المعلمين بين الحد الادنى وعلاوة الغباء بقلم د/ عبد الرحمن المنياوى

[ebeedd]

اخواني المعلمين .. ----------------------- الحد الأدنى لما نزلوه على العاملين المدنيين اشترطوا ان لا يطبق على اصحاب القوانين او الكوادر الخاصة .. واحنا من هؤلاء .. يعني احنا خارج الحد الأدنى .. والوزير بتاعنا نزل العلاوة دي كتعويض لنا عن الحد الأدنى .. وهو شايف ان كده احنا أعلى من الموظفين العاديين لسبين الاول انهم هيقبضوا 340 جنيه حد اقصى لو هم ع الثالثة انما انت 425 على الثالثة كمعلم مساعد .. ثانيا هم حسبولهم اجمالي مرتباتهم ومكافآتهم .. لكن انت مكافأتك بره الحسبة .. اللي عمل البلبلة دي فقط هو تصريحات الوزير الرنانة بالمبالغ الخيالية اللي كان بيقول عليها ان المعلم المساعد بدون المكافاة هيوصل 1527 لكن الواقع ان المعلم المساعد دلوقت الشامل بتاعه 838 + 425 = 1263 جنيها .. يخصم منها الأعباء التأمينية وحصة الحكومة تلاقي مرتبك الصافي حوالي 1090 تقريباً .. اللي بنعمل عليه حالياً استغلال نقطة في قانون 155 لمعاملتنا مثل العاملين المدنيين في محاولة للضغط على الوزارة لتمتع المعلمين بالحد الأدنى كباقي العاملين المدنيين إضافة لعلاوة اعباء العمل اللي هي أصلا مشروطة ومش مستحقة للجميع .. يعني سعادتك كمعلم مساعد تعيين حديث ممكن يقولك مالكش فيها أقول له ليه يقولك هاتلي آخر تقريرين كفاءة !!!!!!! سيادتك تفاجأ إنك لمدة 3 سنوات لقدام مالكش العلاوة دي .. ليه 3 سنوات ؟؟ لأن أول تقرير كفاءة مش بياخد درجة كفؤ .. وانت محتاج تقريرين كفؤ .. والبس علشان خارجين .. لازم المعلمين يكونوا ايد واحدة وانا عندي اعتقاد ان الوزير عاوز يعمل حاجة لكن فيه ترزية قوانين شغالين في ديوان الوزارة كل همهم يلبسوا المعلمين في الحيط .. د.عبدالرحمن المنياوي

[الشيخ عليش]

يا ساتر استر

[الخاشعه]

يارب انصر المعلم المظلوم

[ahmedpp]

عجبتني طريقة طرح الموضوع بروح الفاكهة التي تجعلنا صامدين الي الان
وبرده حابب يكون المعلم الازهري له اسقلاله عن التربية والتعليم

[محمد على عبد النعيم]

احنا بنحلم

[Step By Step]

كلام جميل وموزون وفي نقطى كمان

جميع المعلمين خارج الحد الادني

لان احنا وصل اجمالي مرتباتنا 1200 جنيه فعلا