لماذا المعلم دونا عن كل العاملين بالدولة

[YAHEEEE]

بسم الله الرحمن الرحيم

إليكم إخواني الزملاء مجموعة من الخواطر قد يكون بعضها مكرر وقد يكون بعضها جديد

علي أي حال أنا سأكون شاكر جدا لتعليقاتكم وردودكم الكريمة المعارض منها قبل الؤيد وأنا أطرحها للنقاش والإنطلاق منها كثوابت لمواضيع يجب ان نقاومها ونتصدي لها ونصلحها بإذن الله

أولا :

أنا وأعوذ بالله من كلمة أنا بعد متابعتي للمشاركات اللي بتتكتب

لاحظت إن المدرسين زعلانين من الأجور المتدنية بالنسبة للمصالح الأخري

سألت نفسي وكأني مش مدرس ولكن من مصلحة تاني

مثلا السنترال البريد البنوك الكهرباء البترول المطاحن الجامعات مجلس الوزراء الضرائب شركة المياه شركة الصرف الصحي السكة الحديد هيئة النقل العام المحليات إلخ إلخ إلخ

أي مصلحة من اللي هما اعلي منا في الأجور ويمكن علي درجات أقل

رديت علي لسانهم وقلت

إن وزارة التربية والتعليم هي وزارة مستهلكة والوزارات الأخري ذات الأجور العالية وزارات منتجة

بس ده يوجهنا لسؤال تاني

هما الإنتاج بتاعهم مش برده من جيوبنا . والفواتير اللي بندفعها هي سبب الأرباح العالية اللي بيحققوها. يعني منتجة علي قفانا لمأخذة

وبعدين لما هي كدة ومفيش فلوس للمعلمين يبقي لازم يرحمونا من الفواتير دي ويكسبوا مكسب بسيط واللي يقللي الفواتير مدعومة يجاوب علي السؤال ده ............... يبقي مكسبهم منين ؟

وحكاية إن وزارة التربية والتعليم وزارة مستهلكة دا كلام

متخلف متخلف متخلف النظام القديم زرعه علي ألسنة المسئولين

علشان يسكتوا المدرسين الغلابة

مع إن مهنة التدريس .................................................. .....

.................................................. ................................... هوف معلش دي عايزة وقت ومساحة كبيرة علشان أتكلم عنها . نأجلها لمقالة تاني

**********************************************

ثانيا :

ماشي . التعليم وزارة مستهلكة . نعديها لحد ربنا ما يبعت لينا مسئول يفهم إنها من أهم وسائل التنمية البشرية في البلاد

السؤال : هو برضه مش من العدل إن الموظفين في الدوله يتساوو

والغريب إن النظام القديم كان يقلد الغرب والشرق والصين في كل حاجة من اول اللبس حتي الرقص مقدرش يقلدهم في رفع مكانة المعلم

ياناس دا في بلاد المعلم فيها من اعلي أصحاب الدخول وبلاد المعلم فيها ليه حصانة ........................... إحنا عايزين التساوي بس .

يلا بينا ننتقل للمحور التاني

كون المعلم أجرة زهيد وضعيف

يا تري يا هل تري دي حاجة مقصودة ولا بسبب ضعف الأمكانيات المادية للحكومة

أنا أري إنها حاجة مقصودة من حكومة مبارك لعدة أسباب منها علي سبيل المثال لا الحصر

المعلم لازم يتم تشتيتة وجعله يلهث وراء لقمة العيش باي شكل

دروس خصوصية يفتح دكان يشوفله صنعة يركب تاكسي

المهم بلاش يركز في شغله ويخسر صورته ويفقد الإنتماء لمهنته

من غير كده هيطلع اجيال ذي الورد ومصر هتتقدم وتتفرعن علي الكل خاصة إسرائيل وكدة الحكومات الاخري هتزعل مننا

ولازم نقصقص ريش مصر اول بأول

مش كدة وبس النصيبة إن النظام الفاسد لما وجد المعلم مكفي نفسه وقادر يدبر اموره ( من عدة منافذ دروس خصوصية يفتح دكان يشوفله صنعة يركب تاكسي يتزوج موظفة تساعده ) وكمان يؤدي دوره في المدرسة

اخترعوه حاجة غريبة تكسر نفس المدرس في المدرس وتخليه يقف عاجز في الفصل ( الضرب ممنوع )

يعني يمنعه المعلم إنه يربي العيال اللي والله الواحد بيعاملهم زي إخواته

والضرب في قسم الشرطة مسموح علشان يذلوه الناس

************************************************

ثالثا : وأخيرا علشان طولت عليكم أنا أسف

عارفين يا جماعة

ليه في الدول الاخري يتم الاهتمام بالمدرس وكمان بيدلعوه خاصة مدرس الابتدائي

علشان كل دوله ليها سياسة

( إشي اشتراكية ورأس مالية وعلمانية وبوذية وتكنولوجية ,,,,,,,,,,,,, )

والمدرس هو واضع السياسة العامة للدولة في عقول الاطفال

واحنا في بلادنا ملناش سياسة محددة

حد يعرف ايه السبب

علشان الحكومة عارفة ومتأكدة كويس إن أي سياسة هتختارها لن تطبق مهما فصلوا في المناهج وعدلوا

لأننا كمعلمين مصريين مصرين علي السياسة الإسلامية وبنزرعها في عقول ولادنا بكل شكل وفي كل وقت وكل مكان

في الفناء والفسحة والرحلة وحصة الالعاب والزراعة والرسم وحتي لما نصلح بين الاطفال الإسلام جوانا بيجري في دمنا

علشان كده النظام مش مهتم بينا ومهمشنا وعايز يقسم وسطنا ويكاد يكون يذلنا

فهمتوا ليه المعلم مهمش دونا عن كل العاملين بالدولة

[gad7777]

بدأ مشوار إفساد التعليم منذ عهد اللورد كرومر - المندوب السامي البريطاني في مصر - والقس زويمر - وكيل وزارة المعارف أنذاك - وكيف اتفقا على تدمير التعليم المصري حتى تصبح البلد فريسة سهلة المنال للإنجليز فوضعوا قواعد أساسية لإفساد التعليم منها:

اهدار كرامة المعلم

- إضعاف اللغة العربية
- تزوير التاريخ
- إهدار قيمة الدين