قتلة السادات يتهمون المعتصمين بالبلطجة!

[محمد.فوكس]

سلام عليكم...
على آخر الزمن يجي قتلة السادات (الجماعة الاسلامية) على لسان احد قيادتها بانهم ينبذون العنف و يتهم المعتصمين ببدء العنف و انهم بلطجية.
و بيقول ان المعتصمين عايزين الدولة تنهار و الجيش ينهار.
و نسيوا انهم اخترقوا الجيش عشان يغتالو القائد الاعلى بيه و يسيطرو على الحكم.
و لما جه مبارك اللي احنا خلعناه انتو بقيتوا زي الارانب و حرمتوا الخروج عليه.
و لم ينسى عصام عبد الماجد (اللذي ينافق المجلس العسكري ليل نهار) انه يجيب سيرة البرادعي و يقول ان البرادعي هو السبب عشان عايزين يجيبوه رئيس وزراء مع العلم ان الموضوع ده منتهي من فترة.
عايز اقوله يا عاصم ... بنات 6 ابريل اللي مش عاجبينك الواحدة فيهم ب1000 راجل من امثالك.
و يا ريت تعرفوا ان الشريعة اللي بتتاجرو بيها مش بس حجاب و بكيني.
اظن الشريعة مترضاش باللي بيحصل مع البنات من قوات الجيش و اللي حصل قبل كده من كشف العذرية.
لكن انتو مهتمين بالمايوه و مين قلع و مين لبس.
و مهتمين بالبرادعي اللي عاملكوا هسهس و زي ما بتقولو ان في فوبيا من الاسلاميين انتو كمان عندكوا فوبيا من البرادعي اللي عاملكم جنان في دماغكم....
البنات اللي بيتتسحل و بيتكشف عذريتها و اللي بتتشد من شعرها دي كل واحدة فيهم بألف راجل من عينتكم.
اقعدوا غنوا للمجلس العسكري لغاية ميديكوا على دماغكم انتوا كمان.
كل ده بيثبت ان الاسلام حاجة و انتو حاجة تانية خالص.
سلام عليكم..