التغذية المدرسية

[mohamed_zayed]

السلام عليكم ورحمة الله وبركاته
يقوم بعض المدرسين فى المدرسة بتناول بعض من وجبات التغذية (بسكوت أو جبنة أو غيره) التى تقدم فى المدرسة للتلاميذ بحجة أن هناك فائض كثير منها ..
فهل هذا يجوز أم لا يجوز؟
و إذا كان لا فأكيد هناك بند أو قرار يوضح (كيفية توزيع التغذية؟ وعلى من توزع؟ وهل للمعلم نصيب منها؟ ) لأن هو دا على ما أظن اللى هيحدد إذا كان يجوز أو لا يجوز أن يأخذ منها المعلم
فهل يستطيع أى من معلمينا الأفاضل الحصول على نص القرار ؟
وفقكم الله لما فيه الخير

[سميحه22]

التغذيه المدرسيه للطالب فقط وليس من حق أي فرد في المدرسه سواء اكان معلما او مديرا او عاملا الاخذ منها واكلها والفائض يتم توزيعه علي الطلاب بكميه اكثر فبدلا من توزيع باكو واحد في اليوم يوزع باكوين

[mohamed_zayed]

اخوانى
محدش عنده ردود اخرى؟
بارك الله فيكم ...نريد توثيق المعلومات

[ندى عسكر]

يجب على لجنة التغذية التناول منة وذلك قبل التلميذ ويكون مصروف لهم فوق عدد التلاميذ وذلك من باب الإشراف الصحى

[ميدو عمر ايمن]

استفتي قلبك - استفتي قلبك

[monamode]

ياريت يلغوها احسن

[monamode]

كفايه اهانه للمعلم بقي انت بتتكلم ف باكو بسكوت معفن واصلا كله دود ومنتهي الصلاحيه ؟؟؟؟؟؟؟؟؟؟؟؟؟؟؟؟؟؟؟؟؟؟؟

[mohamed_zayed]

انا لم اهين اى شخص
ولكن هناك من الناس (معلمين او غيرهم) من يهين نفسه بفعله لمثل هذه الاشياء
وبعدين البسكوت معفن او نظيف فهذا لا دخل له بالحلال او الحرام
فان كان (تراب) وليس من حقى ..... اذن لا يجوز لى ان أأخذه
بارك الله فيكم

[حاتم مهدى محمود]

كل مشاكلنا اتحلت وعرفنا حقوقنا والحياة كلها وردى
عشان كده بحثنا عن موضوع جديد نعمل منه موضوع تغذية أيه يا استاذ وبسكويت أيه
بالله عليكم جميعا عندنا ما هو أهم تعالو نتحد ونتوحد ونتفق على انتاج جيل جيد
وشكرااااااااااااااااا

[mohamed_zayed]

المشاركة الأصلية كتبت بواسطة حاتم مهدى محمود

كل مشاكلنا اتحلت وعرفنا حقوقنا والحياة كلها وردى
عشان كده بحثنا عن موضوع جديد نعمل منه موضوع تغذية أيه يا استاذ وبسكويت أيه
بالله عليكم جميعا عندنا ما هو أهم تعالو نتحد ونتوحد ونتفق على انتاج جيل جيد
وشكرااااااااااااااااا

السلام عليكم اخى الفاضل
اولا النغمة بتاعت ( كل مشاكلنا اتحلت مبقاش غير ............ ونعمل منه موضوع ) دى زايدة جدا اليومين دول ولكن احب اوضح لسيادتك الاتى
1- انا مطلعتش فى كل المواقع والفضائيات والجرايد والاذاعات مثلا ونشرت موضوعى دا انا جيت فى قسم الفتوى التابع لموقع انا بحترمه وأثق فى أعضائه وبسأل عنه
2- الموضوع ليس بهين . فالأمر يتعلق بالحلال والحرام ومش كدا وبس دا يتعلق بجسد انسان ممكن يدخل فيه لقمة من حرام ويكون معرض للنار بسبب هذه اللقمة ( ممكن تكون بسكوته أو حتة جبنة )
3- انتاج جيل جديد يبدأ من معلم ذو ضمير ويخشى الله فى تلاميذه ويحافظ على كل حقوقهم (العلمية و الادبية وحتى المادية ) فالذى يأخذ حق التلميذ فى تغذية هى من حقه (لا تسمن ولا تغنى من جوع ) كيف يكون أهلا للحفاظ على باقى الحقوق
4- هذه الظاهرة منتشرة جدا (فى مدرستى ) وأخشى أن أكون قد رأيت أمامى منكر لم أغيره فأسأل أمام الله لماذا لم تغير هذا المنكر
5- إذا ضاع الأمر بالمعروف والنهى عن المنكر فلنبشر جميعا بالغرق
وأخيرا (فصبر جميل والله المستعان على ماتصفون)

[كمونة انا]

الله المستعان اخى الفاضل استفتى قلبك وارجو من الذين يغترضون الصبر وعدم السخرية

[عبدالعزيز السيد عرابى]

طيب والاخوة اللى زعلانين ليه مش عارف ا فى مدرسة الحواويش البحرية الابتدائية ادارة اخميم محافظة سوهاج المدرسين مش بيلخدوا بالباكو لا لالالا بالكرتونة والحرام حرام قل او كثر
وشكرا

[ezmz3]

ايه البسكوت ده انا طالب و عمرنا ما وزعوا علينا حاجة

[أستاذ محمد سنجر]

يجب على الانسان إن يدع ما يريبه إلى مالا يريبه

[mohamed_zayed]

الله أسأل أن يرزقنا بالحلال الطيب
وأن يعلمنا ما ينفعنا وينفعنا بما علمنا