فيديوهات و معلومات عن مودرن أكاديمي - الأكاديمية الحديثة

[modern.academy1993]

سلام عليكم و رحمة الله وبركاتة،
أحنا جروب شغال في مودرن أكاديمي ولقينا أن في طلبة كثير بتسأل علي تخصصات الأكاديمية و المجموع و المصروفات و أسئلة تانية كثير و عشان كده حبينا نعرفكوا بالأكاديمية.

س1 :هل الأكاديمية معتمدة من وزارة التعليم العالي ؟
أيوة و ممكن تتأكد من موقع التنسيق الخاص بالحكومة المصرية :-
tansik.egypt.gov.eg/application/Dalel/index2.aspx

س2: أزاي أتقدم للأكاديمية الحديثة ؟
الأكاديمية ليها طابع تنسيق و لازم تكتبها في رغباتك و أنت بتقدم للتنسيق في أي مرحلة.

س3: أيه هو المجموع إلي بتقبلة مودرن أكاديمي في هندسة و حاسب و نظم و إدارة ؟
الأكاديمية مش هي إلي بتحدد المجموع للألتحاق بيها عشان هيا تبع التنسيق و الوزارة هيا إلي بتحدد المجموع كل سنة.

س4: طب هي المصاريف كام و مين إلي بيحدد المصاريف ؟
إلي بيحدد المصاريف الوزارة كل سنة و ممكن تعرف المصاريف من موقع التنسيق :-
tansik.egypt.gov.eg/application/Dalel/institutions/41.htm
بس السنه ديه المصاريف تقريبا هي :-
علوم حاسب : 9500 للترم
إقتصاد/ إدارة/ محاسبة : 900 جنية للمادة (نظام الساعات المعتمدة)
نظم المعلومات الإدارية: 8500 للترم

س5: هي الدراسة كام سنة ؟
الدراسة أربع سنين لعلوم حاسب و إقتصاد و إدارة و محاسبة و نظم معلومات إدارية.

س6: هي الدراسة بالعربي ولا بالإنجليزي ؟
كل التخصصات فيها برنامجنين واحد عربي و التاني إنجليزي فيما عدا علوم حاسب هو برنامج واحد إنجليزي بس لازم عشان تدخل إنجليزي تكون جايب علي الأقل 75% في الثانوية العامة في مادة اللغة الإنجليزية.
كمان في برنامج مشترك مع جامعة UDC بأمريكيا و لو دخلت البرنامج ده هيبقي كمان معاك شهادة معتمدة من أمريكا و البرنامج ده أسعارة رمزية جدا و الدراسة في مصر.

س7: طيب عنوان الأكاديمية فين و إزاي أروح أشوفها ؟
في مبنين للأكاديمية واحد في صقر قريش و ده عنوانة :-
304 المعادى الجديدة ، المبنى الجديد – الطريق الدائري بجوار كارفور.
والتاني قدام نادي الصيد علي الطريق الدائري بجوار كارفور.

س8: طيب فيه فيديوهات ممكن أشوفها عشان أعرف أيه هي الأقسام بتاعت الكلية ؟
أيوة و ديه كلمه لرؤساء الأقسام:-
تعريف لقسم نظم معلومات :-
youtube.com/watch?v=9RP5ZbpNZB0
تعريف لقسم علوم حاسب:-
youtube.com/watch?v=yrKdwKR3-6Y
تعريف لقسم إدارة أعمال:-
youtube.com/watch?v=4R8qRfIrANQ

س9: طيب فيه فيديوهات بتتكلم عن مميزات الأكاديمية ؟
أيوة ديه فيديو لعميد الأكاديمية و لنائب رئيس مجلس الإدارة:-
youtube.com/watch?v=NOF_-7Zba90
youtube.com/watch?v=Ak8wcUlR1Yo

س10: طيب مفيش فيديوهات للأكاديمية ؟ زي الكافيتريا و العيادة و قاعات المحاضرات ؟
أيوة وممكن تتفرج عليهم هنا من قبل ما تروح:-
youtube.com/watch?v=Pyhn0VyiN3o
youtube.com/watch?v=jRWXkA9t3Eo
youtube.com/watch?v=yRn5PxYZb2c
youtube.com/watch?v=pyiZwKNRR5A
youtube.com/watch?v=bkjWEJ3ax68
youtube.com/watch?v=HGL38Cq1WkU

س11: طيب هو في باصات للكلية ؟
أيوة في باصات بأشتراك مغطية كل أنحاء القاهرة الكبري.

س12: أزاي أتصل بالأكاديمية ؟
ممكن تتصل بالخط الساخن إلي هو 19049 لو عايز تستفسر عن إي حاجة تانية.

يا رب يكون الموضوع عجبكم و لو في أي سؤال تاني قولوه و أنا أزودة في قائمة الأسئلة.

[amal aly]

شكرا على المعلومات
انا كتبت لابنى فى الرغبات الاكاديميه رغبه اولى قسم محاسبه هو علمى رياضه و مجموعه 73%
لكن المشكله هناك ان مفيش اى تسهيلات فى السكن بالنسبه للطلبه المغتربين