مش عارف ازاكر ... مش عـــــــارف ازاكر ..

[usernamo]

بسم الله الرحمن الرحيم

اولاً عمتم مساءاً ياهل الدار ..قصدى المنتدى ..

دلوقتى طبعاً هى مرحلة شد الشعر .. و تربية الذقن .. و التحول لمنال شعبى فى البيت .. حيث الملازم فى كل حتة .. و البيت يملؤه الورق حتى اخره .. و علم النفس فى اودة ابويا و الفلسفة فى اودة اختى و التاريخ فى المطبخ .. (( الانجليزى فى البانيو )) و العربى حاطه تحت بلاطة تحت السجادة .. حتى لا يكتشف ابى انى ادرس اللغة العربية ^^

المهم .. الواحد كل ما يجى يقعد ع الكتاب زى ما يكون بيتشك ! .. يفتكر مثلاً انه لازم يعمل شاى الاول .. يروح يفضل واقف قدام البراد (( و مش يعمله فى البويلر عشان ياخد وقت اطول )) و يفضل يبص فى البراد .. ياترى غلية ولا لا .. و ليه مش بتطلع دخان .. و هل لو طلعت دخان هيبقى سخن ولا ساقع و فى الاخر و بعد ساعه .. اكتشف انى مش ولعت البوتجاز من الاصل ! .. المهم اولعه و انتظر حتى تغلى المياه .. و هنا تأتى اللحظة الحاسمة فى عمر الكوباية اخد الميا و احطها فى الكوبايا .. و يتبقى مياه فى البراد تغلى .. و بم انى مؤمن بالله .. و ان الاسراف حرام و لا يجب رمى المياه .. اقوم بعمل خيرى للبيت كله .. اجرى ورا النمل الكبير الرزل بالمياه المغلية .. و اقتله Nihahahah ضحكات شريرة متقاطعة .. و ارجع تانى للكتاب يكون عدى 4 ساعات .. لسه هقعد .. اقوم قايم تانى .. اروح اشوف المنتدى و احواله .. و اشوف اخبار الدنيا .. الاقينا سحبت 4 ساعات تانى .. اقول معلش .. هتتعو فى باقى الوقت .. اروح اقعد ع الكتاب .. استنى بس حد ينطق بحرف الالف من اسمى .. يلاقينى طيارة عنده .. و تفوت 3 ساعات تانى ..

الاقى مفعول الشاى الاولانى خلص .. و اروح اعمل نفس اللى عملته فى الاول تانى و اضيع اربع ساعات ..و فى الاخر ينتهى اليوم .. و اول ما اقعد ع الكتاب تانى .. احس بالتعب .. و اقول

(( يااااااااه ..دانا تعبت اوى انهارده .. لازم انام .. زاكرت كتير اوى اوى ! ))

المهم اخش انام .. احلم بشاشة سوده .. و فجأة يطلعلى صوت اجش .. و يقول (( 18 يوم .. 18 يوم 18 يوم ))

و يتبعه صوت لرجل اسود .. مخيف .. و يسلط عليه الضوء الاحمر .. و يقول (( هتشيل اتة و كرات يا امجد .. هتشيل اته و كرات )) و تيجى نملة كبيرة .. تقوم لطشانى بالقلم .. اقوم صاحى مفزوع و افتكر انى مش زاكرت .. و اكرر نفس اليوم اللى فات !

اللى عايز اقوله من الموضوع .. (( انى مش عارف ازاكر و ده بجد .. و حاسس انى مش هخش اعلام .. و لا حتى شرطة .. هخش معهد تمريض .. انا هبقى ممرضة !))

اللى عنده نصيحة .. او مشاركة فى اللى انا بقوله .. يرد .. و اللى هيرد يقول ..

متخفش .. لسه فيه وقت .. (( يذكر كلمة امتحانات - ثانوية ))
هعضه ..

* ملحوظة : بصلى .. و بسمع قران لفارس عباد .. و بدى فلوس لاى حد ماشى فى الشارع .. ببوس ايد والدتى لحد ما هطردنى من البيت .. اعمل ايه اعمل اييييييييه

[Sofia El-behairy]

بما انى فاضيه و خلصت امتحانات و دلوقتى وقتى انا ادى نصايح ..

انا والله لما ببقى كده بقوم اغسل وشي بمياه ساقعه او خد شور و بعدان اتوضا و صلى ركعتين و بعدها قاعد على السرير و خلى النور خفيف لمده ربع ساعه و اهدى خالص خالص و مش تفتكر فى حاجه و بعدها قوم اقرا دعاء المذاكره و ذاكر و ان شاء الله ربنا حيوفقك ..فيه معهد تمريض عسكرى بيقولوا حلو اوى احسن من تمريض بس ...

ربنا معاك

[usernamo]

المشاركة الأصلية كتبت بواسطة sofia adam

بما انى فاضيه و خلصت امتحانات و دلوقتى وقتى انا ادى نصايح ..

انا والله لما ببقى كده بقوم اغسل وشي بمياه ساقعه او خد شور و بعدان اتوضا و صلى ركعتين و بعدها قاعد على السرير و خلى النور خفيف لمده ربع ساعه و اهدى خالص خالص و مش تفتكر فى حاجه و بعدها قوم اقرا دعاء المذاكره و ذاكر و ان شاء الله ربنا حيوفقك ..فيه معهد تمريض عسكرى بيقولوا حلو اوى احسن من تمريض بس ...

ربنا معاك

قولى بتهزرى صح .. ها . ها؟؟ اكيد بتهزرى .. اصلى معهج تمريض عسكرى يبقى بتهزرى ,, و بعدين عملت كل اللى بتقولى عليه .. بس حوار النور دى هنام مش هزاكر !

[Sofia El-behairy]

[QUOTE=usernamo;3449936]قولى بتهزرى صح .. ها . ها؟؟ اكيد بتهزرى .. اصلى معهج تمريض عسكرى يبقى بتهزرى ,, و بعدين عملت كل اللى بتقولى عليه .. بس حوار النور دى هنام مش هزاكر ![/QUOTEانا بهزر فى موضوع التمريض العسكرى اكيد بس مش بهزر انك تقوم دلوقتى تغسل وشك و تهدى خالص خالص و حوار نور ده لمده عشر دقايق بس عشان تهدى اعصابك و مش تفكر فى امتحانات ..فكر بس فى انك خلاص خلصت و عدى الامتحانات على خير و بعد عشر دقايق اقرا الادعيه المذاكره و ابتدى و خليك واثق فى ربنا ..فيها ايه يا جماعه ديه مجرد ثانويه عامه ..

انا جالى حاله تسمم ليله الامتحان و اتحجزت فى المستشفى الدكتور رد عليا و قالى ان فتره امتحانات احلى فتره عاشاها فى حياته و نفسه يرجع تانى و انه جاب 101 فى الميه ..ما شاء الله ..خليك متفائل زيه

[zozza love]

الله يكون فى عونك يا أمجد
انا والله كره الثانويه من قبل ما اشوف عتبتها اصلا
من ايااااااااام زمان من ايام ما اخويا الكبير كان فى الثانويه (ايام جدى وجدك)
كان محرمنا نعدى الخط الاحمر اللى فى السجاده ولو عديت الخط يبقا نهارك زى لون شعر ولو شعرك لونه مش اسود يبقا نهارك مش معدى
وكانت حبه ايام
ومع ذلك ربنا طبعا قادر على كل شئ مجبش مجموع (مع انه كان مقطع نفسه مذكره ليل نهار ونهار ليل)
واخويا اللى بعده
برضه زماااااااااان ايام الثانويه معاه
كان بيفتح الاسكتش بتاعت الماده وجوا اسكتش صغير بيرسم فيه ويقعد يرسم بقا وهو فنان ومكنش بيسيب الرسم لحظه
ومع ذلك ربنا نفخ فى صورته ودخل حقوق وباختياره وكان جايب مجموع عالى والحمد لله
هى حظوظ والله
وانا مقتنعه ان على قد عملى حلقى
وعلى قد مذكرتى حجيب
وربنا يوقفك يا امجد يارب انت وكل اللى فى الثانويه

[المياة]

المشاركة الأصلية كتبت بواسطة zozza love

الله يكون فى عونك يا أمجد
انا والله كره الثانويه من قبل ما اشوف عتبتها اصلا
من ايااااااااام زمان من ايام ما اخويا الكبير كان فى الثانويه (ايام جدى وجدك)
كان محرمنا نعدى الخط الاحمر اللى فى السجاده ولو عديت الخط يبقا نهارك زى لون شعر ولو شعرك لونه مش اسود يبقا نهارك مش معدى
وكانت حبه ايام
ومع ذلك ربنا طبعا قادر على كل شئ مجبش مجموع (مع انه كان مقطع نفسه مذكره ليل نهار ونهار ليل)
واخويا اللى بعده
برضه زماااااااااان ايام الثانويه معاه
كان بيفتح الاسكتش بتاعت الماده وجوا اسكتش صغير بيرسم فيه ويقعد يرسم بقا وهو فنان ومكنش بيسيب الرسم لحظه
ومع ذلك ربنا نفخ فى صورته ودخل حقوق وباختياره وكان جايب مجموع عالى والحمد لله
هى حظوظ والله
وانا مقتنعه ان على قد عملى حلقى
وعلى قد مذكرتى حجيب
وربنا يوقفك يا امجد يارب انت وكل اللى فى الثانويه

يا بنتي هي دي الحقيقة بعد الاعدادية الـ 90 % ضرب من الجنون
وقانون الثانوية بيقول زاكر تنجح غش تجيب مجموع
وبما أن الغش حرام فاتكتب علينا أن احنا ننجح بس (فلسفة)
كفاية كده عليكي شكلي عقدتك

[Mr. Ali 1]

المشاركة الأصلية كتبت بواسطة usernamo

(( الانجليزى فى البانيو ))

الانجليزي فين يا أمجد ؟
ويا تري القصة فين ؟ في القاعدة ؟!!
بص يا أمجد , أنت باين عليك من النوع اللي لازم يشد علي نفسه علشان يذاكر .
اكتب ورقة وقول فيها اللي انت عايز تقوله لنفسك ( بدل ما تسمعه من حد تاني ) وعلقها علي الحائط .
وكل ما نفسك توسوس لك انك متذاكرش , بص علي الورقة . ولو حسيت ان الورقة بدأت تفقد مفعولها , اكتب غيرها ( بدل ما انت كل يوم ألاقي لك موضوع واتنين هنا وفي الوقت دا )
بالنسبة للنت , افصل الكيسة أو الاب توب وحطه في الدولاب واقفل عليه وادي المفتاح لبابا وقل له لو اتذليت جنبك , متدنيش المفتاح الا بعد الامتحانات .
ابدأ المذاكرة بمادة بتحبها جداً ( الانجليزي طبعاً ) وبعد كدا المادة اللي بتحبها بعدها ( القناع الذهبي طبعاً )
لو حسيت ان نفسك مسدودة عن المذاكرة , اضغط علي نفسك غصب عنك وانت تلاقي نفسك بعد شوية اندمجت في المذاكرة .

[Sofia El-behairy]

المشاركة الأصلية كتبت بواسطة mr. Ali 1

الانجليزي فين يا أمجد ؟
ويا تري القصة فين ؟ في القاعدة ؟!!
بص يا أمجد , أنت باين عليك من النوع اللي لازم يشد علي نفسه علشان يذاكر .
اكتب ورقة وقول فيها اللي انت عايز تقوله لنفسك ( بدل ما تسمعه من حد تاني ) وعلقها علي الحائط .
وكل ما نفسك توسوس لك انك متذاكرش , بص علي الورقة . ولو حسيت ان الورقة بدأت تفقد مفعولها , اكتب غيرها ( بدل ما انت كل يوم ألاقي لك موضوع واتنين هنا وفي الوقت دا )
بالنسبة للنت , افصل الكيسة أو الاب توب وحطه في الدولاب واقفل عليه وادي المفتاح لبابا وقل له لو اتذليت جنبك , متدنيش المفتاح الا بعد الامتحانات .
ابدأ المذاكرة بمادة بتحبها جداً ( الانجليزي طبعاً ) وبعد كدا المادة اللي بتحبها بعدها ( القناع الذهبي طبعاً )
لو حسيت ان نفسك مسدودة عن المذاكرة , اضغط علي نفسك غصب عنك وانت تلاقي نفسك بعد شوية اندمجت في المذاكرة .

ههههه شكلك يا مستر مدرس انجلش ..انا رحت قلت لماما ..ان فى طالب فى ثانويه عامه حط ورق الانجليزى فى البيانيو
رديت و قالت لى حقه الشرعى يا بنتى انا لو منه ارمى الورق كله بره الشقه ..رديت و قلت و نعم المدرسه
مع العلم ان ماما مدرسه انجلش بس هى الايام ديه بتمر بازمه الثانويه العامه يعنى بتعذب اكتر من الطلبه والله بحس انها هى الى داخله تمتحن
ربنا يستر

[usernamo]

المشاركة الأصلية كتبت بواسطة mr. Ali 1

الانجليزي فين يا أمجد ؟
ويا تري القصة فين ؟ في القاعدة ؟!!
بص يا أمجد , أنت باين عليك من النوع اللي لازم يشد علي نفسه علشان يذاكر .
اكتب ورقة وقول فيها اللي انت عايز تقوله لنفسك ( بدل ما تسمعه من حد تاني ) وعلقها علي الحائط .
وكل ما نفسك توسوس لك انك متذاكرش , بص علي الورقة . ولو حسيت ان الورقة بدأت تفقد مفعولها , اكتب غيرها ( بدل ما انت كل يوم ألاقي لك موضوع واتنين هنا وفي الوقت دا )
بالنسبة للنت , افصل الكيسة أو الاب توب وحطه في الدولاب واقفل عليه وادي المفتاح لبابا وقل له لو اتذليت جنبك , متدنيش المفتاح الا بعد الامتحانات .
ابدأ المذاكرة بمادة بتحبها جداً ( الانجليزي طبعاً ) وبعد كدا المادة اللي بتحبها بعدها ( القناع الذهبي طبعاً )
لو حسيت ان نفسك مسدودة عن المذاكرة , اضغط علي نفسك غصب عنك وانت تلاقي نفسك بعد شوية اندمجت في المذاكرة .

بخصوص انى اكتب لنفسى ورقة .. انا لو جبت بنى ادم رزيل يقولى الكلمتين دول .. بردو مش هزاتكر انا مش بيحوق فيا حاجة .. و بخصوص ادى الكيسة او اللاب لبابا .. و اسيبله المفتاح هو اصلاً مش هيرضى ممكن اجنن و اقتله و اخد المفتاح ..

المشاركة الأصلية كتبت بواسطة هانى الشرقاوى

بص يا أمجد
عارف وأنا فى ثانوى كنت بعمل ايه

كل ما أكنت ازهق من نفسى ومن ام المذاكرة
كنت أقول لنفسى
تخيل إنك كنت محبوس فى قضية زور وظلم
وطلعت النهاردة
وعندك مذاكرة وامتحانات !!
هتعمل ايه ؟؟
هتقعد ساكت .. ولا هتقتل نفسك
وتطلع العملاق اللى جواك دا .. عشان تثبت للعالم كله .. إنك راجل راجل

..

كنت بقول لنفسى
تخيل ان الطريق اللى بمشى فيه كل يوم من بيتنا للدرس .. ( واللى فيه 10 أعمدة )
عمود منه بطل ينور .. هتقف ؟؟
اتنين بطلوا ينور.. هتقف ؟؟
3 ..
4
5
6
9 .. هتقف ؟؟
الإجابة .. لا طبعا
مش هقف .. لازم هكمل .. دا لو انا عايز أوصل اخر الشارع
صحيح هتعب ..ممكن اخاف .. ممكن أقع .. بس لازم هوصل أخر الشارع

صدقنى .. اليوم الواحد كفيل انك هتهدم فيه جبال
شد حيلك وزاكر بضمير .. وسيبك من المنتدى ومن النت
ومش لما تقعد تذاكر .. تفتكر كل مشاكلك ومشاكل مصر وأفريقا والعرب والبشرية
خرج نفسك من الجو .. دا كله
واحصر نفسك جو خانة المذاكرة وبس !!

اوعى تذاكر على السرير
اوعى تذاكر أصلا فى أوضة النوم
خليك منظم .. ورتب أوضتك وحاجتك
التنظيم هو نص المذاكرة ..
وقبل ما تذاكر .. خد دوش ساقع ..

وقلل حد ساعات نومك .. ومتنامشى نومك كل مرة واحدة
قسمه على مرتين

يعنى لو بتنام 6 ساعات
نام تلاتة .. مرة .. وتلاتة مرة

ومينفعشى أصلا تنام اكتر من ست ساعات دلوقتى !!!

بس خليك فاكر
مذاكرة ساعة وانت فايق ... بمذاكرة 10 وانت ضايع

وبالتوفيق لكم جميعا
ودعواتى لكم

و النبى بنام 1 ساعه يا هانى و مش نافع .. و ساعات بنام 24 ساعه و الله .. و كل مدرس يطلب كم مزاكرة رهيب .. يخليك و لا تعرف تكمل ده و لا ده .. انا امنية حياتى اخلص الباب 8 تاريخ .. لو خلصته يبقى خلاص كده زهزهت معايا الحياة

المشاركة الأصلية كتبت بواسطة sofia adam

ههههه شكلك يا مستر مدرس انجلش ..انا رحت قلت لماما ..ان فى طالب فى ثانويه عامه حط ورق الانجليزى فى البيانيو
رديت و قالت لى حقه الشرعى يا بنتى انا لو منه ارمى الورق كله بره الشقه ..رديت و قلت و نعم المدرسه
مع العلم ان ماما مدرسه انجلش بس هى الايام ديه بتمر بازمه الثانويه العامه يعنى بتعذب اكتر من الطلبه والله بحس انها هى الى داخله تمتحن
ربنا يستر

لا بلاش ارميه برا السلم .. انا بجمعه و بولع فيه .. او بديه لبتاع بطاطا معدى ^^

[Mr. Ali 1]

المشاركة الأصلية كتبت بواسطة usernamo

بخصوص انى اكتب لنفسى ورقة .. انا لو جبت بنى ادم رزيل يقولى الكلمتين دول .. بردو مش هزاتكر انا مش بيحوق فيا حاجة .. و بخصوص ادى الكيسة او اللاب لبابا .. و اسيبله المفتاح هو اصلاً مش هيرضى ممكن اجنن و اقتله و اخد المفتاح ..

واحنا نقدر نعمل ايه مع واحد بيقول علي نفسه انه مفيش حاجة بتحوق فيه !!
أقولك
أنت قلت قبل كدا ان بابا ضابط شرطة . خليه يسجنك الفترة دي .

[Sofia El-behairy]

المشاركة الأصلية كتبت بواسطة mr. Ali 1

واحنا نقدر نعمل ايه مع واحد بيقول علي نفسه انه مفيش حاجة بتحوق فيه !!
أقولك
أنت قلت قبل كدا ان بابا ضابط شرطة . خليه يسجنك الفترة دي .

يسجن ايه يا مستر !!! بلا احسن ينزل يعمل مظاهر ...هو ممكن يقعد على لاب ساعه واحده بس ..اول كل مبيذاكر 2 ياخد راحة تلت ساعه على لاب + عمل الشاى بس مش فى البراد

[Mr. Ali 1]

المشاركة الأصلية كتبت بواسطة sofia adam

ههههه شكلك يا مستر مدرس انجلش ..انا رحت قلت لماما ..ان فى طالب فى ثانويه عامه حط ورق الانجليزى فى البيانيو
رديت و قالت لى حقه الشرعى يا بنتى انا لو منه ارمى الورق كله بره الشقه ..رديت و قلت و نعم المدرسه
مع العلم ان ماما مدرسه انجلش بس هى الايام ديه بتمر بازمه الثانويه العامه يعنى بتعذب اكتر من الطلبه والله بحس انها هى الى داخله تمتحن
ربنا يستر

انجليزي طبعاً .
الانجليزي دا أحلي مادة يا صوفيا .
انتي بتصدقي أمجد !!!
أكتر مادة أمجد بيحبها هي الانجليزي .
هو حاطط الكتاب بتاعها في البانيو ليه ؟ أكيد مش قادر يسيب المادة خالص حتي وهو بيستحمي

[هانى الشرقاوى]

المشاركة الأصلية كتبت بواسطة Mr. Ali 1

انجليزي طبعاً .
الانجليزي دا أحلي مادة يا صوفيا .
انتي بتصدقي أمجد !!!
أكتر مادة أمجد بيحبها هي الانجليزي .
هو حاطط الكتاب بتاعها في البانيو ليه ؟ أكيد مش قادر يسيب المادة خالص حتي وهو بيستحمي

ههههههههههههههههههههههههههههه
نظرية برده ..
دا على كل أمجد بيستمى كل يوم
يا بخته ..

[Mr. Ali 1]

المشاركة الأصلية كتبت بواسطة هانى الشرقاوى

ههههههههههههههههههههههههههههه
نظرية برده ..
دا على كل أمجد بيستمى كل يوم
يا بخته ..

أمجد بيستحمي في اليوم أربع مرات علي الأقل .
ودا عدد مرات مذاكرته للانجليزي كل يوم .
ما أنت انجليزي بردوا يا هاني وأكيد بتعمل زيه , بس أنت تلاقيك بتكتفي بمرتين وبس

[Sofia El-behairy]

المشاركة الأصلية كتبت بواسطة mr. Ali 1

انجليزي طبعاً .
الانجليزي دا أحلي مادة يا صوفيا .
انتي بتصدقي أمجد !!!
أكتر مادة أمجد بيحبها هي الانجليزي .
هو حاطط الكتاب بتاعها في البانيو ليه ؟ أكيد مش قادر يسيب المادة خالص حتي وهو بيستحمي

هههههه ده ايه الشاطره ديه !! اومال داخل يقول مش عارف ازاكر .خايف من الحسد و لا ايه