|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
24-04-2011, 02:48 AM
|
|||
|
|||
سيادة الرئيس ... ارجعلنا
Ahmed Abdo
سيادة الرئيس ... ارجعلنا مش انت واحد مننا ؟؟ـ و عمرك في يوم ما سرقتنا ولا خدت مليم مننا ما تيجي طب ترجعلنا تقعد بأهلك وسطنا أهو مرة تاكل أكلنا وتلبس يا خويا من لبسنا وتعيش في حارة او في شارع زينا قلت ايه ؟؟ يا حارق دمنا سيادة الرئيس ... ارجعلنا وغداك يا سيدي عندي أنا رز و بطاطس مسرطنة لحمة ؟؟... مفيش من سنة فاكهة ؟؟... تعيش انت و أنا و الشاي .. بآخر معلقة م السكر اللي كان عندنا اشرب و فوق وركز بقه .. علشان نكمل حكينا سيادة الرئيس ... ارجعلنا مش سبت الحكم .. لأجلنا ؟؟ـ ما تيجي تسمع حكمنا !!ـ أفكرك ؟؟ ولا انت فاكر زينا قطر اتحرق من كام سنة وغازنا اللي طار من أرضنا ... لعدونا وعبارة مللي بيغرقوا ..!! غرقت في عرض البحر و راحوا أهلنا ... و الجاني فلسع مننا ومركبة بأحلى شباب ... ييجوا من ايطاليا غرقانين .. والقرش ياكل لحمنا والله كانوا زينا ويمكن أحسن مننا ليهم بيوت و ولاد و عيشة و حلم .. زي حلمنا اتغربوا و اتبهدلوا .. لما الفساد طال كل حاجة في أرضنا واللي ما ماتش .. قاعد في غربته .. والغريب بيذلنا اقول كمان ؟؟ ولا كفاية ... و اهو انت عارف عننا . أصبر هتسمع حكمنا سيادة الرئيس ... ارجعلنا ولو انت واحد مننا فعلا يهمك أمرنا بينا عالنائب العام .. تفتنله على ولاد الحرام ... مصوا بلدنا و دمنا و افتن دي فتنة مهيش حرام .. ده حقنا دا لو انت واحد مننا . أصبر هتسمع حكمنا إهداء إلى كل شهيد ومصاب ضحى من أجل كرامة شعب مصر
__________________
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض الشجري
|
|
جميع الأوقات بتوقيت GMT +2. الساعة الآن 05:45 AM.
