أرجو الإجابة الصحيحة

[tarek222z]

السلام عليكم
هذه اول مشاركة لى
أولا : أقدم كل الشكر والتقدير إلى الإخوة الأفاضل على المجهود الكبير والمعلومات القيمة فى مشاركاتهم.
فى سؤال أنا أجبت عليه إجابة والألة الحاسبة أجابت إجابة أخرى :
8جذر2 على 4جذر2
أنا حليتها 2 بحيث جذر2 يحذف مع جذر2
وايضا الملخصات وكتاب المدرسة حالل بنفس الطريقة
ولكن ترتيب اجراء العمليات اللى هوه موضوع اساسى السنة دى وزى ما حلت الالة الحاسبة
8 x جذر2 على 4 x جذر2 فيكون الناتج 4
واعتقد انها وجهة نظر صحيحة
مع مراعاة أن المسألة ليست بسط ومقام
أرجو المشاركة فى الموضوع
واعتذر عن عدم كتابتى للرموز حيث أنها أول مشاركة لى

[وسام السيد سرور]

عذراً صديقي طارق الطريقة الاولى هي الصحيحة

والطريقة الثانية ليس بها ترتيب و خطأ لان

السؤال علي الشكل التالي اوجد خارج قسمة العدد ( 8 جذر 2 ) علي العدد ( 4 جذر 2 )

( 8 جزر 2 ) ده هو البسط ÷ ( 4 جذر 2 ) ده المقام فتقوم بعملية اختصار بين البسط والمقام فيكن الناتج = 2
وهو الحل الصحيح


لكن انت في الطريقة الثانية غيرت السؤال حيث قمت بقسمة 8 جذر 2 على 4 وبعد ذالك ضربت ناتج ذالك في جذر 2
فغيرت السؤال المطلوب

[tarek222z]

كما قلت لك المسألة ليست بسط ومقام
8 جذر 2 تعنى 8 x جذر 2
وشكرا لمشاركتك أخ وسام

[وسام السيد سرور]

الصديق طارق انت تعرف معني الحد الجبري
لو تعرف لكنت عرفت انا الحد الجبري لا يمكن تجزئتة
يعنى كيان واحد عدد واحد

والحد الجبري هو ما يتكون من حاصل ضرب عاملين او اكثر
ففي السؤال السابق تكون الحدود الجبرية هي
الحد الاول 8 جذر 2
الحد الثاني 4 جذر 2
ولا يمكن اخذ عامل من حد ودمجه مع حد اخر
زي ما اخذت 4 من الحد الثاني
وعلى العموم انا مدرس رياضيات منذ 10 سنوات مش طالب
وان كنت تقصد ان الطريقتان صحيحتان فلماذا اختلف الناتج

[tarek222z]

شكرا على مشاركتك اخ وسام
وعلى العموم انا معلم اول من محافظتك سوهاج تعيين 95
والحد الجبرى اللى انت بتقول مايتجزأش يتكون من حاصل ضرب عاملان او اكثر
لما نضرب 3 جذر 2 فى 5 جذر 2 الخطوات بتكون ابدال ودمج
( 3فى 5 ) فى ( جذر 2 فى جذر 2 )
اتجزأت ليه دى يا أستاذ وسام

[وسام السيد سرور]

يا سعادة المدرس الاول السؤال على الشكل التالي ( 8 جزر 2 ) / (4 جزر 2 ) = 2

والصيغة 8 × حزر 2 ÷ 4 × جزر 2 = 4

وانت قلت السؤال

وانا يا باشا قلت لك الصيغتان والاجابة لكل صيغة

[tarek222z]

مين اللى قالك انى فيه اقواس
وبعدين ياترد باسلوب تربوى محترم يابلاش من السؤال ده خالص
وياريت الواحد ما شارك باى موضوع علشان الناس العباقرة اللى زى حضرتك
تاخد راحتها
تصبح على خير

[وسام السيد سرور]

شكراً علي هذا الرد
واقول ان ما حدش جاب التعليم في مصر الى ادنا مستوى غير الى عامل نفسه فاهم الدنيا كلها
انا قلت الحد لا يمكن دمج عوامله مع حد اخر يا استاذ وانت عطيت مثال لحد واحد وقلت الي انت عاوزة
وانت جبت حل مخالف للكتاب الوزاري الى عملة مستشار مش مدرس اول زي حضرتك وهو جاب الناتج 2 يعني فيه اقواس يعني فيه اقواس يعني فيه اقواس
يعني فيه اقواسيعني فيه اقواس


يعني فيه اقواس
يعني فيه اقواس