شكل وزارة المالية رجعت فى كلامهم شوفوا الخبر

[mostafa_basha]

المالية: إعادة النظر فى "ضريبة الأرباح" بعد ملاحظات رجال الأعمال

السبت، 4 يونيو 2011 - 14:58
عبد الفتاح الجبالى مستشار وزير المالية
كتبت مريم بدر الدين

أكد عبد الفتاح الجبالى مستشار وزير المالية المسئول عن ملف إصلاح الأجور وجود بعض الاعتراضات من رجال الأعمال على ضريبة الأرباح الرأسمالية التى تقدر بـ 10%، على توزيعات شركات الأموال والأشخاص والدمج والاستحواذ وإعادة تقييم الأصول، وكذلك كانت هناك ملاحظات على الشريحة الإضافية على الدخل بدعوى أنها فى غير وقتها وذلك على الرغم من تأكيد وزير المالية دكتور سمير رضوان أن رجال الأعمال وافقوا على الشريحة الجديدة للضرائب على الدخل، بشرط عودة عجلة الإنتاج للدوران، وذلك خلال الاجتماع الذى عقد اليوم بوزارة المالية لمناقشة بنود مشروع الموازنة العامة للدولة العام المالى 2011/ 2012 مع عدد من رجال الأعمال و الاقتصاديين ومجموعة من شباب الثورة.

وأضاف الجبالى فى تصريحات خاصة لـ "اليوم السابع" أن كل هذه الملاحظات "رافضا كلمة اعتراضات"سيتم دراستها جيدا وسوف نأخذ بها قائلا "لو مكناش هناخد بيها ليه طرحناها للمناقشة من البداية"، مؤكدا أن ما يتم مناقشته هو مشروع القانون، وليس القانون نفسه، وبالتالى فإن أى ملاحظات أو اعتراضات يمكن أن يتم تداركها بقدر الإمكان.

وبالنسبة لقضية الحد الأدنى للأجور أوضح الجبالى أنها جزء من مشروع الموازنة وتم مناقشته أيضا، ولكن لم يتم الاعتراض عليه، رافضا ما تردد من توقعات حول وجود اعتراضات من جانب القيادات العمالية والنقابية، موضحا أن كل موظف يتقاضى مرتبا شاملا أقل من 700جنيه، سيتم رفعه إلى 700جنيه شهريا ووفقا للأرقام المتوافرة لدى وزارة المالية فإن الحد الأقصى للزيادة يصل 64 %، لكن بشكل عام إذا كان هناك من يتقاضى مثلا مرتبا شهريا شاملا يصل 350جنيها، كما يدعى البعض فى بعض الجهات مثل المحليات، فإنه سيتم رفع راتبه إلى 700جنيه شهريا، أى بزيادة 100 %، مضيفا أنه سيتم مناقشة بنود الموازنة مع ممثلين عنهم غدا.


http://www.youm7.com/News.asp?NewsID=427739

[leprince]

ايه الجديد فى الخبر بالنسبة للمعلمين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[المريسي]

مفيش حاجة اتغيرت يابرنس

[ام هلا]

الجديد ان احنا نعترض حتى يتم استدراك الامر
تمكنا الان من الاتصال بوزارة المالية وأليكم الرد ياسادة
تم استبعادالمعلمين لعدم ورود اي مطالب من وزيرالتعليم لزيادة رواتب المعلمين حيث أكد وزيرالتعليم لوزيرالمالية وللدكتورشرف ان المعلمين الحد الأدني لرواتبهم تتعدي ال 700 جنية بعد الكادر ولا حاجة الان لرفع رواتبهم ويقول المسؤال... فقد منحنا الوازارت مهلة شهر لتقديم مطالبهم وتصورهم لهيكلة اجور موظفي هذه الوزارات وقدمت لنا وزارات الصحة والتعليم العالي والشرطة والزراعة والمحليات ولم تقدم لنا وزارة التعليم اي مذكرات في هذ الشأن لذلك تم اعداد الميزانية واستبعادهم .. لعدم الحاجة لرفع رواتبهم
********
الأرقام للي يحب يتصل مره اخري ........ للاستفسار عن وضع المعلمين بالنسبة للكادر
الاستاذه نجلاء ابو العز مدير مكتب وزير الماليه
26860606
الاستاذ هانى فوزى مساعد الوزير
......23421282
الاستاذه أمينه غانم 26861200

[Le Samurai]

يا أستاذ هما فاكرينا بناخد أكتر من 700 دا ولا بعد 8 سنين
وبعدين الأطباء بداية كادرهم 1500 جنيه

[mostafa_basha]

موضحا أن كل موظف يتقاضى مرتبا شاملا أقل من 700جنيه، سيتم رفعه إلى 700جنيه شهريا

[mostafa_basha]

هوة مش احنا موظفين برضة

[Mr.ramy00]

مفيش حاجة اسمها الوزير قال ان رواتبنا تعدى 700 جنيه ده كلام غلط اصلا ومينفعش يتقال لان دلوقتى احنا بنتكلم عن عدالة اجتماعية نادت بيها الثورة وعلشان كده وضعوا الحد الادنى للاجور اذا كان وزير الماليه قال ان خط الفقر 700 جنيه يبقى ازاى احنا هناخد اقل من كده وفى تصريح مستشار الوزير قال اقل لو حد بياخد مثلا 350 جنيه هيترفع 700 يبقى غصب عن الوزير لازم هيضع حل للمشكله وبكره هتشوفوا

[بنت دمياط]

لا حول ولا قوه الا بالله حسبى الله ونعم الوكيل فيك يا احمد جمال موسى

[حمادة مصطفى ابراهيم جوده]

يا عم افهموا الكلام بقى الواحد زهئق هو مجبش اى اشارة للمعلمين لازم اضراب يوم الثلاثاء امام مجلس الوزراء

[مريم اليكس2011]

الوزير ده لااااااااااازم يتفضح لانه ميعرفش اي حاجه عن المنصب الي هوة فيه فرحان بالوزارة وخلاص سياده الوزير راح سياده الوزير جه الحكايه مش ناقصه هبل عاوز ينول الرضا علي حسابنا الله يخرب بيته ضيعنا وودانا في داهيه والهي لو هتروحو التحرير تطالبو باقالته مستعده اسافر واروح بس المهم نتفق من حيث المبدا وكلنا نكون ايد واحده

[محمدطعيمة]

يا سادة يا أفاضل
الحل العملي للموضوع ده وحتي لا يثور الناس بالخطأ
هاهو رابط مراسلة أحمد جمال موسي علي مدونة خاصة به ، راسلوه أولا وعرفوه أن الأمر جد خطير وبعد رده وما سوف يفعله يكون التصرف المناسب
http://ahmedgmousa.blogspot.com/p/blog-page_4474.html

[mamdoh.aly]

يعنى وووووووووووووووزارة المالية مش عارفه مرتبات المعلمين يقعدوا فى بيوتهم احسن

[winwaw]

المعلمين واخدين الكادر .. لقـــــــــــــــــــب فقط ههههههههههههههههههههه
يـــــــــــــا فرحتى اخدنا الكادر

[معلم متعاقد]

ياجماعه والله انا لى واحد قريبى بيشتغل فى الشرطه لسه قايل لى امبارح اننا كانت استمارات الرواتب بيبعتها حبيبب العدلى لوزاره الماليه على ان اقل راتب 1200 فى الوقت اللى كان الموظف ده راتبه 550 جنيه علشان يضرب الباقى فى جيبه يبقى صدقوا فعلا لما احمد جمال موسى يقول لوزاره الماليه اقل واحد تعدى ال700 ويضرب الباقى فى جيبه واحنا ناكل طوب ولو ان الطوب هو كمان بقى غالى حسبى الله ونعم الوكيل الناس دى مش حاسه بينا ولا هتحس وهيروح حرامى يجى حرامى غيره لازم ناخد حقنا لازم