تغيير المسمى يا معلمى سوهاج-ارجو عدم الحذف

[مسيو عاطف]

بسم الله الرحمن الرحيم

انا عاوز اعرف ليه محافظة سوهاج هى الوحيدة اللى ما خدتش حقها فى تغيير المسمى والتعيين على المؤهل الاصلى
واللي حصل ان كل محافظة خدت حقها عن طريق وقفة امام المحافظة او وكالة الوزارة
طبعا لسه في سوهاج ما عملناش حاجة
ياريت لو نقدر نجمع بعضينا وننسق ليوم وانا واثق ان عددنا كتيييييييييير مش قليل
الطلب
تعديل المسمى الوظيفي لخريجين تربية عام او اداب او علوم بما يتناسب مع المؤهل ( المرحلة الاعدادية ) وتغيير المرحلة من ابتدائى لاعدادى وثانوى
احنا معانا كل اللى يثبت حقنا ولازم ندور على حقنا
انا معايا الاوراق كلها وياريت نتجمع ونتفق مرة فى حياتنا ونعمل حاجة لمستقبلنا
انا من البلينا
واللى عاوز يعمل حاجة هيعملها عاوزين نروح لوكيل الوزارة وان ما نفعش يبقى المحافظ او نرفع قضية
ياريت ياجماعة نجمع بعض في الادارات المختلفة واللي يعرف زميل يبلغه ونحدد ميعاد ونروح كلنا فى وقفة حضارية وسلمية ونطالب بحقنا