مهزلة فى مرتب المعينين الجدد بالفيوم والمديرية تصر انها الاصح

[احمدمسعود]

حصلت منذ اسبوع على مفردات مرتب المعينين بالفيوم ووجدت خطأ جسيم بها حيث ان العلاوات الخاصة لعام 2008 و 2009 و2010 محسوبة على مربوط الدرجة وهى فى الصحيح تحسب على الاساسى فنجد الاتى :
2008 30% الاساسى كان 148 العلاوة الصحيحة 43.20 العلاوة الخطأ 14.40
2009 10% الاساسى كان 148 العلاوة الصحيحة 14.84 العلاوة الخطأ 4.80
2010 10% الاساسى كان 153 العلاوة الصحيحة 15.36 العلاوة الخطأ 4.80

وعلية تمت مخاطبة ادارة طاميةالتعليمية بهذا الخطأ واعترفوا بة وكذلك نقص فى الحوافز 90 قرش واحتساب بدل المعلم 1 وبدل المعلم 2 على الاساسى الحالى مع انة يحسب على الاساسى القديم 153

ارجو من اخوانى وزملائى فى الفيوم مساعدتى لاسترجاع حقوقنا مع العلم انى معى جميع المستندات التى تثبت حقوقنا فالمفروض ان مرتبنا يكون 469 بدلا من 414 الموجودة بمفردات المرتب الجديدة بعد تغييرها اكثر من مرة فالمرة الاولى كانت 444 ثم اصبحت 414 بعد 15 % والكادر

فهل هذا يعقل محافظات 470 ومحافظة الفيوم 414 وعند مقابلة المسئولين فى المديرية ابلغونى بانهم صح والمحافظات الاخرى خطأ هل يعقل 15 محافظة خطأ والفيوم صح


ارجو من زملائى فى المنتدى كل من لدية معلومة اواى ورقة تثبت حقنا مساعدتنا بها فورا
وجزاكم الله عنا كل خير

[basma ashor]

احنا فى دمياط كل ادارة بتقبض شكل وانا ابضت الشهر دة 385 وبيقولوا طبعا دة من غير الكادر بس سمعت ان فى ادارق ابضوا 460 بالكادر واهم بيلبخوا !!!!!!!!!!!!!!!!!!!!!!!!!!!!!!!!!!

[ibrahim elsayed]

للاسف استاذ احمد احنا الفيوم عندنامحتاجه ثوره حقيقيه على العقول الجامده
والمتحجره واصدقاء الروتين
للاسف الجهل عندنامنتشر بين موظفى الادارات ومدريه التربيه والتعليم
وفى ظل هذا المناخ الفاسد تنمو خفافيش الظلام ويكثر اصحاب الضمائر الميته
والانتهازيين ولكن لا يضيع حق وراءه مطالب ومن هنا اطالب معلمى الفيوم
الاشتراك والانضمام الى ائتلاف معلمى الفيوم لنكون يدا واحده وليكون الائتلاف نافذه لتقديم مطالب المعلمين بالفيوم
وهم يجتمعون على حد علمىكل يوم الساعه 9 مساءا بنقابه المعلمين بالفيوم

[Mohammed4Naggar]

يااخونا انوا عملتوا ائتلاف لمجموعة مين وكان فين وازاي ولا هو ده
بتجتمعوا ازاي وفين
الكلام ده لازم يتعمم على الكل
علشان لازم نكون ايد واحدة

[samysun]

السلام عليكم
يا جماعة انا من الفيوم ادارة سنورس ولسة مخدناش الكادر بتاع شهر 3 ولا 4 وبعدين لسة منعرفش حاجة عن الاساسي بس سمعنا انه هيبقي 163 ومش عارفين مين الصح وبعدين انتو بتجتمعو فين عايزين نبقي يد واحدة ونطالب بحقوقنا يا جماعة

[ibrahim elsayed]

اولا السلام عليكم ورحمة الله
ثانيا فيه مجموعه من المدرسين الشرفاء بالفيوم اتحدو وكونوا ائتلاف اطلقوا عليه
ائتلاف معلمى الفيوم وهم يجتمعون يوميا فى نادى المعلمين بالفيوم من الساعه 9 مساءا
ولهم صله بالمحافظ ووكيل الوزاره وعن طريقهم نقدر نقدم جميع طلبات المعلمين ونعرض مشاكلنا
على المحافظ ووكيل الوزاره وانا قابلتهم وهما ناس محترمين وعلشان كده انا بقترح كلنا نتجمع فى نادى المعلمين بالفيوم مع هذا الائتلاف ونشترك فيه لنتحد ونكون ايد واحده واقسم بالله ان هذه ليست دعوة واعلان للائتلاف بقدر ما هى بحث عن مكان نجتمع فيه ونافذه نعرض من خلالها مطالبنا والله الموفق

[emhais]

السلام عليكم ورحمة الله وبركاته
اخوكم من ادارة طامية.احب اوضح ان احنا هنقابل المحافظ يوم الثلاثا ء القادم لحل مشكلة المرتب الجديد الذى لم نصرفه حتى الان على الرغم من ان معظم المحافظات صرفته وبالكادر ولكن هى دى محافظة الفيوم زى ما نعرفها من زمان . المهم ياريت نكون مجموعة كبيرة علشان نكون ورقة ضغط ويعرفوا حجم المشكلة
ولا يجوز ان نلقى بأى مشكلة على عدد قليل من المعلمين المحترمين .لابد ان نكون ايد واحدة فى اى حاجة لأننا كانا فى مركب واحد والخير هيعم الجميع .

[emhais]

رسالة شكر الى الاستاذ احمد مسعود على اهتمامه بالموضوع .وياريت كلنا نكون معاه يوم الثلاثاء القادم ان شاء الله .

[احمدمسعود]

ماضاع حق ورائه مطالب كلنا يد واحدة ان شاء الله

[Mohammed4Naggar]

متزعلوش المفردات وصلت الادارات والمرتب اصبح 410 وخليها خراب

[ريهمسة]

الله المستعان
ربناا ييسر اموركم جميعااااا