عندي ملكة كتابه وبكتب شعر:بس مفيش امل (حملة محاربة الاكراميات فالادب المصري)

[ايمان كلاي]

بسم الله الرحمن الرحيم
اولا حبيت اكتب الموضوع ده لاني عايشه فيه واكتر حد حاسس بيه لما تكون بتكتب اكيد نفسك تنشر كل اللي كاتبه يمكن بتحس بوحده وغربه لما اللي قدامك يحسسك بالفشل وانك مبتعرفش تكتب او انك مجرد حالم بمستقبل يحسسوك انه مستحيل انا عشت 7 سنين في جو الكتابه بدات اكتب عامي زي م بكلمكو دلوقت وبعدين زجل وبعدين عدلت اسلوبي للفصحي لا كنت بحبا لعربي ولا الادب ولا النحو والحمدلله نشات في المنتدي الادبي لالستاذ عمر و خالد
والحمدلله لاقيت ناس كويسه اوي قدرت تاخدن واحده واحده وتعدي بيا بر الامان وقدرت احقق جزء من طموحاتي اني اعرف اكتب فصحي اعرف ازاي اكتب لغه عربيه جميله وسهله وبدات اعكس كل مجريات حياتي علي الكتابه سواء حب ودين واصحاب كل حاجه وهي كان معظمها حزين بس ده لان شخصيتي كده وبحب النكد احيانا وبميل لمصادقة الحزن او بمعني تاني ان الحزن بيحبني ودي حاجه مريحاني بعض ما المهم بدا بعد كده ادخل جامعه بس لللاسف الاكراميات عندنا ف الزقازيق مش هنا بس لا ف مصر كلها قصتي بدات ف اتحاد الطلبه مكنش موفق خالص لان كليتي كلية ادبيه ومش عملية ومحدش بيهتم بيها نظرا لالاعداد الكبيره فيها ولانها مش مهمه بالنسبه للكل
بدات اتجه لرؤساء اقسام اللغه العربيه ومجلة الجماعه لاقيت حاجه غريبه ان عقدة الخواجه عندهم اهتمو بللي جاي من بره من الخليج عن مصر لانهم لغتهم جميله وسلسه وبيعرفو يتكلمو لغه عربيه غير المصريين طبعا ولاني مبعرفش القي قعدت 3 شهور في مشروع مسابقه للجامعه كلها ورئيس وعميد الجامعه هيحضرو وبعدين افاجيء يوم العرض المسرحي ان الاستاذ الدكتور يستبعدني ويختار الملقنين العرب الخليجيين غيري مع ان القصايد اللي هيقلوها مش بتاعتهم بس لانهم هيشرفوه ف الالقاء اكيد اتحطمت نوعا ما وبكيت كتير وربنا يعلم قد ايه اتوجعت انا واللي معايه بس الحمدلله كملنا وغصب عننا لان ف عنينا هدف لازم نوصله
بدانا نسعي ور هدف الجرايد والمجلات كلها صفرا لان الشرقيه معظمها مستخبي فين وفين علي م يظهر ولان الجرايد الكبيره محتاجه مبالغ ووسايط واكراميات علشان نوصل فتعبنا بجد والله تعبنا ي ريت ننضم كلنا سوا علشان نعمل حملة لمحاربة الاكراميات ف الادب

[كركركوكو]

السلام عليكم ورحمة الله وبركاته

بالفعل انا كنت لسه هعمل موضوع للقيام بحمله ولاكني مازلت افكر ايه مضمون الحمله
وبعدين قولت لسه في امتحانات هنا فاجلت الموضوع شويه

بس ان شاء الله موضوع الحملات ده هيتم تنفيذه ودي من ضمن فكرة (يلا نغير شباب من أجل التغيير

اتفضلي شوفي الموضوع واليكم الرابط
http://www.thanwya.com/vb/showthread.php?t=43943

وان شاء الله الحمله هتكون كبيره والافضل من كل شيئ ان اساس الحمله شباب اللي هو احنا وكمان مضمون الحمله هيكون عن مشاكلنا احنا وان شاء الله هيتم الاستعانه بالمشاهير ولسه الموضوع ده موصلناش ليه
تفاصيل الحمله لسه موضعنهاش ان شاء الله في الاجازه هنوضعها

بالنسبه للنت الحمله هتكون علي اكثر من منتدي ان شاء الله وهنوسع علي قد مانقدر وكمان فيه موقع خاص بينا عشان نقدر نتحرك براحتنا

السلام عليكم

[طالب الهدى]

السلام عليكم ورحمه الله وبركاته

هو فى ايه ؟

عوز افهم انا اسف ( لانى قرات الموضوع اكثر من مره ومفهمتش اى حاجه)

على العموم ربنا معاكم.

[زهرة البنفسج]

ربنا معاكى يا ايمان وتوصلى كلامك وشعرك لكل الناس وان شاء الله هتوصلى عشان انتى بجد حد يستاهل دة