عشان تحسوا بالنعمة اللى إحنا فيها<<<<<<مقارنة بين أوباما واللى بالى بالكوا

[د/ ماجدولين]

منذ أيام انتهت الأنتخابات الئاسية الأمريكية بفوز المرشح الديموقراطى الملون (باراك أوباما)
فجأة كدة الواحد وبدون وعى أو إرادة عمل مقارنة بين الإنتخابات الأمريكية والتزكية المصرية فى الإنتخابات الرئاسية
الواحد لاقى ان مصر نعمة كبيرة جدااااااا جدااااا جداااااا
مش مصدقنى
طب تعالوا نفكر مع بعض بصوت عالى
أمريكا,,,,أمة مفرقة وممزققة ومشتتة لاتجتمع على قلب رجل واحد وأكتر من حزب ليهم وزنهم فى البلد
ومختلفين عرقيا ودينيا وبينهم ضغائن وأحقاد والدليل أن التكهنات الى آخر يوم فى الإنتخابات لم تستطع التنبؤ بالفائز..............عالم معندهاش قرار
____________________
مصر,,,,,أمة واحدة على قلب رجل واحد
(الهلال ويا الصليب مصر يا وطنى الحبيب)
لدرجة ان احنا من قبل انتخباتنا بتلات سنين عارفين مين اللى هيفوز.......شوفوا الوحدة والإستقرار
_____________________
أمريكا,,,,, تحدث مناظرات بين المتنافسين على الكرسى الرئاسى ليعرض كل منهم وجهة نظرة
ودة حاجة مش كويسة يا جماعة لأن الجدال شيئ غير مستحب ويؤدى للوقوع فى الخطأ ومالا يحمد عقباة
وبيخلى الناس تجيب فى سيرة بعض بحاجات مش لطيفة
_____________________
مصر,,,,,سيبك انت بلا مناظرات بلا بتنجان المهم اللى فى القلب
_____________________
أمريكا,,,,,,ناس فشلة بجد أوباما فاز بنسبة 53% يعمل بيهم اية دول؟؟؟!!!!!
يدخل معهد خدمة اجتماعية.........آة يا فاشل
_____________________
مصر,,,,,,ماشاء الله اللهم لاحسد 99.99999%
دة أحنا على كدة المفروض ناخد نوبل
____________________
أمريكا,,,,الشعب بتاعها متشحطط يعينى ويدور ويجرى ورا كل مرشح فى الولايات ويشوفهم فى التيلفزيون لغاية لما الناس سابت أشغالها واقتصادهم انهار (هو دة السبب فى الأزمة العالمية)
__________________
مصر,,,,,,مرشح اية دة اللى يروح المحافظات
هى كفاية ربع ساعة كلام فى التلفزيون من باب جبر الخاطر عشان الشعب يروح يشتغل ويحافظ على اقتصادة وهو دة سبب صمود الإقتصاد المصرى فى وجهة الأزمة العالمية
__________________
أمريكا,,,,الشعب بيطلع فى عز البرد والمطر للتصويت (صوتك أمانة) شوفتوا العذاب
_________________
مصر,,,,,,وربنا ما أنت قايم من بيتك يا راجل
رئيس اللجنة هيعمل الواجب وخليك أنت متستت فى بيتك
__________________
أمريكا,,,,لايمكث الرئيس أكتر من فترتين رئاسيتين ودة بيدل على عدم نضج الشعب الأمريكى لدرجة تكفية أن يختار رئيسا لمدة طويلة فكل شوية يغيروا كلامهم
والراجل اية غير كلمة؟؟؟!!!!!
____________________
مصر,,,,,,,أجدع رجالة وراك ياريس من المهد الى اللحد
_____________________________________

أكمل ولا كفاية كدة
شوفتوا بقى يا جماعة قد اية احنا فى نعمة ومش حاسين بيها
آآآآآآآآآآآآآآةةةةةةةة يا بلد
ووصيتى يا جماعة.....صورتى الرمزية محدش يشيلها
دمتم فى رعاية الله