رابطة طلاب هندسة طنطا

[eng7oudash]

السلام عليكم و رحمة الله و بركاته

ان شاء الله الموضوع هنا هيبقى خاص باى حاجة تخص هندسة طنطا

معلومة او استفسار للى يحب يشار ك

*************************

بسم الله نبدأ

أول حاجة كام صورة للكلية

دى صورة من موقع الجامعة

دى صور انا مصورها

مبنى المعامل و الورش

مبنى عمارة

فى كمان فيديو للكلية كان مصمموا طلبة من الكلية ... بس قديم شوية ... مكنش فيه غير مبنى المعامل و الورش

تقدروا تحملوه من هنا كمان

*************************

تانى حاجة بقى .. نيجى لتعريف الكلية

صــدر قرار السـيد رئـيس مجلـس الــوزراء رقــم 1142 بتـاريخ 25/11/1976 بإنشاء كلية الهندسة ضمن كليات جامعة طنطا و الواقعة بمدينة طنطا و منذ ذلك التاريخ و حتى مارس 1988 تشكلت لجان و اجتماعات تضم السادة عمداء كليات الهندسة و أعضاء لجنة القطاع التعليمي الهندسي.
و قد تم اختيار مبنى مؤقت ليكون مقراً مؤقتاً لكلية الهندسة على أن يكون المبنى الدائم لكلية الهندسة بأرض الجامعة منطقة سبرباى على مساحة 30فدان ,و قد اتخذت الإجراءات لتعيين أعضاء هيئة التدريس و معاونيهم بكلية الهندسة. قرار مجلس الجامعة فى 29/8/1990 حيث وافق على بدء الدراسة بكلية الهندسة جامعة طنطا بفرع الجامعة بكفر الشيخ و ذلك اعتباراً من العام الجامعي 90/ 1991.
و قد وافق مجلس الجامعة بجلسته المنعقدة في 18/ 9/1991 على بدء الدراسة بكلية الهندسة بمدينة طنطا بقسمى العمارة و المدني للفرقتين الإعدادي و الأولى في العام الجامعي 91/1992.
تـم تنفـيذ مبنى ورش و معامل الكلية بأرض الجامعة بسبرباى و نقل الكلية إليها اعتبـاراً مـن العام الجامعي 97/98.
صدر قرار وزير التعليم العالي و الدولة للبحث العلمي رقـم 828 بتاريخ 13/8/ 1997 بشأن اصدار اللائحة الداخلية لكلية الهندسة جامعة طنطا مرحلة البكالوريوس.

عميد الكلية : ا.د / عبد الواحد محمود عصر
العنوان: كلية الهندسة -سبرباى - طنطا - محافظة الغربية
تليفون: 3315861/040
البريد الإلكترونى : eng.dean*tu.edu.eg

اضافة : ..تم انشاء مبنى عمارة بعد كدا .. و دلوقت مكتب العميد موجود فيه و جارى انشاء مبنيين واحد لاعدادى و التانى لمدنى

*************************

دلوقت بقى نتكلم عن الأقسام

بعد اعدادى بيبقى قدام الطالب اربع اقسام

( كهرباء - مدنى - عمارة - ميكانيكا )

• الهندسة المعمارية: و تبدأ الدراسة بها اعتباراً من الفرقة الأولى و حتى الفرقة الرابعة.

• الهندسة المدنية: و تبدأ الدراسة بها اعتباراً من الفرقة الأولى ثم تتشعب الدراسة اعتباراً من الفرقة الثالثة إلى تخصصين:
  • الهندسة المدنية.
  • الهندسة المدنية(هندسة إنشائية).

• الهندسة الكهربية: و تبدأ الدراسة بالفرقة الأولى (هندسة كهربية) ثم يتخصص الطالب اعتباراً من الفرقة الثانية في أحد التخصصات:
  • هندسة القوى و الآلات الكهربية.
  • هندسة الالكترونيات و الاتصالات الكهربية.
  • هندسة الحاسبات و التحكم الآلي.

• الهندسة الميكانيكية: و تبدأ الدراسة بالفرقة الأولى(هندسة ميكانيكية) ثم يتخصص الطالب اعتباراً من الفرقة الثانية في أحد التخصصات:
  • هندسة الإنتاج و التصميم الميكانيكي.
  • هندسة القوى الميكانيكية.

*************************


انا تقريبا كدا خلصت الكلام الرسمى

شوية دردشة بقى

احنا قلنا ان الكلية ديوقت فيها مبنين شغالين .. و اتنين بيتبنوا

طلبة اعدادى غالبا بيدرسوا فى مبنى المعامل و الورش .. لان ده هو اللى فيه المدرجات

طلبة ميكانيكا .. هما اصحاب مبنى المعامل و الورش .. و مبيخرجوش منه

طلبة عمارة .. هما اصحاب مبنى عمارة .. و تقريبا برده مش بيخرجوا منه

طلبة مدنى .. شوية هنا و شوية هنا .. و عايشين

*************************

بالنسبة للتنسيق بعد اعدادى

فأنت مش محتاج اكتر من 60% عشان تدخل القسم اللى انت عاوزه

اعلى قسم بيبقى كهربا .. ثم مدنى .. ثم عمارة ... و الاخير ميكانيكا

لكن أفضل قسم من حيث العلم .. هو قسم مدنى

مكان شئون الطلاب فى مبنى المعامل و الورش

لكن مكتب العميد فى مبنى عمارة

ممممممممممم ... مفيش حاجة حاضرة فى ذهنى تانى دلوقت

بس ان شاء الله نتكلم م بعض فى كل حاجة

تم بحمد الله

*************************