ياريت تساعدنى لو تعرف من فضلك

[Yes We Can]

معلش هازعجكم معايا
بس هما كام سوال بخصوص كليه الفنون الجميله
هل بتقبل من ادبى
و بتقبل بكام من ادبى
و هل لازم اعرف اكون برسم حتى لو هكون فى ديكور او عماره
ولا هما هيعلمونا انا مش بعرف ارسم اوى
و لا لازم اكون فنانن
و ايه احسن كقسم فى فنون جميله
بالنسبه لادبى و ملوش فى الرسم اوى
و بعدين ايه احسن كليـه
حلوان و لا الاسكندريه و لا ايه
و شكرا لقرائه موضوعى
تحيــــــاتى

وهل لازم يكون واخد ماده تطبيقيه فى الثانويه تربيه فنيه

و هل يوجد بها انتساب

[mohamed_gad_]

هل بتقبل من ادبى

اه بتقبل من ادبي بس في قسم الديكور واقسام الفنون ومبتخدش عمارة من ادبي

اقسام الفنون: الجرافيك او التصميمات المطبوعة (احسن قسم)- التصوير وده بتتعلم فية الرسم ملوش شغل اوي
والنحت برضو ملوش شغل اوي احسن قسم في الادبي الديكور ثم بعد كده الجرافيك او اسمة برضو التصميمات المطبوعه

بتقبل بكام من ادبى

بتقبل من 348 اقل حاجة ودي جامعة جانوب الوادي في الاقصر
352 في المنيا
358 تقريبا في حلوان جامعة القاهرة
366 في الاسكندرية

ده لاقسام الفنون اما قسم الديكور فلية تنسيق خاص وبياخد من 91 او92 في المية لانة احسن قسم لادبي

و هل لازم اعرف اكون برسم حتى لو هكون فى ديكور او عماره

مش لازم اوي بس هي بتعتمد علي الرسم بس انا كنت مبعرفش اي حاجة وبقي مستاوية كويس بعد التدريب بس مع مدرس كويس

ولا هما هيعلمونا انا مش بعرف ارسم اوى

هما بيدو قرصات في الرسم قبل الامتحان بتاع القدرات في الكلية او برة مع مدرسين لانة شرط عشان تقبل في الكلية تنجح في اختبار رسم وثقافة عامة داخل الكلية ومتقلقش ناس كتير بتنجح ومبترسمش جامد اوي وانا اعرف ناس مبتعرفش ترسم ابسط حاجة وفي سنة تالتة السنادي وانا نفسي حليت في الثقافة العامة اي حاجة ورسمت متوسط وجبت لائق

و لا لازم اكون فنانن

مش لازم اوي بس هي بتعتمد علي التدريب علي الشغل ومع التدريب بتكون كويس الموهبة مش شرط بس التدريب الكويس هو الشرط

و ايه احسن كقسم فى فنون جميله

هو احسن قسم عمارة بس ده بياخد من علمي رياضة بس لانة بيطلع مهندسين معماريين وبيتقيدو في نقابة المهندسين بعدية الديكور ده بياخد من ادبي وبعدية الجرافيك وبعدية اقسام مش حلوة اوي

وهل لازم يكون واخد ماده تطبيقيه فى الثانويه تربيه فنيه

لا مش لازم