ممكن دخوول اساتذه الدراسات بسرعه

[يوسف عزالدين]

بسم الله الرحمن الرحيم

لو سمحتم انا عندى عند حضراتكم طلب بسيط
هو فى الجغرافيا الوحده اولى و انتاج البلاد من الزراعه و التعدين و الحيوانات .. الخ
لازم احفظ كل انتاج بلد و لا احفظ انتاج ايه بالضبط ؟

[mahmoud 5000]

لابد من معرفة اولى الدول فى الانتاج اولا
ثم معرفة الدول المنتجة حتى الثالثة فقط ولكن بدون كميات
ما عدا الدولة الاولى فى الانتاج او القارة الاولى ولكن كنسبة مئوية فقط ان وجد
والله الموفق

[lotfy_eid]

أنا مش مدرس لكن
الاساتذة قالوا لنا أنه يجب حفظها لأنها بتأتى فى الامتحان على هيئة
(اختر- صح أم خطأ -أكمل - وممكن تأتى فى الخريطة - دة غير المقارنات بقى)

[السيد السعيد حنفى]

حفظ الدولة الأولى والقارات الاولى من كل انتاج الى الثالثة

[ربيع جمال]

الأرقام الإحصائية لا يطالب بها المدرس والطالب وشكرا

[أ/ محمد رجب]

الأرقام اعتبرها مش موجودة ماعدا النسب المئوية والكسر الاعتيادي مثل الربع والنص والثلث

[محمد حسن ذكى]

يتم حفظ اولي الدول والقارات وانتاج كل منها بالاضافة الي انتاج مصر

[مسترسمير]

يجماعة انا والله العظيم مدرس دراسات وانا بقولها صراحة وبدون خوف اتحدى اى موجهة او واضع المنهج ان يحفظ كل النسب والأرقام اللي فى المنهج لان ده ينفع مرجع وليس كتاب مدرسي للاسف المادة بتعتنا كل مالها للسوء وبتخلي التلاميذ تكرها وتخاف منها وعلشان كده المفروض يوضع فى الأعتبار للسادة واضعى الأمتحانات انهم لم يأتوا بالنسب والأرقام حتى يتعدل المنهج
افتكروا الترم الأول فى اول درس الموقع الفلكى هاتلاقوا فى صفحتين فى حوالى 60 رقم ونسبه من دوائر عرض وخطوط طول كل قارة وعدد دول ومساحة وغيرة

[lotfy_eid]

المشاركة الأصلية كتبت بواسطة استاذوائل

يجماعة انا والله العظيم مدرس دراسات وانا بقولها صراحة وبدون خوف اتحدى اى موجهة او واضع المنهج ان يحفظ كل النسب والأرقام اللي فى المنهج لان ده ينفع مرجع وليس كتاب مدرسي للاسف المادة بتعتنا كل مالها للسوء وبتخلي التلاميذ تكرها وتخاف منها وعلشان كده المفروض يوضع فى الأعتبار للسادة واضعى الأمتحانات انهم لم يأتوا بالنسب والأرقام حتى يتعدل المنهج
افتكروا الترم الأول فى اول درس الموقع الفلكى هاتلاقوا فى صفحتين فى حوالى 60 رقم ونسبه من دوائر عرض وخطوط طول كل قارة وعدد دول ومساحة وغيرة

كلام حضرتك مظبوط فعلا

[مستر محمد الجوهرى]

احفظ الدول حتى الثالثة وركز على النسب المئوية والنسب الكسريةمثل النصف والربع

[badr17may]

الدولة الاولى والقارة الاولى وانتاج مصر ان وجد واتحدا

[ahmed atta 2]

فى امتحان دمياط السنة اللى فاتت الموجه حط شكل بيانى فيه جميع الدول المنتجة للقصب بنسبها وعدد اطنان انتاجها حسبى الله و نعم الوكيل