يا ريت ضرورى ...امته بيزل تنسيق الكليات

[M..Elawady]

امته بينزل التنسيق اللى هو قبل ما تنسق ده

يعنى بينزل الكليات بتاخد من كام وكده


امته ده

ارجو الاهتمام

[GHOST_LioNeL AndRes MesS]

قصدك اجتماع المجلس الاعلى للجامعات ؟؟ على العموم هما هيجتمعوا تقريبا بكرة و النقابات هتحدد كم عدد الطلاب اللى كل نقابة عايزاها وبعدين يبدأوا المرحلة الاولى

[anamasry29]

المرحلة الاولي يوم الاحد تقريبا

[M..Elawady]

طيب تمام
دى معلومة كنت عاوز اعرفها
انما ف حاجه بتبقى قبل التنسيق يا نجم
يعنى بيقولوا مثلا هندسة هتاخد من كذا بحيث ان المرحلة الاولى تكون عرفت اللى جايب مجموع كام هيبقى ف المرحلة دى ولا لأ

فاهمنى

[طالبه الرضا من الله]

تقريبا بـكـره ان شاءالله ولو حد عارف اى جديد يقوووول

[DarkPrince]

بكرة ان شاء الله حسب ما قرأت على موقع كايرو دار لأنهم اصلاً اجتمعوا امبارح و هيقولوا الحد الادنى للكليات بكرة الصبح
ده اللي انا شوفتو

[M..Elawady]

طيب

ولازم نسحب الملف من المدرسة صح
عشان ناخد مش عارف ورقة ايه كده
والكلام ده

صح برده ولا ايه

يعنى لازم قبل يوم الاحد

[طالبه الرضا من الله]

انا كمان عايزه اعرف هل سحب الورق من المدرسه لازم قبل يوم الأحد ولا ايه ؟؟؟؟؟؟

[M..Elawady]

اه اكيييييييييييييييييييد ع معرفتى يعنى

والافضل بكرة ....لان اكيد الجمعة اجازة وممكن كمان السبت اجازة
يبقى لازم الملف موجود معانا قبل الاحد
عشان التنسيق وكده

[DarkPrince]

انا عن نفسي رايح بكرة اشوف الاخبار ف المدرسة
انا مش عاوز افتي بس متهيألي انتا تقدر تسحب ورقك طول ما المرحلة الاولى مستمرة و هيا مستمرة لحد يوم الخميس اللي هوا بتاع الاسبوع الجاي على ما اعتقد

[عاشقة الطفولة]

طيب يا جماعة امتي ها يعلنوا الحد الادني للمرحلة الاولى وهكذا ؟؟؟؟؟؟؟؟

[ميار عيسي]

لا هما بيعلنوا عن الحد الادني للمرحلة الاولي في الاول وبعدين حضرتك تكتب التنسيق بتاعك

ويوم نتيجة التنسيق بتعرف الحد الادني لكل كلية وفي نفس الوقت بتكون حضرتك عرفت دخلت كلية ايه