"التربية" ترسل الفاكس الخاص بحافز المدرسين للمحافظات

[عزازى عبده محمود]

"التربية" ترسل الفاكس الخاص بحافز المدرسين للمحافظات

الأربعاء، 17 أغسطس 2011 - 11:03

دكتور أحمد جمال الدين موسى وزير التعليم
أسيوط - هيثم البدرى

قال إبراهيم الموافى، وكيل وزارة التربية والتعليم، إن الوزارة أرسلت فاكسا لكل المديريات بقرار رئيس مجلس الوزراء رقم 1024 لسنة 2011 والخاص بتقرير حافز أداء لشاغلى الوظائف التعليمية والتى نصت مادته الأولى بمنح شاغلى الوظائف التعليمية المنصوص عليها فى الباب السابع من قانون التعليم المشار إليه حافز أداء شهرى بواقع 75% من المرتب الأساسى بالنسبة لشاغل وظيفة معلم مساعد أو ما يقابلها وبواقع 50% من المرتب الأساسى لوظيفة معلم أو ما يقابلها وبواقع 25% من المرتب الأساسى بالنسبة لشاغلى وظائف معلم أول ومعلم أول (أ) ومعلم خبير وكبير معلمين أو ما يقابلها.

ويسرى هذا القرار على كل من يشغل إحدى الوظائف التعليمية وتم إلحاقه للعمل فى وظائف الإدارة بالمدارس والإدارات والمديريات التعليمية وديوان عام وزارة التربية والتعليم والجهات التابعة لها.





http://www.youm7.com/News.asp?NewsID=475555&

[nagar3321]

ياحلاوة ياولاد انا معين من 97 يعنى 14 سنه جالى 82 جنيه زيادة الحمد لله جبت كوتش لعبدالفتاح ابنى بيهم

اللهم بارك لنا فى ما اعطيت

[learnme1000]

في حد شافه يرفعه لينا

[inspired_86]

المشاركة الأصلية كتبت بواسطة nagar3321

ياحلاوة ياولاد انا معين من 97 يعنى 14 سنه جالى 82 جنيه زيادة الحمد لله جبت كوتش لعبدالفتاح ابنى بيهم

اللهم بارك لنا فى ما اعطيت

هههههههههههههههههههههههههههههههههههههههه مبروك يا عبدالفتاح الكوتش

[صفاء عزمى]

المهم علي اساسي جديد ولا قديم

[الأفضل رياضيات]

كل ما تقول لحد زود المعلمين يقولك دي وزارة خدمية مش بتجيب فلوس انما البترول بتجيب فلوس يبق الحل هو كالآتي

أولاً :- الحل الفنتازي الميلودرامي المكوكي الجهنمى
1 ) نقل العاملين في البترول إلى التربية والتعليم لمدة أربع سنوات فقط والمبادلة بينهم وبين المعلمين ؟؟؟ اربع سنين
في البترول يا عم كأنك طلعت إعارة

2 ) إعطاء وزارة التربية والتعليم كام بير بترول على كام منجم فوسفات على 2 كيلو من قناة السويس تصرف بيهم على
نفسها ومش عايزين حاجة تاني

3 ) المعلمين يأخدوا أجازات بدون مرتب ويدوا دروس خصوصي وبالنسبة للإخوة معلمين الأنشطة والإداريين قدامهم حل
من إثنين * ياإما يعملوا مجموعة وياخدوا درس في المنهج الركيك وبعدين هما يستقلوا يودوا دروس * ياإما يشتغلوا
صبيان عند المعلمين يصححوا واجب يضربوا العيال يلموا الفلوس ولهم نسبة طبعاً

4 ) على المعلمين من السيزون اللى جاي يغلوا الدروس 4 أضعاف لأن كل العاملين في الدولة زادت مرتباتهم

ثانياُ الحل الواقعي :مش هناخد من وزارة المالية أية قرش -

1 ) إلغاء كافة أعمال المطبعة السرية والكنترول في المحافظات إللي هما بياخدوا ألوف الجنيهات وجعلها بالتكليف مثل
إمتحانات النقل شوف هتوفر كام مليون

2 ) إلغاء مدينة مبارك التعليمية إللي بيتصرف عليها ملايين بدون فائدة أنا كنت هناك والله وشوفت بعنيا شوف هنوفر كام
من البند ده

3 ) تقليل الحشو في الكتب وتعديل المناهج وطبع الكتب في مطابع الوزارة ولو مكانش فية مطابع ورارية نعمل شوف
هنوفر كام مليون من عمولات وسمسرة وأسعار خرافية للكتاب إللى لو إطبع في الوزارةيكلف أقل

4 ) عمل لجنة من المعلمين في كل إدارة تراقب أوجة الصرف كالمحليات مثلاً

5 ) عدم مد إللى طلعوا معاش إلى شهر ثمانية شوف هنوفر كام مليون

6 ) إعاده هيكلة الأجور في الوزارة ووضع حد أدنى وأقصى للوزارة فقط شوف المستشار ولا الموظف الكبير إلى كان
بياخد مئات الألوف لما يأخد حد أقصى عشرون ألف فقط يرفع معاه كام واحد لفوق الحد الأدني كمان

[حازم الششتاوى]

المشاركة الأصلية كتبت بواسطة nagar3321

ياحلاوة ياولاد انا معين من 97 يعنى 14 سنه جالى 82 جنيه زيادة الحمد لله جبت كوتش لعبدالفتاح ابنى بيهم

اللهم بارك لنا فى ما اعطيت

اوعى تنسى تجيبه كبير شوية علشان العام القادم واللى بعده واللى بعده,
حسبى الله ونعم الوكيل فى اللى ظلم المعلم و خلاه اقل مرتب فى الدولة .