شغل مية المية

[ابراج الثريـــا]

السلام عليكم ورحمة الله وبركاته

صراحة انا مش عارفة ابدأ من فين

انا ذهلت لما لقيت المنتدي اتغير اوي كده .....انا اخر مرة دخلته كان من سنتين لما كنت ف تالتة ثانوي وصراحة فجأني وأزهلني المستوي الي وصل عليه المنتدي ما شاء الله

و أدهشني اكتر الشغل الجبار المبذول لخدمة طلبة الجامعات وغيرهم وطبعا ثانوية عامة اكيد يعني ...انا كنت فاكرة انه بما ان المنتدي اسمة ثانوية عامة يعني عمره ماحيتطرق لموضوع الجامعة ده خالص

وسبحان الله وانا ببحث في الجوجل عن قاموس المصطلحات العلمية لقيته ف المنتدي هنا فاستغربت كتير

ولقيت بقي الدنيا شغالة ما شاء الله علي ودنها وانا ولا هنا ....بذات كلية العلوم (اللي هيا كليتي طبعا) فيها حاجات مكنتش احلم بيها صراحة((واحلي حاجة موضوع تشريح الضفديعة)) ...علما بأني أنا تانية قسم بيولوجي

انا طولت ورخمت وغلست بس صراحة ده كله يعتبر نقطة من بحر من اللي انا جواية ونفسي اقوله

تحية خاصة لمشرف كلية العلوم **star** وباقي الاخوة والاخوات اللي شغالين ف المنتدي

ولو حد عاوز اي حاجة انا تحت امره ..الحمد لله انا بحب الكلية جدا وبحب الدراسة اوي وان شاء الله اكون عند حسن ظنكم

والسلام عليكم ورحمة الله وبركاته

[***star***]

الف شكر علي الكلام الجميل ده كله....وياريت تكوني معانا في القسم ونشوف منك موضوعات جميله....

[اذكر الله]

اهلا بيك معانا فى منتدانا الغالى على فكرة المنتدى اتطور على الاخر بقى فية ابتدائى واعدادى وثانوى وجامعات وخارجين كمان دة غير طبعا الاقسام الاخرى وهم سموة ثانوى لانة مرحلة فاصلة بين اللى فات واللى جاى او هى بالمعنى الاصح الا ساس بتاعنا ومنتظرين مشاركاتك معانا ان شاء الله