وفاة عضوة في منتدي الثانوية العامة ..!!!

[**تسابيح**]

السلام عليكم ورحمة الله وبركاتة
في مرة وجدت بمنتدي أنا مشتركة فيه
موضوع هكذا (وفاة العضوة الفلانة)قلت في بالي قد يكون الموضوع
مجرد مزح أو مقلب ..أشياء كثيرة دارت بخاطري في ذلك اللحظة
دخلت الموضوع وجدت فعلا الموضوع صحيح
وقريبتها هي اللي كاتبه الموضوع والعضوة توفيت فعلا ...
بجد انا عارفة اننا في عالم النت خيالي بس احنا ناس حقيقيين
الكلام اللي بنكتبه دا حقيقي وواقعي وبيحصل في الواقع
كل كلمة في المنتدي بنكتبها هنتحاسب عليها
في مرة كنت قاعدة مع ناس
واحد فيهم بيقول (ياه فلانة دا كانت ست جبار رخمة)
الله يرحمها بئا
لفت انتباهي كلمة الله يرحمها ...يعني ماتت ...
ودلوقتي الناس بتتكلم في سيرتها وكان مضايقة ناس ..
في مرة كنت نايمة وصحيت لقيت النور قاطع
بجد قلبي انقبض وحسيت اني فعلا موت
بس اكتشفت اني لسه فيه حياة ...
فكرت كثير جداا لو أنا اللي موت
ياتري كلامي في المنتدي كان لي واللي كان عليه ....
ياتري أنا فعلا فيه ناس استفدت مني
واللي انا في يوم من الأيام جرحت حد من أعضاء المنتدي!!
اتكلم بكلام طلع في الآخر كذبة وانا نشرتها في المنتدي
من غير لما اتأكد !!
ياتري فيه حد زعلاني مني ومن تصرفاتي في النت..!!
ياتري فعلا فيه حد هيزعل عليه فعلا !!
أنا عارفة اني وقتها مش هيهمني كلام الناس
لاني هكون خلاص موت بس هيفضل آثري في النت
وناس بتشوفي وبتشوف كلامي وردودي وحواراتي وكل حاجة ...
وأكيد كل كلمة أنا كتبتها هتحاسب عليها
كل حرف سواء هيكون دا في ميزان حسناتي أو في ميزان سيئاتي ...
المهم ان ربنا هيحاسبي والنت مش مجرد وسيلة اني
اكتب فيها أي كلام والسلام
ولا هو وسيلة اني اكذب وخلاص واقول كلام كذب والسلام
ولا اني اجرح حد ولا اشتم وأقول كلام مش تمام !!
بمبرر اني علي النت ...أكيد لا طبعا
النت زي الواقع اكيد هتحاسب علي كلامي عليه وعلي كل حرف بكتبه
أكيد
ربنا هيحاسبنا علي أي غلط غلطته في حق حد
حتي لو كان الغلط دا علي الإنترنت ...
..............