التلفزيون المصري: اختفى مبارك

[أم هيما]

هههههههههههه والله العظيم العالم دى نكته يعنى التليفزيون المصرى مفيش خمس دقايق على تنحى الرئيس وفى ثوانى ظهرت الأغانى الوطنية المشكلة بقى مش فى الاغانى المشكلة ان الرئيس اللى بقاله 30 سنة رئيس مصر اختفى من كليبات الأغانى الوطنية ولاول مرة مع اننا كنا بنشوفه دايما فى الأغانى الوطنية ومش لوحده معاه رموز مصر كلها زى جمال عبد الناصر وانور السادات دلوقتى البلد مبقاش ليها رموز ولا تاريخ ودى البداية اللى هتودينا للنهاية

[محمد حسن ضبعون]

يتولى
( المجلس الأعلى للقوات المسلحة )
أختيار حكومة انتقالية وطرح وثائق جديدة وتحديد المسؤليات
يعتبر مجلسى الشعب والشورى دون صلاحيات طبقاً لتنحى الرئيس
نداء هــــــــــــام
لنترك الميادين العامة الأن
حفاظاً على الأستقرار
ولنخفف من مسؤليات القوات المسلحة
نحن الأن مع وقفة صادقة مع النفس
المرحلة القادمة مفصلية للحفاظ على مكتسباتنا
لتأسيس دولة مدنية برلمانية ديمقراطية
كلمة مدنية تعنى ( ليس لها علاقة بالأديان أو الأحزاب أو التكتلات )
دعوة للسادة خبراء الدستور الوقوف مع القوات المسلحة بالرأى والمشورة
عاشت مصر حرة أبية

[جارةالوادى]

مصر باقية والاشخاص زائلون رغم كل شىء
وبعد كل اللى حصل ده كان لازم تتوقعى كدة لان اللى بيهين الرموز ولايغفر لهم اى شىء ويسمح لنفسه بالتعدى بطريقة سيئة على سمعتهم وشرفهم رغم ان فيه اساليب وكلمات افضل للتعبير عن الرأى رغم انهم بشر معرضين للخطأمش انبياء يعنى ولاحاجة ورغم كل مايقدموه من تضحيات او انجازات فعلا الاسوألم ياتى بعد لكنه قريب جدا ربنا يستر

[alassal]

دى حتخرب اكتر ماهى خربانه

[مروة المصرية]

المشاركة الأصلية كتبت بواسطة alassal

دى حتخرب اكتر ماهى خربانه

ربنا يسترها

[norsam]

يـــــــــــــــــ رب ـــــــــــــــا
اللهم احفظ المؤمنين والمؤمنات
واحفظ ارضنا المصرية الحبيبة

[خادم المسلمين1]

المشاركة الأصلية كتبت بواسطة جارةالوادى

مصر باقية والاشخاص زائلون رغم كل شىء

المشاركة الأصلية كتبت بواسطة جارةالوادى

وبعد كل اللى حصل ده كان لازم تتوقعى كدة لان اللى بيهين الرموز ولايغفر لهم اى شىء ويسمح لنفسه بالتعدى بطريقة سيئة على سمعتهم وشرفهم رغم ان فيه اساليب وكلمات افضل للتعبير عن الرأى رغم انهم بشر معرضين للخطأمش انبياء يعنى ولاحاجة ورغم كل مايقدموه من تضحيات او انجازات فعلا الاسوألم ياتى بعد لكنه قريب جدا ربنا يستر

أتفق معاكى اختاه فى كثير مما قلتيه



سبحان الله

يبدو ما حدث لمبارك


ألا لعنة الله على الظالمين

قضى الله عز وجل على كل ظالم ان تلاحقه لعنة فى الدنيا قبل الأخرة

سخط الناس على عبد من عباد الله
دليل على غضب المولى عز وجل على ذات العبد


ولو كان أبدى حسن النية برد الاموال والمظالم الى أهلها


كان يقدلر يهب 80فى المائة

من امواله للشعب المصرى

[teacher_2]

هى مين دى اللى تخرب؟
البلد بدأت على الطريق الصحيح
الفساد كان مالى الدنيا
ولا الناس مش بتشوف؟
اسألو اى مصرى هتلاقو عنده مشكلة
من الرشاوى والمحسوبيات
والناس اللى كل فلوسها حرام فى حرام
اول درجات سلم الحرية والعدل بدأ اليوم
كلنا أمل فى الشباب يغيرو اللى عجز عن تغييره القدامى من ذوى القلم الرصاص

[احمد محمد عبد المجيد]

المشاركة الأصلية كتبت بواسطة teacher_2

هى مين دى اللى تخرب؟
البلد بدأت على الطريق الصحيح
الفساد كان مالى الدنيا
ولا الناس مش بتشوف؟
اسألو اى مصرى هتلاقو عنده مشكلة
من الرشاوى والمحسوبيات
والناس اللى كل فلوسها حرام فى حرام
اول درجات سلم الحرية والعدل بدأ اليوم
كلنا أمل فى الشباب يغيرو اللى عجز عن تغييره القدامى من ذوى القلم الرصاص

عصر الحرية

[هبه عامر]

ربنا يسترها والله انا خاييفه على البلد من اللى جى هنشوف هيحصل ايه

[داليا مصطفى ابراهيم]

[quote=جارةالوادى;3096819]مصر باقية والاشخاص زائلون رغم كل شىء
وبعد كل اللى حصل ده كان لازم تتوقعى كدة لان اللى بيهين الرموز ولايغفر لهم اى شىء ويسمح لنفسه بالتعدى بطريقة سيئة على سمعتهم وشرفهم رغم ان فيه اساليب وكلمات افضل للتعبير عن الرأى رغم انهم بشر معرضين للخطأمش انبياء يعنى ولاحاجة ورغم كل مايقدموه من تضحيات او انجازات فعلا الاسوألم ياتى بعد لكنه قريب جدا ربنا يستر[/quo


انا معاكى

[أم هيما]

الاعلام المصري والصحافه والادباء والمثقفين انقلب حالهم خالص الناس دى اتحررت كانت بتقول اللى بيمليه عليه النظام خايفين على اكل عيشهم

مصر الحريه خلاص ننسى بقى مصر مبارك

سؤال للناس اللى زعلانه
لو الرئيس اللى عنده 83 سنة توفى والاعمار بيد الله وحده وفى وسط الحزن صحينا من النوم لقينا جمال مبارك رئيس للجمهورية كنا هنوافق على الوضع دا
خلاص انسوا بقى وعيشوا الحريه اهم حاجه دلوقتى اننا نسينا الخوف اللى اتزرع فى قلوبنا من زمان على ايد الجيل الكبير وقدرنا نقضى عليه على ايد جيلنا الجديد
الجيل اللى انتصر على الفساد وعلى النظام اللى بقاله 30 سنة بيحكمنا اكيد يقدر يقضى على اى شئ يضر البلد محدش يقول ان شباب ميدان التحرير اللى قدر يقف قدام النظام وضحوا بحياتهم عشان الحرية مش يقدر يقف فى ميدان الحرب لا قدر الله
حمى الله مصر وحفظها

جنود مصر خير أجناد الارض


كام واحد فينا كان متفوق فى الكلية ويستحق يتعين معيد فى الجامعه وبسبب الفساد والظلم متعينشى كام واحد فين راح اى مصلحه حكومية ومتزلش عشان الخدمة تخلص كام واحد فينا شايف الظلم والفساد قدامه فى كل مكان ومش قادر يتكلم خايف على لقمة عيشه كام واحد فينا مرتبه 300 جنيه فى الشهر اخر مرة اشتريت لحمه فى البيت ام 100 جنيه امتى كام واحد فينا له زوج او اب او اخ متغرب بره البلد عشان يلاقى لقمه العيش وشايف الذل كله المصري الوحيد اللى له كفيل فى اغلب الدول يذله كام واحد فينا والده بيشتغل بقاله 30 سنة وراتبه 700 جنيه فى الشهر وناس كانت شغاله مطبلاتيه فى الافراح وفى سبع سنين بقدرة قادر معاها 70 مليار كام واحد عايش فى العشوائيات والبلد خيرها كتير اوى
كام واحد قاعد من غير شغل خالص والفنانين ولاعيبة الكورة بتاخد ملايين فى الشهر الواحد

من الأخر الثورة دى عشان تنجح بجد لازم كل واحد فينا يغير نفسه وميسكتشى على الفساد تانى وميسكتشى على الظلم واكيد الثورة خلت كل واحد فاسد يفكر مليون مرة ويعرف انه هيتحاسب وهيتراقب

مصر حرة مصر هتفضل حرة وتعيش حره للأبد

العالم كله فرحان بينا وبثورتنا واحنا زعلانين ومتشائميين

[الراجي رضا الله]

أم هيما

والله الاعجب من هذا كلة حضرتك

راجعي موضوعاتك ومساهماتك تجدي انك اول المنقلبين

ربنا يثبتنا

[أم هيما]

المنقلبين على ايه حضرتك انا كنت من المؤيدين لاستمرار النظام حتى سبتمبر القادم يعنى منعا للمشاكل ونديهم فرصه يصححوا الاوضاع قبل ما يسيبوها ويبقى انتقال سلمي منحسش بإن الدنيا اتغيرت من يوم وليله

ثانيا لما شفت الشباب اللى اتقتل ودا هتلاقيه فى احد موضوعاتى بردوا تاثرت للغايه عشان الناس دى ماتت من غير اى ذنب ذنبها انها عايزة تحسن اوضاع البلد وبتحارب الفساد وهما عايشين احلى عيشه وناس مبسوطين جدا مش غلابه ولا حاجه زى الغلابه اللى انا منهم وقاعدة فى بيتى

ثالثا يوم الجمعه يوم سقوط النظام تمنيت ان الرئيس يرحل طالما دا هيجنب مصر شباب تانية ممكن تموت لان الوضع يوميها كان بيقول كدة

رابعا : انا نفسي افهم كل حاجه خلصت اهى وكله وصل لاهدافه حد بقى يقولى الشباب لسه مالين التحرير ليه ؟ مش المفروض كل واحد ينزل شغله ويسيب الجيش يقرر الأوضاع واضح ان الطلبات هتكتر اوى ومش هنخلص

[أم هيما]

اللى فهمته من سؤال حضرتك بقى انى بقول الرئيس السابق اختفى كدة بالطريقة دى لازم نعترف بيه انه كان رمز من رموز البلد ما الناس لسه بتحتفى بالسادات وجمال عبد الناصر وهما ليهم سيائتهم وليهم حسناتهم وعلى الرغم انهم ما عشوش قد اللى عاشوا مبارك فى خدمة البلد الراجل ساب البلد زى ما احنا عايزيين ياريت بقى نبص على اللى جى ومنرجعشي لورا