عقد احتراف لوزير المالية المصرى يوسف بطرس غالى

[بندق__2007]

وقال درويش وزير التنمية الادارية "العالم يحترم وزراء الحكومة في المنتديات الاقتصادية، وأن أحد وزراء منظمة التعاون الدولي طالب باستعارة يوسف بطرس غالي، وزير المالية المصري، لضبط ميزانية بلاده وإصلاح أوضاعها المالية".
"الناس بره نفسهم في وزير مالية زي بتاعنا".

طبعا انا واحد من الشعب مش موافق على إعارة الدكتور يوسف غالى إلى الدول الاجنبية
و لو مصمم الراجل ده ياخد الحكومة كلها
احنا مش هنحتحت يا تشيل البيعة كلها يا اما يفتح الله

اقولك ؟؟

خد الحكومة كلها و هنديك عليها أحمد عز و فتحى سرور هدية و عليهم مشط كبريت
بس على شرط ...... تاخدهم كلهم و لا يتم إعادتهم لنا تانى الا بعد 3565896 سنة من تاريخ استلامهم
و نحن غير مسؤلين عن افعالهم او اقوالهم طوال هذه المدة
اذا كان كدة فاتفضل خد الحكومة كلها حلال عليك
و بكرة تندم على كلامك ده
و الله دى حاجة حلوة خالص قال يعنى من حلاوته
ياخدوه يا عم مش استعارة ياخده لهم خالص
انا مش فاهم على إيه ؟؟؟؟؟
دا عامل الاقتصاد بتاعنا شوربة و بزرميط و تضخم و حاجة اخر عك
و ياسلام بقى لو خدت الريس
و الله العظيم هتلاقى 80 مليون جواب شكر
و اهو برده راجل خبرة فى السياسة و الحرب و الاغتيال و الاعتقال و الديكتاتورية
يعنى راجل خبرة 27 سنة
خده انا مبحبوش انا جايبه عشان اعلقه فى النجفة بصراحة


المصدر / موقع مصراوى