الاخوان عايزين أية

[عبد الحميد بدوي]

الاخوان عايزين أيه ؟؟؟؟؟

الاخوان عايزين أية
وعاملين قلقل
وعايزين يحرقوا البلد
ومش راضيين يسكتوا
لحد دلوقتى ليه ؟؟؟؟
طيب أنا راضى ضميركم
مرسى يستاهل
أن حد فى الدنيا يزعل عليه
طيب اللى هايزعل
هايزعل ليه

أنا مش عارف ليه الاخوان
حتى الان
عندها أقتناع وايمان
أن مرسى راجع
أنا عايز أعرف
هايرجع أزاى يا ولاد الحلال
هو مرسى
كان بيحكم أصلا عشان يرجع
مرسى كان عايش فى التوهان
وياريت تصحوا بقى من الغيبوبة
أنتم كمان

والله لو الاخوان
بتحب البلد بجد
تعمل فرح
أحنا يا جماعة عايزين
رئيس بجد
مش ضيف شرف
الناس جابت أخرها
فى سنة بلاش قرف

يا جماعة لو حد عارف
أن مرسى عمل حاجة للبلد
وأحنا مش وخدين بالنا يقول
على طول
أنتم مداريين ليه ؟؟؟
الجماعة هاتموت نفسها عليه ؟
وبيقولك يا النصر يا الشهادة
واللى كتب وصيته
واللى بكلمه بيقول
أنتم بتعبدوا البيادة
استغفر الله العظيم
هى الناس كرهتكم من شوية
بجد بزيادة

طيب أنا عندى سؤال
أنتم لما كنتم فى الحكم عملتوا أية ؟؟؟؟
للمواطن الغلبان
غير ان الفقير
بقى أفقر مما كان
كل اللى عمله مرسى
أنه خلى الناس تترحم على ايام مبارك
وتقول دا كان وكان
وكفروا بالثورة والثوار
وجايين دلوقتى انتم تتكلموا
عن الحرية والاحرار
اقولك كان زمان

أنا مش عارف أنتم مكبرين
الموضوع كدا ليه
وبيقولك يكمل مدته
طيب والله العظيم سنة كتير قوى قوى عليه
أنتم عملتوا فى نفسكم اللى ماعملوش حد
أنتم اثبتوا للعالم أنكم أغبى مخلوقات ع الارض
ومش شاطرين الا فى المكبرة والعند
وكأن مفيش حاجة عندكم اسمها عقل
ياريت ترتحتوا شوية وبلاش وجع قلب
أمتى هاتفهموا ان الناس معدش عندها صبر
اقولكم اية كلوا بعض

الشاعر
عبد الحميد بدوى

[I don‘t care]

يا ترى الموضوع ده هيتحذف ولا هيفضل مادام بيشتم على الاخوان عادى