المستوى الرفيع .....مهزلة

[Dr. R KH]

السلام عليكم ورحمة الله وبركاته
في الاول كده نقول الف مبروك لجميع طلبة الثانوية و ربنا يوفقنا في المرحلة الجاية

بس ايه رأيكو في درجات المستوى الرفيع بالذات الاحياء ؟؟؟؟؟؟؟؟هو صحيح الامتحان كان صعب اه بس مش لدرجة ان الدنيا كلها تجيب 6 او 6 و نص يعني 30 من50
انا مش مقتنعة اصلا انه اتصحح لان كل اللي اعرفهم واخدين مستوى احياء درجاتهم اقل من7
ومعظم اللي واخدين فلسفة جابوا 10
وكذلك العربي درجاتهم من 8ل 10
و اللي حصل في لجان المستوى عندنا يؤكد انه ماتصححش زي مثلا:
البنات اللي كانوا واخدين فلسفة معايا في اللجنة ما كنوش مذاكرين واعتمدوا انها هتبقى اخر لجنة وهيسيبوهم يغشوا لكن اللجنة كانت شادة وبالتالي مكتبوش حاجة وروحوا بعد ربع ساعة من استلامهم الورق
والمفاجأة ان كلهم جابو10
وكذلك بتوع العربي كانو سايبين اسئلة فاضية وجابو 9
واحلى حاجة ان عندنا ولد في المدرسة مش ناجح جايب10 في العربي و10 في المستوى الفلسفة
تقريبا كان بيجبروا بخاطره
يا ريت لو حد حصله زي اللي حصلنا يقول عشان عايزين نتفق ونكلم البرامج الاكثر تأثيرا زي العاشرة مساء و90 دقيقة
حسبنا الله ونعم الوكيل