ضرورى جدا لكل الناس

[ENG MEDO MAGDY]

لقد حانت اللحظه >>>>>>>>
منذ سنين والكل يحلم بالنقابه منذ سنين والكل يحلم بتغيير الاسم & منذ سنين والكليات بتقوم بوقفات & منذ سنين بنطالب بانشاء النقابه & منذ سنين الاف الجروبات والصفحات علي الفيس بوك والاف المناسبات لعمل وقفات من اجل النقابه
فشلنا مرارا وتكرارا في عمل وقفه محترمه الناس تسمع بيها فشلنا ان الاعلام يسمعنا وكان بينزل عدد لا يذكر يعملوا واقفه
سبب الفشل اننا متجمعناش في مره بوقفه في كل كليات الحاسبات في الجمهوريه

سبب الفشل ان مفيش عدد ينزل يطالب بحقه بسبب الخوف
سبب الفشل اننا اتكلنا علي غيرنا علشان يعملنا حاجه لمستقبلنا
سبب الفشل ان كل واحد بيدور علي نفسه وناسيين اننا في مركب واحد لا نوصل سوا لا نغرق سوا
سبب الفشل سلبيه ولا مبالاه كله خايف علي محاضره وسكش كله بيفكر ازاي ينجح وعمره ما فكر انه بعد ما يتخرج هيكون وضعه ايه دايما بنبص تحت رجلينا وعمرنا ما بصينا لفوق
كل الكليات بيتدور علي السلبيات وتصلحها واحنا اصلا مش بنبص لكليتنا الا من منظور محاضره وسكشن نسينا ان عمر النجاح ما كان الغايه التفوق هو الغايه
مش مهم تجيب الاول علشان تبان انك عبقري لا بعملك وجهدك وتشغيل دماغك وابداعك هي دي العبقريه
متقلش ياما عملنا وقفات ايه اللي جالنا منها مفيش حاجه حصلت
هقولك ياما ناس نضلت ممكن يكونوا بقالهم 80 سنه وعمرهم ما زهقوا لكن جه اليوم اللي انتصرت الثوره والسبب انهم اتجمعوا كل الطوائف اتجمعت بعد ما كل واحد كان بيحارب لوحده
وزي ما الثوره نجحت بسبب ان كله بقي ايد واحده في كل مكان وكل التيارات بقت تيار واحد التيار الثوري
احنا برده هنجمع كل الطلاب في وقفه واحد لمطلب واحد في وقت واحد وبدل ما كل واحد يعمل واقفه لوحده ومفيش حد واقف جنبه هنبقي ايد واحده وهنعمل باذن الله وقفه بجد
الوقفه دي باذن الله هتبقي اهم واقفه في حياتنا
افتكر كده بعد ما تتعمل النقابه وقد ايه انت كافحت علشان تتعمل ساعتها هتعرف ايه هي قيمه العمل وقيمه ان تقف ورا حقك ومترجعش الا لما تاخده
قووووووول انا باذن الله ناااااااااازل قولها وانت مؤمن بيها
هنزل علشان مستقبلي ايه فايده انك تنجح ومفيش مستقبل ليك ايه فايده انك تبقي احسن كليه وانت اللي هتخلي البلد تتقدم وملكش كيان ودولتك مش عارفه قيمتك ايه الفايده انك تتساوي باي طالب واخد معهد او واخد دورتين
لينا مطالب لينا حقوق يالا يابني اصحي وفوق
مش بطلب اكتر من حقي :
عايز نقابه & عايز يبقي اسم كليتي هندسه البرمجيات & عايز عميد ودكاتره من كليتي
ازاي دكاتره من كليتي فيه اوائل من حاسبات متعينوش كتير
وفيه معيدين بقالهم كتير ويقدروا يبقوا دكاتره احنا ممكن نصبر علي المطلب ده شويه اما الاتنين التانين لا
انا نازل ومش هنزل لوحدي دي تبقي كلمتك هجيب اصحابي وهعرف سنه اولي اللي جايه الكليه الحوار كله ومش هخدعهم
بكلامك ده مش هتكرههم في الكليه زي ما الناس فاكره بالعكس انت هتقولهم اننا احسن كليه بس هتقولهم ايه اللي بيوقفنا
التغطيه الاعلاميه باذن الله فيه قنوات هتنقل وهنقول اسمائها قبل الوقفه باذن الله والمواقع الاخباريه واكبر الصفحات علي الفيس
مشهتخسر حاجه لما تنزل وتقف بس هتكسب كتير اوي علي الاقل هيعرفوا اننا مش هنسكت وهيخلصوا الاجراءات بسرعه
استغل الفرصه دي اننا اتجمعنا علي شيئ واحد
الفرصه دي مش هتتكرر تاني
ياريت نستغلها كويس
ملحوظه الوقفه سلميه مش هنعطل مصالح حد
والسلام ختام والله الموف