ابن عمك مش زى اخوكى وتصدقى بردة ابن خالك مش زى اخوكى

[سارة عطالله]

غلطه يقع فيها الكثير من الاخوات بره البيت احترام والتزام وحجاب كامل
وجوه البيت طبيعى انها بتاخد راحتها

فين المشكله؟؟؟

المشكله انها بتحط فى دماغها انها طول ما هيه جوه البيت هيه براحتها طول ما هيه مخرجتش بره البيت فهيه تبقى براحتها
يعنى لما تقف تنشر الغسيل فى البلكونه بشعرها هيه فى بلكونه البيت
يعنى تبع البيت مش فى الشارع

وبردة لو خالو ولا عمو معزومين ومعاهم ابن خالو وابن عمو الى قدى فى السن مفيش مشاكل يعنى لو شعرى باين ولا قاعده بالبيجامه عادى ماهو فى نطاق البيت
لكن لو فى الشارع لا ازاى مينفعش


ابن خالك مش اخوكى وابن عمك مش اخوكى

البيت مش نقعد فى براحتنا فى كل الاوقات

محارمك هم زوجك اخوتك الوالدين
الاعمام والاخوال
والدى زوجك
فقط