قولنا خبرتك ف مزاكره كل ماده

[مكعبات]

بسم الله الرحمن الرحيم
احنا عارفين ان لكل ماده و ليها طريقه مزاكره مختلفه
و كمان بتفرق المواد الادبيه عن العلميه
ياريت كل و احد هنا يقولنا خبرته ف ماده معينه كان بيعرف يزاكرها بطريقه صح و جاب نتيجه معاه

[مروه]

موضوع حلو اووووووووووووى

بس انا شايفه ان اهم حاجه فى مزاكرة اى ماده علميه او ادبيه

هى حل اسئلة كتيره

[stoof]

موضوع جميل

كل واحد منا ليه طريقة مذاكرة ومهما عرف طرق مذاكرة لأخرين هو لازم يذاكر بطريقته الخاصة بس أنا هتكلم على سنة تانية لأن طرق مذاكرتها جابت نتيجة والحمد لله لكن تالتة لسه النتيجة لا يعلمها الا الله

الكيمياء مادة لذيذة جدا جدا جدا محتاجة إنك كل فترة معينة تعمل مراجعة على كل الي انت واخده وده دور مشترك من المدرس والطالب يعني المدرس كل وحدة مثلا يعمل امتحان و بعدين يعمل على الي بعدها وبعدين يعمل عليهم الاتنين مع بعض ولازم تحل كتير وجبت فيها للأسف (( 49))

رياضة (1) مادة رائعة كنت بذاكرها بعد الساعة 12 بالليل يعني بعد انتهاء مذاكرة المواد الأخرى و عايزة تحل كتاب المعاصر مسائل و كتاب نماذج و كتاب المدرسة و أن شاء الله هتدخل الأمتحان و هتقفله أن شاء الله بس للأسف أنا جبت ((49.5))


عربي سنة تانية :::: أدب مصر و أدب الاندلس هو الي رخم شوية ولازم تتحملوا شوية بس سهل جدا جدا جدا جداجدا وبرضو الحمد لله جبت ((28))


الانجلش سهل سهل سهل سهل ولازم تكون كويس فيه من الأول يعني يكون عندك معلومات سابقة ولله الحمد جبت ((24.5 من 25 )))

اللغة التانية انا كنت فرنسي و محتاج تحل كتب خارجية كتير وامتحانات كتير و بإذن الله هتقفله أنا الحمد لله جبت (( 49.5 ))


و يا رب تكون النتيجة السنة ده حلوة يا رب يا رب كل طلبة ثانوي مرحلة أولى وتانية يفرحو يا رب إن شاء الله

بس مش تنسوا الحلاوة ( هههههههههههههههههه)


أخوكم stoof

[مكعبات]

متشكره على المشاركه و الرد و اتمنى افادتكم اكثر
سلاااااااااااااااااااااااااااااااااااااااااااااااا ااام

[الغزاليان]

[Farawlla]

ستوف

انا كنت عايزة اعرف منك انت كنت بتسهر انا اسمع ان السهر مضر

وازاي بتقدر تنظيم يومك في المذاكرة بتذاكر كل مادة في يوم ولا كذا مادة في يوم ولا ايه

و مبروووووك عالنتيجة المشرفة دي يا رب اجيب زيك

[طالبة حالمة]

انا هكلم عن مادة علمية وهى الفيزياء بجد احسن حل عشان تجيبى الدرجة النهائية فييها انك تحلى كتيييييييييييييييييير جدا ولازم تفهمى الاول وما تعديش حاجة انتى مش فاهماها
المادة الادبية التاريخ حفظ ثم حفظ وتثبتى الدرس بالحل كتيير برضه
ميرسى عالفكرة الجميلة