الكوسه مزروعه في لاظوغلي

[المجدد]

طبعا لاظوغلي مقر وزارة التربية والتعليم وطبعا الكوسه نوع من الخضروات يأكل في كل انحاء العالم ولكن في مصر هو عبارة عن سلوك بشري صميم
سيداتي سادتي
مرحبا بكم في مزرعة الكوسة الدولية المتحدة ( كوسة انترناشيونال جروب) تليفون - كوسة كوسة خيارتين كوستين شمامة ( وزارة التعليم سابقا )
كنت في مظاهرة تغير المسمى الوظيفي يوم 31 يوليو وقد تجرأ شباب المعلمين واقتحموا الوزارة مطالبين بمقابله الوزير والمعاملة بأدمية معنا من قبل أمن الوزارة فكل مظاهرة يتركونا في الشارع أمام الوزارة لنكون عرضة للقيل والقال والسخرية والهمز واللمز من الناس رغم ان الوزارة واسعة جدا كان ممكن يفضوا لنا ركن نزعق براحتنا
ومع استمرار الوضع دخلنا الوزارة غصب عنهم ...... المهم
أول حاجة غريبة اكتشفتها أن موظفي الوزارة مش عاجبهم اللي بنعمله وكل موظف أو موظفه يجيوا يقولوا لنا حرام عليكم ده أحسن وزير جه حرام عليكم ما صدقنا نلاقي وزير كده
كل الموظفين بيحيوا الوزير طيب ليه .... المعلمين مش بيحبوه .... المهم بالفحص والتمحيص اكتشفت
ان هذا الوزير صنع له مريدين داخل الوزارة .... اعاد كل الانتدابات التي ألغاها زكي بدر وطبعا فلوس الوزارة كتير كده ما تحسش بفقر المدرسين هناك ميغة وبوظة وكل انواع البطيخ والكوسه لجان وبدلات وفلوس ملهاش حصر وموظفين كتيررررررررررر لا شغلة ومشغلة طول اليوم بيهزروا ويضحكوا ويقبضوا بطالة مقنعه بس بفلوس كتير يبقى ليه مش يحبوا الوزير ويدافعوا عنه
هما مثلا زي 182 معلم جديد ومتعاقد بيقبضوا شامل 376 مثلا يعني
لا والعربيات هنا مش عايز اتكلم عشان الحسد جيب ومرسيدس وكل شوية تلاقي موظف او موظفه مسترخي في الكرسي الخلفي ومعاه سواق يا عيني على الدلع
سؤال هي الناس ديه شغلها صعب جدا ومعقد لدرجة مرتب خيالي وعربية وسواق وبنزين على حساب الحكومة

ايه الظلم ده ايه الكوسه ديه

سؤال لمعالي الوزير انا مش عايز مرتب زيادة ولا حد أدني ولا مسمى وظيفي ولا نقابة ولاحقوق
أنا عايز سواق مش مهم عربية انا معايا 128 رشة دواخل بس مزنوق في سواق مشكلة هتجنني نفسي في سواق بس بشرط ما بيعرفش يسوق عشان يطلع بينا الدائري ونخلص عشان انا زهقت ... الله يخرب بيوتهم

[tomjerry741]

مشكور يا بنى على كلامك
كل كلمة قلتها اكيد عندك حق فيها
وكل يوم بنسمع عن حاجة جديدة وقرار جديد
كلن كلو نصب فى نصب
احنا مصارينا طرشقت من **اط الحكومة ال*ضينة دى
سنين بالحصة اشتغلت
ولما ربنا كرمنى بعقد من شهر واكم يوم شكرت ربنا
انا مش بحلم ابنى بيت ولا بحلم اتجوز
انا بحلم زى حلمك كمان
عايز سواق ... ومش مهم العربية
عندى حمار وعايز الوزير ياخده يودية الغيط كل يوم
دا كفاية بالنسبالى
" كلب المالية وكلب التربية والتعليم " كليكم اللعنة اجمعين
احنا خلاص بعنا القضية .... وحياة المعلمين المنتظمة هتنقلب لكوسة بجد السنة دى
وانتو لو بالكم طويل
هقولكم زى ما قال نزار قبانى :
لن تجعلوا من شعبنا

شعب هنودٍ حمر..

فنحن باقون هنا..

في هذه الأرض التي تلبس في معصمها

إسوارةً من زهر

فهذه بلادنا..

فيها وجدنا منذ فجر العمر

فيها لعبنا، وعشقنا، وكتبنا الشعر
*********
*******
***
*
*
**








ما بيننا.. وبينكم.. لا ينتهي بعام

لا ينتهي بخمسةٍ.. أو عشرةٍ.. ولا بألف عام

طويلةٌ معارك التحرير كالصيام

ونحن باقون على صدوركم..

كالنقش في الرخام..

باقون في صوت المزاريب.. وفي أجنحة الحمام

باقون في ذاكرة الشمس، وفي دفاتر الأيام

باقون في شيطنة الأولاد.. في خربشة الأقلام

باقون في الخرائط الملونه

باقون في شعر امرئ القيس..

وفي شعر أبي تمام..

باقون في شفاه من نحبهم

باقون في مخارج الكلام..