|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
17-08-2007, 04:31 PM
|
||||
|
||||
انا محمود ابو اسماعيل مواطن مصرى من البراجيل
من بدرى بصحى من نومى مستعجل بكوى هدومى عاوز اكل... عاوز افطر عشان انزل وابدا يومى لكن حظى طابونة العيش واقف عليها من الناس جيش شايل قفصى واقف مستنى شوية اصفر وشوية اغنى واخيرا ...فرجت يــــــارب وصلنى العيش وكله حب وركبت التوكتوك علطول وسالنى على فين يا الامور استغربت لكن كبرت ما انا مش فاضى واتاخرت وبعد ممل وطول انتظار وصلت البيت مخنوق حران لقيت طبق الفول مستنينى ومفيش غيره بيناديلى اللهم لا اعتراض كده احسن للاقتصاد وجرى جرى على شغلى عمال افكر مشغول عقلى يا ترى المرتب وصل ولا لسة ويا ترى هشرح ايه فى الحصة واخيرا... وصلت المدرسة والمدير كلمنى بنرفزة ويقولى استاذمحمود كنت فين ما هو عنده عربية شاهين مش حاسس ببلاوى المواصلات ولا هم الاتوبيسات ما علينا طلعت الفصل طلبة بجد عندها اصل مفيش ولا طالب موجود يا بختك يا استاذ محمود فتحت الكشكول وقعدت افكر مصروف البيت ازاى يدبر مصاريف العيال هجيبها منين وايجار البيت فضله يومين والمدام عاوزة فستان اخر موضة شكله جنان لو قولتلها الشهر الجاى تحكى وتشكى للجيران يا حوستك يا استاذ محمود دى مصاريف ملهاش حدود وقعدت افكر طول الوقت انا خلاص عقلى شت واخيرا جرس المدرسة ضرب بالنسبة لى كانه طرب روحت البيت زى المجنون جعان ميت مخنوق مطحون وفجاة فقدت الحس لان الغدا كان عدس و بس اكلت وخلاص وانا راضى نحمدك يارب يا عاطى وجريت عالسرير عشان انام لكن اعمل ايه فى المدام قعدت تتكلم وتحكى وانا خلاص قربت ابكى قولتلها ارحمنى عاوزة انام انتى ايه مبتبطليش كلام ايه مبتبطليش طلبات معندكيش غير هات هات وطبعا معرفتش انام قولت اذاكر للواد اسلام اقرا يا ابنى انطق قول لامتقوليش كده علطول براحة يا بابا عليا انا بس مش مذاكر الحتة ديا طيب يلا نذاكر حساب لا يا بابا بناخد بدلها العاب طيب يلا نذاكر انجليزى يا بابا خليك كول خليك ايزى اه واه واهااااااااات انا خلاص عقلى شاط حتى العيال مش نفعين امال احنا ليه عايشين حياة مملة والدنيا زحمة ومحدش لاقى كيلو لحمة طاطى راسك طاطى انت فى وطن ديمقراطى احنا ناكل عدس والحمة للبدلة الضباطى حتى لو اشتغلت بذمة وخايف على مصلحة الامة شغلك كله ملهوش لزمة فى الاخر تاخد بالجزمة اصل حميها هو حرميها طالع نازل واكل فيها لما شقاك يكون مش ليك وفقرك سد السكة عليها يبقى الموت افضلك يا انسان احسن من انك تعيش خسران بدل ما تعيش واطى وتموت واطى ومطاطى اهدينا يارب وارحمنا كلمات /نور حسنى
__________________
 نور حسنى كلية الصيدلة- جامعة القاهرة
|
|
#2
17-08-2007, 06:44 PM
|
||||
|
||||
|
شكرا ليكى يا نور على الكلمات الرائعه دى
بجد تحفه اوى اوى شكرا ليكى يا جميل
__________________
Veterinarian and proud to be so Veteriner ve gurur kadar olmak Vétérinaire et fier de l'être Veterinario e fieri di esserlo
|
|
#3
19-08-2007, 03:19 AM
|
||||
|
||||
|
تسلم ايدك بجد كلماااااااااااات تحفففففففففففففه و ده مفروم و مدغدغ مش مطحون بس ههههههههههه جزاكي الله كل خير
__________________
استعيدي نفسي مني إنني قدْ تُُــهتُ فـــىّ .. إنْ جَرحَتُكْ .... إعْفِ عنى واهْرَبي مني ... إلىّ !  |
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 10:04 AM.
