يا طالب الثانوية العامة مارايك ان تدخل كلية الزراعة؟

[مشتاقة لرضا الله]

السلام عليكم ورحمة الله وبركاته
يارب تكونوا بخير جميعا
وكل سنة وانتوا طيبين
المهم انا عايزه اسئلكم شوية اسئلة ( اه تحقيق حد عنده اعتراض:abdoog8
يلا نبدأ


ايه رايكم فى كلية الزراعة
هل تقبل تدخلها ؟
لو كنت جايب مجموع كبير تقبل تدخلها؟
ولو كنت جايب مجموع مش كبير هتدخلها ولا تفضل تجارة او حقوق او تربية مثلا ؟
انا كلامى مش موجه لطلبة الثانوية فقط
انما انا بسال كل الناس
انت تقبل انك تدخل كلية زراعة لو اتاحت ليك الفرصة.
لو تلاحظوا انى ماقلتش رايى فى الموضوع اصلا
لكن انا عايزة اعرف رايكم وبعدين نبقى نتناقش فى الموضوع
وياريت اللى هيقول اه او لا يشرحلنا وجهة نظره

[Dr. Toka]

نا لن اقبل هعمل بيها يه معتقدش انها ليها مستقبل زى السن او اعلام او حتى تجارة متهيألى انها ملهاش مستقبل اصلا

[مشتاقة لرضا الله]

المشاركة الأصلية كتبت بواسطة tota*

نا لن اقبل هعمل بيها يه معتقدش انها ليها مستقبل زى السن او اعلام او حتى تجارة متهيألى انها ملهاش مستقبل اصلا

بشكرك على ردك ياتوتا
بس هقولك حاجة الكلية دى من أهم كليات العالم فعلا
وبالنسبة لمستقبلها فهى فى الحقيقة ليها مجالات كتير للعمل والمفروض ان البلاد اللى عايزة تتقدم تبدأ تهتم بالزراعة قبل اى شئ
لان دلوقتى كل الدول المتقدمة بتهتم بالزراعة والمواد العضوية وببتجه للزراعة الطبيعية بدون مبيدات فى حين اننا لسه مش عاجبانا كلية الزراعة (مش قصدى انتى يعنى) انما كل الناس واخدين فكرة وحشة جدا عن الكلية
لكن ربنا يصلح الاحوال
وبشكرك تانى على ردك

[thechampion]

لا الناس بتدخلها بسبب المجموع القليل؟؟؟؟؟؟؟

[مشتاقة لرضا الله]

المشاركة الأصلية كتبت بواسطة nano2222

لا الناس بتدخلها بسبب المجموع القليل؟؟؟؟؟؟؟

ماهى هى دى المشكلة
انا نفسى الناس تحس بأهميتها
المفروض ان الكلية دى تبقى اعلى من كليات القمة لانها مهمه جدا
ان شاء الله هابقى اعمل موضوع هكتب فيه المواد اللى بندرسها فى الزراعة
وانتوا تحكموا ان كانت مهمه ولا لاه
بجد نفسى الناس تغير رايها فى الكلية دى

[thechampion]

ده عيبنا
انتم اللى بتاكلونا واحنا حاليا عاله على الفلاح اللى بيزرع
تخيلوا لو 20مليون زرعوا كمصر زى مابيقولوا

[مشتاقة لرضا الله]

المشاركة الأصلية كتبت بواسطة nano2222

ده عيبنا
انتم اللى بتاكلونا واحنا حاليا عاله على الفلاح اللى بيزرع
تخيلوا لو 20مليون زرعوا كمصر زى مابيقولوا

فعلا الشعب المصرى كله عاله على الفلاح
والمساحة المزروعة اصلا فى مصر قليلة جدا
يبقى لازم نهتم بالكلية دى ولا لاه؟

[AGRONOMIST]

سلامو عليكو
انا بلا فخر في كلية الزراعة
لكن فكرتي عنها اتغيرت كتير بعد ما دخلتها
زمان مش كنت احبها خالص
لكن بعد ما دخلتها بقيت اتشرف اني في كلية الزراعة
سلام

[Rambo_Uranium]

المشاركة الأصلية كتبت بواسطة tota*

نا لن اقبل هعمل بيها يه معتقدش انها ليها مستقبل زى السن او اعلام او حتى تجارة متهيألى انها ملهاش مستقبل اصلا

مع احترامى لحضرتك
اللى ميعرفش يعنى ايه كلية الزراعة ميتكلمش
احنا 2 اصعب كلية فى مصر بعد كلية العلوم
احنا اكتر ناس بندرس مواد مختلفه عن بعضها نهائيا .
لو هتكلم عن كليتى كلية الزراعه جامعه عين شمس
انا عندى القسم الاقتصاد لوحده قد اى كلية تفكرى تدخليها .,
عندنا فى الكلية مصنع انتاج البان ومربى فى قسم علوم الاغذيه .
عندنا مزارع سمكية عندنا
منحل عندنا قسم خاص ووحدات انتاج عيش الغراب .
لو حضرتك هتتكلمى عن المستقبل فده بأيد ربنا بس والفاشل او المحبط هو اللى بيقول مفيش شغل او ملهاش مستقبل مع احترامى للجميع .
انا داخل زراعه وبكل قناعه ان انا صح
مع ان مجموعى كان يسمح انى ادخل تجارة وحقوق واداب والكلام ده .
والحمد لله على كل شيىء
شكرااااااااااااااااااااااااا

[Rambo_Uranium]

شكرااااااا يامشتاقة على موضوعك الجميل
وانا برده افتخررررررررررررررررررررررررررررررررررررررررررياجر وند ميست انى فى كلية الزراعة .
واللى يحب يتحدانا فى الكيمياء او الفيزياء او الاحياء او الطبيعة البحتة او الزولوجى او الوراثة او البوتانى يتفضل
انا مستنى الردود
شكرااااااااااااااااااااااااا

[مشتاقة لرضا الله]

شكرا يا AGRONOMIST على ردك
اكتر حاجة عجبتنى كلمة اتشرف انى فى كلية الزراعة لانها بجد كلية تشرف اى حد
وشكرا لردك المستفاض يا Rambo_Uranium
وبما اننا كلنا زراعة نحاول بقى نغير الفكرة اللى الناس واخدينها عن اهم كلية فى العالم
بامانة الكلية دى مش واخده حقها يعنى غير ان مجموعها قليل الناس شايفه ان ملهاش لزمة نفسى افهم ليه؟

[love_princess]

تسمحولي يا جماعه اني اقول رايي مش المهمانت جبت كام في الثانويه العامه ومش المهم انت في كليه ايه والمهم انت تقدر تقدم حاجه باللي انت بتاخده ديه للمجتمع ولا لا يااما في طلبه اتخرجوا من طب وطلعوا دكاتره فشله وياما ناس اتخرجوا من صيدله واشتغلوا في الادويه المخدره وياما مهندسين هدموا بيوت وموتوا اطفال اي كليه تفيد هي كليه قمه ماتفرقش صيدله من تجاره من زراعه المهم انك تقدر تفيد وتستفيد

[مشتاقة لرضا الله]

المشاركة الأصلية كتبت بواسطة love_princess

تسمحولي يا جماعه اني اقول رايي مش المهمانت جبت كام في الثانويه العامه ومش المهم انت في كليه ايه والمهم انت تقدر تقدم حاجه باللي انت بتاخده ديه للمجتمع ولا لا يااما في طلبه اتخرجوا من طب وطلعوا دكاتره فشله وياما ناس اتخرجوا من صيدله واشتغلوا في الادويه المخدره وياما مهندسين هدموا بيوت وموتوا اطفال اي كليه تفيد هي كليه قمه ماتفرقش صيدله من تجاره من زراعه المهم انك تقدر تفيد وتستفيد

كلام سليم جدا
لكن التحقير من كليات الزراعة فى مصر ده امر مقصود ومتخططله بعناية جامدة جدا
هما مش عاوزين حد يهتم بالزراعة عشان نفضل تحت رحمة الغرب اللى بياكلونا
يعنى لما نستورد القمح اللى هو اساس الاكل يبقى احنا تحت رحمة مين
كل الدول المحترمة اللى عايزة ترفع راسها ويبقى عندها كرامه هى اللى بتاكل نفسها
انما احنا عمالين يقولولنا الزيادة السكانية والارض الزراعية مش مكفية ومش عارف ايه
هما اللى بوظوا الارض اصلا وهما اللى عمالين يخربوها اكتر واكتر ويرجعوا يقولوا الزيادة السكانية
بجد حاجة تغيظ وتحرق الدم
يعنى كلية الزراعة فى الدول اللى عايزه تتقدم بجد تلاقيها من اعلى الكليات فى المجموع والاهتمام بيها عالى جدا
انما احنا بنعتبرها كليه كده تحصيل حاصل لانهم منزلين مجموعها جدا عشان محدش يفكر يدخلها اصلا
حسبى الله ونعم الوكيل

[yoo0ssef]

بسم الله الرحمن الرحيم
من وانا فى 2 ثانوى اخترت علمى متأدب عشان اخش كلية الزراعة
وبالمناسبة كليات الزراعة كلها السنة اللى فاتت ارتفع مجموعها يعنى مفيش ولا كلية كان تنسيقها 205 زى السنوات السابقة
وكلية زراعة القاهرة كانت 205 فى 2007 وبقت 247.5 فى 2008
صحيح برده قليل
بس الصراحة ان قيمة الكلية مش فى المجموع وربما 10 يدخلوها يعملوا شغل 1000
---
صح انا عندى سؤال ليكم يا طلبة كلية زراعة
الاقسام عندكم كتير اوى يعنى قسم للخضراوات وقسم للافات وقسم للفاكهة وهكذا
انا شايف ان دى مشكلة
ولا ايه رايكم
وانا سمعت ان الاقتصاد الزراعى بيدرس كل حاجة
افيدونى

[eslam_2009]

كلية الزراعة كلية جامدة جدا بس انا الصراحة مش عايز ادخلها لانى عايز اخش كلية بتدرس لغات
انا ابن عمى خريج زراعة وكان طالع التانى على الدفعة واشتغل علطول فى البحوث الزراعية وبعد كده سافر السعودية بعقد عمل وبياخد فلوس كتير هناك وكل ده عشان كان متفوق فى الكلية
وعلى فكرة مش اى كلية بتاخد من مجموع قليل بتبقى وحشة يعنى مثلا كلية الاثار كلية بتاخد من 93 و 94 ومبيلاقوش شغل فى الاخر