|
||||||
| أرشيف المنتدى هنا نقل الموضوعات المكررة والروابط التى لا تعمل |
|
|
أدوات الموضوع | ابحث في الموضوع | انواع عرض الموضوع |
|
#1
18-04-2008, 09:15 AM
|
|||
|
|||
يوميات طهقان وطهقانه
انت راجل ماعندكش ذوق
- انت ست معفنة - راجل معندكش نظر ومش بتقدر - انا مش شايف أي حاجة تتقدر - أنا اللي غلطانة إني... - طبعاً هو واحدة زيك تعمل حاجة مش غلط . - احترم نفسك ، انت مابتعرفش تعامل الستات. - هما فين الستات...! دا انتي بالكتير.. انثى الكركدن - قليل الادب - انا مش عارف طهقانة إزاي تصاحب ستات أرجوزات زيك  نرجع فلاش باك للموضوع دا من البداية ، بعد فترة تمهيد استمرت لعدة ايام ، سمعت خلالها من طهقانة كلمات كتير غير مترابطة حاولت تدخلهم في مواضيع متفرقة ، على شاكلة ، نيوو لوك ، اي لاينر ، شادو ، ماش ، سليكون، برونز ، نفخ ..... شفايف . واخيرا وبعد فترة التمهيدي..قصدي التمهيد ، التي استمرت لعدة ايام ، استأذنت طهقانة مني انها هاتتاخر اليوم دا بحاله خارج البيت مع صاحبتها عبير، هاتروح تغير جو في هايبر ماركت ، وتعمل شبوينج هي وصاحبتها ، وهايعدوا في طريقهم على البيوتي سنتر ، أنا : طيب لازمته ايه تروحي البيوتي سنتر ، ما أحنا ناخد الشاي هنا في البلكونة احسن..بدل الكافيهات والمصاريف . طهقانة : يا حبيبي...البيوتي سنتر. دا يعني مركز تجميل ،  أنا : أه..المزين يعني:D ... ما انا عارف... بس مش مركز معاكي .. طيب وتروحي لمركز تجميل ليه... ما انت حلوة طبيعي يا روحي ..! طهقانة : لما ارجع هاتشوف  .أنا : اعملي اللي انت عايزاه ..بس اهم حاجة لازم تعرفي اني باحبك زي ما انت ، اياكي تغيري في أي حاجة ، و اوعي تقصي شعرك ألا جارسون.. انا باحبه طويل ، ولازم تعرفي انك اجمل واحدة في عينيا . طهقانة : حاضر.. انا اتفقت انا وعبير اننا نعمل نيو لوك. أنا : ربنا يوفقكم. رحعت أخر النهار ، ولاقيت حاجة قاعدة في الانتريه قدام التليفزيون  ، ماتعرفش بقا إذا كانت انثى ، او أخطبوط او شوال رز عدى عليه موتوسكل ، ومع بعض الحسابات الميتافيزياقية البسيطة ، وقياس بعض الابعاد الهندسية ، ادركت انها واحدة ست، ....... ياااه...إزاي فاتت علي الحكاية دي !! دي عبير صاحبة طهقانة ، بصراحة كنت اول مرة اشوف فيها عبير دي ، أومال طهقانة كانت طالعة بيها السما ، ودايما تكلمني عن شياكتها وذوقها، دي لا طلع عندها لا ذوق ولا شياكة ، وطهقانة كمان ، بالشكل دا تبقا عديمة الذوق ، شعرها كأنه اناناسة طالع لها بتنجناية، أو زي ما يكون كيس مخدة قطن لسه خارجة من تحت إيد المنجد. او كأنها شخصية كارتونية هربانة من قناة سبيس تون :D. وأيه كمية الالوان اللي في شعرها دا ... عاملة زي البغبغان المنتوف ، تيجي ايه دي في حلاوة وجمال ورقة طهقانة ... صحيح ..صدق اللي قال ... "اللي يشوف مرات غيره ...تهون عليه مراته ". وبمجرد ما نظرت إليها ..اتخضيت ، لدرجة أني حاولت اقول اي دعاء من اللي حافظهم ، فلم يأتي على لساني إلا دعاء " اللهم إني اعوذ بك من الخبث والخبائث " انا: مساء الخير... اسف أني دخلت على غفلة .. اتفضلي خدي راحتك ..البيت بيتك. الست عبير اول لما شافتني ، ابتسمت ابتسامة خبيثة ذات مغزى ، واطرقت عينيها في تصنع واضح للخجل ، واختصارا للكلام الكتير والوصف، (تخيلوا معي ، عائشة الكيلاني لما تتكسف) :D. أنا : (يا مغيث ، انا عارف الجماعة بتوع مكافحة الحيوانات السايية سايبينك ليه ؟) أومال طهقانة سايبة حضرتك لوحدك ليه ؟ عبير(بدلع): ما تقعد ..انت عامل فرق ليه !؟؟  هي فاكرة نفسها ايه ، اينعم الواحد ساعات عينيه بتزوغ ، بس ..لا .. كله الا الرمرمة ، والأكل المكشوف والملموم عليه دبان ، ودي شكلها لسه خارجة من خناقة بكمية الاصباغ اللي على وشها...، ومع تطور النظرات ، تطورت الحركات ، والتلميح أصبح تصريح ، وأصبح الموضوع لا ينسكت عليه أبدا . أنا: ما تحترمي نفسك يا ست انت ، انت مش حاسة بنفسك ، والا انت فاكرة نفسك ست!؟ والله انا لولا احترامي لطهقانة ، انا كنت طردتك من بيتي .! عالم معندهاش احساس بالمسئولية، ياااا طهقااانة..ماتيجي تشوفي ضيوفك . - انت راجل ماعندكش ذوق - انت ست معفنة - راجل معندكش نظر ومش بتقدر - انا مش شايف أي حاجة تتقدر - أنا اللي غلطانة إني... - طبعاً هو واحدة زيك تعمل حاجة مش غلط . - احترم نفسك ، انت مابتعرفش تعامل الستات. - هما فين الستات...! دا انت بالكتير انثى الكركدن - قليل الادب - انا مش عارف طهقانة إزاي تصاحب ستات أرجوزات زيك - طلقني ...خسارة فيك النيو لوك ! - مين .....! طهقانة  منقول:D
__________________
لا اله الا الله محمد رسول الله
|
100%
|
#3
18-04-2008, 11:27 AM
|
||||
|
||||
مشكور ع الموضوع بس ما فيش حد بيتكلم مع حد بالطريقة دى ابداااااااااااااااااااا
__________________
 |
|
#5
18-04-2008, 11:39 AM
|
||||
|
||||
|
ممكن يكون الزوجين طهقانين من بعض لفترة وجيزة جدا انما لو اتكلموا بالطريقة دة لمدة يومين ع الاقل اعتقد ان البيت ممكن ينفجر ولا حد المطافى تقدر تطفى النار الناجمة عن الانفجار
بس دة كلة من الاول لو الاتننين فاهمين بعض مش هيكون حد طهقان من التانى
__________________
|
|
#7
18-04-2008, 03:36 PM
|
||||
|
||||
|
فعلا هى القصه تضحك بس انا كنت بضحك على نفسى اكتر
لانى لم اكن اعرف انطق الكلمات مشكور يا محمود على مجهودك
__________________
 يا امنه بشراك سبحان من اعطاكىبحملك محمدا رب السما هناك حملت بالحبيب وصفوة المجيب عيشى به وطيبى من كيد من عاداك |
|
#9
18-04-2008, 09:30 PM
|
|||
|
|||
|
ههههههههههههههههههههههه
جامدة جدااااا يا بني وأجمد ما فيها تعبيراتها.....لأ بجد تحفة وضحكتني بعد ما كنت (طهقان) من المذاكرة
__________________
أنا طالب تالتة رياضة هييييييييييييييييييييييه |
|
#10
19-04-2008, 11:07 AM
|
|||
|
|||
|
ههههههههههههههههههههه
موضوع جامد اخر حاجة بس اعتقد ان عبير هي طهقانة مراته وهو مفكرها عبير هههههه |
|
#13
19-04-2008, 04:10 PM
|
||||
|
||||
|
ههههه
لابجد موضوع جميل سلمت يداك
__________________
الحمد لله على كل شئ |
|
#14
19-04-2008, 04:18 PM
|
||||
|
||||
|
موضوع كويس
جزاك الله كل الخير
__________________
**لاتنظر إلى الوراء ولا تتطلع إلى المستقبل ...فالماضي لن يعود..والمستقبل سيبقى في علم الغيب.. فاعمل ليومك ..إن عملك ومصيرك وحياتك مرهونة بتلك الحظة التي تعيشها.....**
|
| العلامات المرجعية |
«
الموضوع السابق
|
الموضوع التالي
»
| أدوات الموضوع | ابحث في الموضوع |
| انواع عرض الموضوع | |
العرض العادي
|
|
جميع الأوقات بتوقيت GMT +2. الساعة الآن 03:30 AM.
