أمتى هاتحترم مصر أهلها

[حميد بدوى]

أمتى ها تحترم مصر أهلها؟؟؟
عملنا ثورةغيرت العالم
وكل حاجة عندنا لسه على وضعها
بيقولوا عليها أم الدنيا
وأنا بقول محروق أبو الدنيا وأمها

مش عايز حد يقولى العيب مش من البلد
العيب فى شعبها
وأنا بقولكم شعبها شاف الغلب
وشال الطين ولا حد قاله انت مين
وعاش غريب ومات غريب عنها
ولا عمرها قالتله أزيك
وكل يوم بتلعنه وبترفسه برجلها
وكأن هو عدوها
مع أنه طول عمره بيدافع عنها

ياريت ياناس حد
يكلمها ويفهمها و يقولها
ملعون أبو البلد اللى
ماتقدرش وما تحترمش
وما تعرفش قيمة شعبها

دا هو نبض قلبها
وهو أملها وضي شمسها
وبسمة عمرها
وحلمها وهو اللى هايبنى مجدها
وهو برضة اللى بيموت
كل يوم تحت عجلات قطرها
هو صحيح الموت من عند ربنا
بس الاهمال فى دمها

وكأن لا هى مننا ولا أحنا منها
ما أحنا اخر همها
وبقينا أرخص حاجة على أرضها
ياريت حد يكلمها ويقولها
أن أحنا خلاص زهقنا وفاض بينا منها
والصبر نفسه عايز صبر تانى عشان يصبرنا
على قساوة قلبها

الشاعر
عبد الحميد بدوى

[الأستاذ أحمد راشد]

تسلم ايدك

فعلا خلاص زهقنا

[حميد بدوى]

فعلا خلاص البلد جابت اخرها

[حميد بدوى]

أنا المتحدث الرسمى
بأسم الثورة الثوار
بداخلى يسكن الميدان

أنا الذى كتبت على باب عرفتى
منذ عشرين عاما
يسقط يسقط النظام
أنا الذى قلت أكتبوا على كل جدار
يسقط مبارك وجمال
أنا الذى لم أنافق يوما
ولم أتاجر يوما بالكلام

أنا الدمع فى بغداد
والجرح الذى لا ينتهى
فى فلسطين
انا أهم من حافظ ابراهيم
وصلاح جاهين
أنا هذا الشعب العربى الحزين
المكتوب على جبينه الغلب والفقر والقهر
على مدى الايام والسنين

أنا المقتول والمدبوح والمطرود المجروح والشهيد
أنا المكروه والمكروب والمغضوب عليه من كل السلاطين
أنا المواطن العربى المحلى الصنع والتركيب
أنا هذا الكائن الذى يعيش فى وطنه غريب
أنا لست لى أهل ولا ولد ولا ناقة ولا جمل
أنا المضحوك عليا من زمن
أنا الذى مازلت أبحث فى الوطن عن وطن جديد
وطن لا يتعامل بسياسة الاسياد والعبيد
وطن فيه المواطن هو السيد وهو الحلم وهو الامل الوحيد

الشاعر
عبد الحميد بدوى