ضيعت وقتي قدام حاجات تافهه
يااااه لو مكنتش بصيت على( بنت او ولد )
ياااه لو مكنتش بلبش ضيق و عريان و بلفت كل الناس ليا
يااااااه لو مكنتش روحت اعاكس بنات مع اصحابي او جربت سيجارة او اي حاجة غلط
ياااه لو مكنتش اغتبت او نميت على اي حد من اصحابي او اي حد ماشي في الشارع
ياااه لو مكنتش عيبت على دي و دي و دا
ياااااااه لو كنت اطعت امي و ابي
ياااااااه لو كنت ساعدت المحتاج
يااااه لو كنت اخرجت زكاه و لو بسيطة كل شهر
ياااااه لو كنت بقرا قران كل يوم
يااااااه لو كنت بعمل بسنن رسول الله

و كتييير اوي حاجات بنعملها و غفلانين عنها
الناس في غفلة و إذا اتاهم الموت افاقوا

بجد يا جماعة عايزين بعد ما حسينا بلحظة الموت دي
بس نحسها بجد مش مجرد توبيك و قريناه
نحسس نفسنا ان دي فرصة من ربنا
كان انهاردة يوم عشان تستغفر فيه عشان نعمل كل الي ندمنا عليه

بجد الناس في غفلة و مش حاسين غير لما تصبهم مصيبة الموت
و الموت خير على المؤمن شر على الكافر

ربنا يجزينا الجنة جميعا و يا رب الي يقرا التوبيك دا و يعمل بيه يجمعنا في الجنة مع الحبيب المصطفى يا رب