مشكلتى مشكلة ارجو الدخول سريعا

[دراكو مالفوى]

السلام عليكم ورحمه الله وبركاته
ولله الحمد انا طالب متفوق والفضل لله سبحانه وتعالى
بس المشكله انى فى امتحان ماده الكيمياء
جالى حاله خوف شديدة وكنت تعبان جدااااا بسبب السهر
طلبت رئيس اللجان وكل المراقبين والملاحظين فى المدرسة
وقلتلهم انا عايز ااخد ماده الكيمياء معايا فى 3
قالولى اشطب على الاجابات وهنعمل محضر
قلتلهم بس انا كده هتزيد عليا سنه زياده وهمتحن الكيمياء لوحديها
قالولى لا اشطب ومتدخلش الدور التانى وهتاخدها فى 3 وتاخد الدرجة كامله
وبعد ما شاورت نفسى وقلت رئيس اللجان اكيد عارف وفاهم شطبت على الاجابات وعملى محضر
بعد ما رجعت البيت اكتشفت انى كده هاخد سنه زياده على 3 علشان الكيمياء ومش همتحنها فى 3 فيه ظلم اكتر من كده... يبقى ايه اللى الوزير الجديد عمله انه يضيع سنه من الطالب علشان ماده وكمان 2و3 يعتبروا سنه واحده يعنى مش هتفرق
دلوقتى والله من امبارح مكلتش حاجة ومنمتش ولا لحظة ودماغى هتنفجر وقلبى بيتقطع وكنت عهمل حاجة فى نفسى لولا الشيخ ...............
طلبى دلوقتى
عايز امل 1% بس اننى ممكن يخلونى امتحنها دور تانى او ااخدها فى تالته
والله اروح للوزير ذات نفسه وابوس على ايده وش وضهر بس يراعى ظروفى ولله مش هستحمل انى اعيد سنه
ارجوكو عايز اى ارقام للوزارة اعرف اتصل بيهم ولا ارحلهم النهاردة مع اننا بعيد اووى على القاهرة
بس مش مشكلة
مفيش اى امل يا جماعة ؟؟ مفيش مراعاه ظروف
طيب يشوفوا درجاتى ف المواد التانية وهما يعرفوا صدق كلامى
والله انا ذنبى ايه انى اتخدعت بكلام الرئيس ربنا يخرب بيته
لو اعرف ان فيه سنه مكنتش عملت كده ابدا
وكمان سبت اجابات الاسئلة الباقيه علشان قلت خلاص امتحنها فى 3 علشان تعبان ومش قادر
ودلوقتى الكنترول قالولى ابعت فكس واحنا هنحوش المحضر ونعلم الورقة
والله سمعت الكلمه دى وانا مش حاسس لنفسى والله مستنى ردودكوا وبعديها على طول معنديش مانع فى الانتحار ابداااااا .والله انا بحلم
ازاااى يعلموها وانا سبتها علشان امتحنها فى 3
ارجوكوا قولولى اعمل ايه دلوقتى
ارجوكوا طمنونى