كلام جامد منقوووووووول

[باسمة]

ركبت إلنهاردة تاكسي ...وركبت بعد شويه بنت مش محجبة في الكرسي اللي جنب السواق ...
السواق سألنا حتنتخبوا مين ؟... فأنا سكتت وهي قالت:محمد مرسي ...

... ... قالها ::إزاي؟؟؟ إخوان؟؟؟؟ ... وبدأ عشان ينتقد فقال أول جملة"أنا مسلم واسمي محمد"

قامت البنت اللي أدام قاطعته:وأنا مسيحية واسمي ماريان !!! فسكت وبصلها باستغراب
وقالها:طب دة شفيق قال إنه حيحط الإنجيل في المناهج أو حيلغي القرآن ...

قامت ردت : اللي مايحترمش دينه إنهاردة عشان أديله صوتي ... بكرة يخرس صوتي عشان يفضل في الحكم...

قالها : عندك حق وسكت !!!

طبعا أنا كنت مستغربة أوي وهي بتتكلم وساكتة خاااااالص ..قامت قعدت هي تدافع وتقوله:لما كنيستي اتفجرت كان شفيق مع مبارك والإخوان في المعتقل....ولما شهداء مننا ماتوا كان شفيق رئيس وزراء والإخوان في الميدان..تفتكر مهما كانت غلطات الإخوان ومهما عملوا يوم ما اختار حختار اللي قتلني وأسيب اللي اتقتل زيي؟؟..

لما قالها: والله عشان كلمتك دي حنتخب مرسي .... كنت أنا بدأت أعيط من كلامها أصلا
ووأنا نازلة قولتلها ربنا يحميكي بجد منقول