انت تقود العالم .. !

[usernamo]

بسم الله الرحمن الرحيم

رمضان كريم على اعضاء المنتدى و اتمنى ان يعود بالخير ع كل ..
و يارب اخوتنا اللى فى الثانوية العامة ربنا يفك تنسيقهم

نخش فى الموضوع

هنلاقى دلوقتى طلبة الثانوية العامة بتقول .. انا هخش اى كلية و خلاص بقى ..
انا زهقان و مش عايز اكمل تعليم
انا مخنوق من نظام التعليم ده .. " هو انا يعنى اللى هغير العالم "

اشهر جملة قد يقولها شاب فى الثانوية العامة ..

الرد : اه يا بجح هتغير العالم

مهو لو ربنا مخلقش كان فى فجوة هتحصل فى التاريخ ..

اه انت هتعمل فجوة زمنية ! قد تؤدى الى كوارث ! اقولك على مثال :

" انت رحت زى الامور كده تشترى كيس شيبسى بجنيه ! .. الراجل صاحب المحل حط الجنيه بتاعك ضمن الفلوس اللى هيتبرع بيها لجهة معينة .. الجهة دى استغلت الفلوس انها تساعد المرضى .. الجنيه بتاعك اتحط فى حساب واحد مريض بالقلب .. و يجب زرع له قلب .. المهم اتزرعله قلب و عاش .. اتعلم و كبر .. اتخرج من الكلية تفوق .. مسك مناصب لدرجة انه بقى رئيس دولة .. و قاد عدة حروب غيرت مجرى جغرافيا العالم .. "

شفت الجنيه بتاع الشيبسى عمل ايه ؟! تخيل لو مكنتش اشتريت الشيبسى كان زمان كل ده محصلش و الواد .. " مات " !

طبعاً الموضوع مش بتفاهة الشيبسى .. اللى اقصده يا ناصح
ان اى امر و لو بسيط انت بتعمله بيغير فى العالم .. فتخيل لما انت بنفسك تتحرك
و تنزل و تشتغل .. و تقود انت العالم ! ..

و خلى بالك :

على قد حلمك تتسع الارض ..
The Limit is the Sky

اوعى تيأس .. غير متعلمش و غير العالم ..

UseRNamo

[**تسابيح**]

دا أكيد كيس جانبو بتاع أحمد حلمي
موضوع ف الصميم..
ساعات بجد انا كمان بفكر ان الواحد اوقات أحلامه
وهدفه بتكون محدودة لما بيحققها بيقول طيب انا هاعمل ايه؟
ويقعديفكر ايه لزمتي في الحياة ..؟!
ولو فشل يبقي خلاص الدنيا قفلت في وشه..
صحيح تفكرنا سطحي أووي ..
بس دا ميمنعش ان بجرعة امل بيكون الحياة أفضل
عشان دا الواحد لازم يكون أحلامه وطموح كبير ولبعيد
عشان يقدر يستمر في الحياة..
ربنا خلقنا عشان نعمر الأرض ,والعمارة هتيجي بالتعليم والعمل والجهد
ورمضان مبارك عليك يارب

[aleman]

المشاركة الأصلية كتبت بواسطة usernamo

بسم الله الرحمن الرحيم

رمضان كريم على اعضاء المنتدى و اتمنى ان يعود بالخير ع كل ..
و يارب اخوتنا اللى فى الثانوية العامة ربنا يفك تنسيقهم

نخش فى الموضوع

هنلاقى دلوقتى طلبة الثانوية العامة بتقول .. انا هخش اى كلية و خلاص بقى ..
انا زهقان و مش عايز اكمل تعليم
انا مخنوق من نظام التعليم ده .. " هو انا يعنى اللى هغير العالم "

اشهر جملة قد يقولها شاب فى الثانوية العامة ..

الرد : اه يا بجح هتغير العالم

مهو لو ربنا مخلقش كان فى فجوة هتحصل فى التاريخ ..

اه انت هتعمل فجوة زمنية ! قد تؤدى الى كوارث ! اقولك على مثال :

" انت رحت زى الامور كده تشترى كيس شيبسى بجنيه ! .. الراجل صاحب المحل حط الجنيه بتاعك ضمن الفلوس اللى هيتبرع بيها لجهة معينة .. الجهة دى استغلت الفلوس انها تساعد المرضى .. الجنيه بتاعك اتحط فى حساب واحد مريض بالقلب .. و يجب زرع له قلب .. المهم اتزرعله قلب و عاش .. اتعلم و كبر .. اتخرج من الكلية تفوق .. مسك مناصب لدرجة انه بقى رئيس دولة .. و قاد عدة حروب غيرت مجرى جغرافيا العالم .. "

شفت الجنيه بتاع الشيبسى عمل ايه ؟! تخيل لو مكنتش اشتريت الشيبسى كان زمان كل ده محصلش و الواد .. " مات " !

طبعاً الموضوع مش بتفاهة الشيبسى .. اللى اقصده يا ناصح
ان اى امر و لو بسيط انت بتعمله بيغير فى العالم .. فتخيل لما انت بنفسك تتحرك
و تنزل و تشتغل .. و تقود انت العالم ! ..

و خلى بالك :

على قد حلمك تتسع الارض ..
The Limit is the Sky

اوعى تيأس .. غير متعلمش و غير العالم ..

UseRNamo

موضوع جميل
ولكنى دخلت اشارك لاقولك حمد الله على السلامة (لانى اعرف انك تغيبت عن المنتدى من فترة لانشغالك بالامتحانات والمذاكرة)
ابقى طمنا عليك تلميذىusernamo

[E.P.A]

مش كلو كده انا كنت بقول فى الاعدادى انى هحكم مصر فالدول الاسلامية كلها و احتل امريكا و ادهن البيت الابيض اسوددددد
و ان شاء الله هحققه و اول ماتعرفو ان رئيس مصر احتل امريكا و دهن البيت الابيض اسود اعرفو ان ده انا

[Pro Saher Abdel-Aziz]

طب الشيبسى بالطماطم ولا الجبنة المتبلة
فعلا لازم كل واحد يؤمن
انه لم يُخلق عبثا

[مريم السباعى.]

موضوووووووووووووع متميز بجد بس محتاج ك لواحد يشترى كيس شيبسى
ويقعد لوحده يقصقم فيه ويفكر فى مستقبله بتمعن وهو عايز ايه