الفيزا كرب

[خالدبركات]

لقد تحولت مرتباتنا الي البنك والصرف من خلال الفيزا كارت
وذهبت الي البنك حتي اصرف مرتبي
وجدت اعداد غفيرة من الموظفين يصرفون مرتباتهم ووجدت طابور كبير جدا امام ماكينة الصرف
كان لازمته ايه العذاب ده وعطلنا دا انا والله العظيم ما عرفت اصرف بسبب الزحمة الشديدة
رجاء الغاء الفيزا اكارب دي ونرجع تاني لمندوب الصرف في المعهد
يعني الارحم ان واحد يصرف من البنك لكل 70 واحد ولا 70 واحد يروحوا البنك كلهم وما ادراك من زحام ماكينة الصرف
يا ناس انا رافض الفيزا كارت دي وارحمونا من التوابير هي مش ناقصة توابير

[Swift]

مش كفاية طابور العيش

[العشرى1020]

المشكلة انهم عملوا الفيزا بدون مايوسعوا فى المنافذ حتى يتمكنوا من الصرف بسرعة

[salahtola]

اكتب طابور ولا تكتب تابور ههههههههههههههههههه

[ابراهيم على حسن مصطفى]

والله يا جماعة نفس المشكلة عانيت منها اما الماكينات معطلة او لا توجد فلوس او تنتظر فى طابور طويل هذا بالاضافة ان اظن انهم مبطئين الماكينات لماذا لا يطالب الازهر بزيادة عد الماكينات

[Swift]

الناس رافضة موضوع الفيزا كارد ولو عملوا استطلاع راي الاغلبية مش هتوافق لان نظام الصراف مريح وامن وبسيط واقتصادي وعملي اما الفيزا طوابير وزحمة وماكينات بتعطل وكروت بتتحشر وستات بتاخد دورك يوم نزول الراتب عشان تحضر الغداء لاولادها وممكن تتسرق او تنسى الباسورد او الكارت نفسه يضيع او يبوظ وحلني لحد ما تطلع بدل فاقد ده غير ان الفلوس بتخلص من الماكينة وتستنى الموظف يملاها وحب الفضول من الغير انه ينط في قفاك ويعرف مرتبك كام او زميل يقولك خد فيزتي معاك اصرفلي المرتب والاحراجات من النوعية دي تحديدا بتعمل زعل والاهم ان في ناس بتضطر تسافر عشرات الكيلومترات لاقرب ماكينة وده شيء مرهق ماديا وبدنيا

من الاخر الفيزا قرف وعيوبها اكتر بكتييييييير من مميزاتها

[نور عمر2]

الصرف بالفيزا دا فين ياجماعة احنا منطقة كفر الشيخ مفيش الكلام دا

[خالدالنم]

حاول تختار الوقت المناسب ومع مرور الوقت ستتعود على الوضع الجديد

[Mr...Ahmed]

احنا مش بنحب التكنولوجيا ابدا

[نينو رودي]

إلى من عقب على كلمة تابور بأنها بالطاء أقول له الأصح أنها بالتاء فهي كلمة تركية وارجع إلى المعاجم تتأكد من صحة الكلام وشكرا على ملاحظتك لكن بلا سخرية من أحد

[محمد عاطف 22]

انا مش عارف بصراحه الناس كارها موضوع الفيزا ده ازاى. دى احسن حاجه حصلت فى الازهر من سنين.كفانا جهلا وتأخرا سنوات ضوئيه عن العالم. العالم الان يبحث عن التويتر والفيس بوك والواتس اب والفيبر وغزو الفضاء والالكترونيات التى غزت العالم فى جميع المجالات . الطبيه والعلميه والادبيه . انظروا ياساده الى ماتدرسونه للطلاب من كتب اليست هى من صميم التكنولوجيا . وعندما تذهب لطبيب ما لتعالج ولدك او نفسك او احد اقاربك وترى عياده مليئه بالاجهزه الحديثه .
رجاء اسألوا انفسكم ياساده هل وصل احمد زويل الى العالميه الا بدراسته لاهم واحدث مانتجته قرائح البشر من تكنولوجيا حديثه.
الا نخجل من انفسنا كيف لانستطيع ان نتعامل مع هاتف حديث او ماكينه للصرف الالى .
ياساده بالله عليكم ان كان قد فاتكم القطار فى مواكبه التكنولوجيا فلا تهملوا اولادكم وارسلوهم ليتعلموا ويدرسوا بل ويتقنوا كل مايتعلق بالعلم الحديث . وان كنت لاتقدر فاجعله يرى كيف ان الاطفال فى اليابان والصين يصنعون الماكينات العملاقه واجهزه الحاسب الالى والتابلت والساعات اجعلهم يشاهدون على اليوتيوب . ولا تكن هادما لامه قادمه بقولنا .....
ده تخلف ان انا اروح للفيزا كارد وعاوزين نرجع للصراف اللى كل شهر يغلط فى الفلوس ويطلع ناس سافرت
وناس سجنت او تكون فلوس مزوره كما حدث فى معاهد وهلم جر....
بالله عليكم ابقوا على تواصل مع العالم
انا بقالى اكتر من سنه اصرف بالفيزا .كفا بك ان تصرف من اى بنك على مستوى الجمهوريه لاقدر الله لوحدث حادث او طرأاى ظرف.
انا معهد الشمارقه الثانوى للبنين بس بصرف من المعهد اللى طلعت عليه الفيزا الخادميه . وصراحه اروع ماجلبه الازهر لنا.
لمن يريد الصرف الامن من الساعه 5 العصر الى 12 بالليل تكون الماكينات خاليه تماما

[خالدبركات]

الأستاذ الفاضل :- محمد عاطف , أحييك علي المشآركة الإيجآبية ولكن لي ملاحظان .. هي :
1- اعتراضنا ليس علي الفيزا والتكنولوجيـآ الخاصة بها , بل اعتراضنا علي اسلوب تطبيقها
2- الحكومة تطبق الفيزا دون توفير عدد كافي من ماكينات الصرف
3- هناك العديد من المعاهد والمدارس اللي تبعد عن ماكينات الصرف بـ20 كيلو متر او أكثر
4-يوم الصرف يحتاج يوم كآمل لإتمام عمليـة الصـرف بسبب الطوابير الكبيرة
آردت التوضيح وآشكرك علي المشاركه مرة ثآنية

[اسد اسد]

جزاك الله خيرا ،

[نسيــــــم الجنـــــــــة]

المشاركة الأصلية كتبت بواسطة نور عمر2

الصرف بالفيزا دا فين ياجماعة احنا منطقة كفر الشيخ مفيش الكلام دا

حضرتك اعتقد جميع المناطق بتصرف بالفيزا كارت

ممكن حضرتك ..

تسألى بالمنطقة او معهدك اممممممم ممكن المشكلة مع حضرتك فقط او معهدك

>>> الله اعلم ... بالتوفيق ان شاء الله

[مستر طاهرغزاله]

وحشني يا خلوووووووود اية اخبارك ولك تحياتي واشواقي عموما الفيزا لسة مجتش عندنا يعني لو كنت لسة عندنا كان فاتك لسة يدوي امال الارياف والقري اللي زينا هيعملوا اية لما تيجي الفيزا وبعدين الفيزا مالها بالتقدم والتخلف المهم الراحة (وراحة الانسان منتهي الرقي والتقدم)