ازاى الواحد يبقى محاضر Icdl او Intel ?

[شريف الصعيدى 22]

السلام عليكم ورحمة الله وبركاته


انا معلم مساعد حاسب ألى بإدارة دسوق التعليمية وحاصل على شهادة الرخصة الدولية لقيادة الكمبيوتر Icdl


وفى هذه الايام باخد دورة التعليم من اجل المستقبل Intel واللى بيشرحلنا دورة الانتل ديه بنت صغيره كده زينا برده بالعقد المميز ولما سالتنا الواحد يبقى محاضر ازاى قالتلى ان فيه حاجه اسمها ورش عمل بتتعمل فى الاجازه وبناخد منها ناس محاضرين


فانا كنت عاوز استفسر من حضراتكم على ازاى الواحد يبقى محاضر سواء Icdl او Intel


وللعلم عندنا فى عجز فى المحاضرين دول


فانا عاوز اعرف مين الجهة اللى بتشغل المحاضرين دول هل فى ايد التوجيه بتاعى ولا الادارة ولا المديرية


وايه هيه ورش العمل ديه وبتتعمل امتى


وهل فى دورات لازم الواحد ياخدها علشان يبقى محاضر


وايه هوه المحاضر المعتمد ده


وجزاكم الله كل خير ورجاء اخوى من ذوى الخبرة الرد للاهمية

[yaseen828]

قسم التطوير لايستيعين بمدرسين الحاسب الالى ولكن لابد أن يكونوا مدرسينن للمواد الاساسية
الذى يقوم بتدريب الرخصة الدولية اخصائى التطوير
الذى يقوم بتدريب انتل مدرسين غير الحاسب الالى
قسم التطوير بالمديرية يقوم بتدريب المدرسين ثم يقومون بالتدريب فى معامل الاستذكار
وممكن تذهب لقسم التطوير التكنولوجى بالادارة التابع له حضرتك وتسأل لتتأكد من كلامى

[sayedsms]

بالكوسة طبعا فاكر ده هزار ولكنها الحقيقة فعلى سبيل المثال الادارة التى أعمل بها رئيس قسم التطوير التكنولوجي لا يعرف شيئا عن أساسيات الحاسب الالي أما المدربين واحد أو أثنين فقط اللى عندهم فكرة أما الباقي فعلي علاقة وطيدة برئيس القسم ولا يفقهون شيئا في الحاسب الالي أنا أعرف واحد من المدربين مبيعرفش حاجة في أي حاجة وبيدرب icdl وانتل ومايستجد من دورات

[shaerhamada]

اى حاجة لازم الكوسة و الطماطم و الطبيخ هو فيه غيرهم و كمان البهارت عشان البخة تبقى تمام .
انا اعرف مدربين فى مديريات مش ادارات بس لو سألتو عن الجافاسكريبت أو سى بلس أو اوراكل !!! يقولك بيتصرفوا من اهنوا اجزخانة عشان اجيب منها %%%%% و عجبى.

[عبدالله عيسى]

السلام عليكم
اضم صوتى الى صوت العضو المحترم
اريد من ادارة المنتدى المحترم
ان ترد علينا بشكل رسمى

انا بكالوريوس تجارة _____ لا اعمل بمجال التدريس ______ لدى خبرة فى مجال التدريب icdl __
أريد أن أكون مدرب ICDL معتمد من قبل وزارة الاتصالات او اليونسكو

ماهى الخطوات والاجراءات والدورات واى شئ لازم لكى اكون مــدرب معتمد


نرجوا من ادارة المنتدى المحترم التفضل بالجواب والرد