اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > المجموعة العلمية > كلية الطب البيطرى

إضافة رد
 
أدوات الموضوع انواع عرض الموضوع
  #1  
قديم 10-09-2009, 02:45 PM
الصورة الرمزية SENDRILLA
SENDRILLA SENDRILLA غير متواجد حالياً
طالبة جامعية ( كلية الطب البيطرى )
 
تاريخ التسجيل: May 2007
المشاركات: 1,585
معدل تقييم المستوى: 0
SENDRILLA has a little shameless behaviour in the past
افتراضي

اولا المواد
بصوا مبدئيا انتو عندكو في سنه اولي التيرم الاول 7 مواد
هستولوجي واناتومي ورعاية حيوان ولغه وحاسب الي وبيولوجي وبيوفيزيكس
ناخدهم واحده واحده كده
الهستولوجي :
ماده لذيذه جداااااااا
النظري بتاعها في التيرم الاول عباره عن انواه الانسجه اللي في الجسم
كل دكتور هيدخل يشرحلكو نسيج منهم
وطبعا كله بالانجليش
العملي بتاعها سكشن ساعتين كل اسبوع والدكتور بيدخل يشرحلكو ملخص كده للنسيج اللي خدتوه في النظري وبعدين تشوفو 7 عينات تقريبا وترسموهم في الكتاب باقلام ازرق واحمر خشب
ومذاكرة الماده في التيرم الاول حلوه جدا من كتاب دكتور سمير الشافعي واطلس د.جهاد
وفي ناس بتفضل الاطلس مع كتاب القسم بتاع د. مختار
انا بقي كنت بذاكر من ال3 واحيانا معاهم ورق
_____________________________
الاناتومي :
ماده برده مش بطاله
هتاخدو فيها في التيرم الاول القدم الاماميه والخلفيه لحيوان نموذجي وهو الحصان
ده العملي
النظري بقي حاجات كلها في جسم الحيوان وبرده كنموذج الحصان
بس مش فاكره الموضوعات بالظبط بصراحه
لكن المره الجايه اكون لقيت الكتاب واشوف
والمذاكره غالبا من ورق بينزل في المكتبات وبيبقي ملخص
وعلي حسب الورق اللي بترتاحيله تمام
والنظري سكشن كل اسبوع 3 ساعات بس يعني ممكن تاخدو ساعتين بس والساعه يا اما تراجعو فيها اللي خدتوه في السكشن ده واللي فات يا اما غالبا بتعدو تضحكو وتهزرو اصل جو المشرحه لذيذ اوي
________________________________
رعاية الحيوان :
النظري بتاعها بتاخدو الحصان مثلا وتاخدو كل حاجه عنه
6 حيوانات او 7 وكل حاجه عنه وكل دكتور بيدخل يشرح حيوان من اوله لاخره
وبتتذاكر من المحاضرات
العملي بتاخدو في الكليه الجديده
نص السكشن تقريبا نظري عملي والباقي عملي ع الحيوان
وبرده بيتذاكر من السكاشن وممكن ورق مساعد يعني
__________________________________
البيولوجي:
ينقسم ل2
زولوجي وبوتاني
الاتنين ازبل من بعض
يعني هما مش صعبين بس المشكله انكو مش هتبقو عارفين تذاكرو منين
بس في ورق بينزل في الاخر كده مراجعات نهائيه هيظبطكو
والعملي هتتقسمو مجموعتين مجموعه تاخد زولوجي الاول 6 اسابيع والتانيه بوتاني وتبدلو بعدين
وبتاخدوها في علوم
_____________________________________
بيوفيزيكس او فيزياء حيويه:
ودي برده في علوم
وهتعدو طول السنه بتحاولو تفهمو الدكتوره بتقول ايه
غالبا مش هتعرفو يعني بس حاولو
وفي ناس كتير بتفهم يعني زيي كده الحمد لله
بس اللي ظبطنا مراجعه برده كده مع الدكتوره وجبت فيها جيد جدا
والعملي بتاعها 8 تجارب تقريبا وهتشتغلو واحده فيها في امتحان العملي
______________________________________
عنجليزي :
بتبقي محاضره كل اسبوع وانصحكو انكو تحضروها
وفي الاخر الدكتور بتشوف حد كان بيكتب وراها كل حاجه وتقولله ينزللها في المكتبه والدفعه كلها تصورها
ومن السهل تقفيلها لو عندكو خلفيه عن الانجليش من ثانوي واعدادي وكده
_____________________________________
حاسب الي :
وده سمعت انه اتلغي من عليكو
بس يعني هنقول انها ماده مش كتير بينجحو فيها
مش لحلجه غير لان الدكتره مزاجها كده
بس سمعت ان الدكتوره دي مسكت منصب في كليتها
وبالتالي اللي هيديكو المعيدين
لو المعيدين اللي هيدوكو يبقي ان شاء الله اضمنو امتياز
لان الماده هايفه جدا
بس الدكتوره مكانتش حتي راضيه تعرفنا احنا خدنا ايه في الكتاب ومخدناش ايه



يااااااه
ايدي وجعتني اوي من الكتابه
بس يارب تكونو استفدتو
وعلي فكره اول 3 مواد ب 100
والباقي ب 50
يعني مجمل التيرم 500 درجه
ومش هنقبل باقل من امتياز سامعين
وربنا يوفقكو
وان شاء الله الحلقه الجايه يا اما تختارو انتو موضوعها
يا اما لو تحبو انا اكلمكو في حاجه تانيه
والسلام عليكم ورحمة الله
__________________
Veterinarian and proud to be so
Veteriner ve gurur kadar olmak
Vétérinaire et fier de l'être

Veterinario e fieri di esserlo
رد مع اقتباس
  #2  
قديم 10-09-2009, 07:33 PM
الصورة الرمزية Hamset_Etab
Hamset_Etab Hamset_Etab غير متواجد حالياً
طالبه جامعيه (كليه طب بيطرى )
 
تاريخ التسجيل: Jun 2008
المشاركات: 592
معدل تقييم المستوى: 17
Hamset_Etab is on a distinguished road
افتراضي

اقتباس:
المشاركة الأصلية كتبت بواسطة sendrilla مشاهدة المشاركة
تشوفو 7 عينات تقريبا وترسموهم في الكتاب باقلام ازرق واحمر خشب


يا راجل!!!!
هو انا هرسم تانى
ده ربنا عداها على خير فى الاحياء بس مش كل مره تسلم الجره
_____________________________



البيولوجي:
ينقسم ل2
زولوجي وبوتاني
الاتنين ازبل من بعض
احلى حاجه فيكى الصراحه
_____________________________________
بيوفيزيكس او فيزياء حيويه:
وهتعدو طول السنه بتحاولو تفهمو الدكتوره بتقول ايه
غالبا مش هتعرفو يعني بس حاولو
طيب كويس انى عرفت
بس المهم الفيزياء دى مش زى بتاعه ثانوى مش كده؟؟؟؟؟؟
______________________________________

حاسب الي :
ودهبس يعني هنقول انها ماده مش كتير بينجحو فيها

ماشى يا حجه ادعيلنا نعدى والنبى

يااااااه
ايدي وجعتني اوي من الكتابه
لا الف سلامه
بس يارب تكونو استفدتو
كتير اوى شكرااااااااا ليكى

ومش هنقبل باقل من امتياز سامعين
يسمع منك ربنا
وان شاء الله الحلقه الجايه يا اما تختارو انتو موضوعها
يا اما لو تحبو انا اكلمكو في حاجه تانيه
اختارى انتى حاجه كده على ذوقك
بس طلب صغير
ايه حكايه الكليه الجديده والقديمه دى
انا مش فاهمه حاجه خالص

والسلام عليكم ورحمة الله
وعليكم السلام ورحمه الله
رد مع اقتباس
  #3  
قديم 10-09-2009, 07:40 PM
الصورة الرمزية SENDRILLA
SENDRILLA SENDRILLA غير متواجد حالياً
طالبة جامعية ( كلية الطب البيطرى )
 
تاريخ التسجيل: May 2007
المشاركات: 1,585
معدل تقييم المستوى: 0
SENDRILLA has a little shameless behaviour in the past
افتراضي

اقتباس:
المشاركة الأصلية كتبت بواسطة Hamset_Etab مشاهدة المشاركة
وعليكم السلام ورحمه الله
بصي يا قمر
فتحي مخك معايا كده
الكليه القديمه دي في ميدان الجيزه
جنب زراعه
في شارع الجامعه
ومؤخرا حطو يافته كده منور عليها اسم الكليه قبل كده بقي كنا بنعرفها بالشبه
الكليه الجديده
جنب مستشفي الطللبه والمدينه الجامعيه
علي نفس الصف يعني
احنا خدنا سنه اولي كلها في الكليه القديمه ماعدا سكاشن الرعايه كنا بنروح الكليه الجديده ناخدها
سنه تانيه من المفترض اننا نبقي في الكليه الجديده
لكن سمعت يعني انهم هيخلو سنه اولي في الكليه الجديده عشان نضيفه ولذيذه واحنا نكمل السنه دي في الكليه القديمه
علي اساس ان انتو علي راسكو رييشه
بالنسبه للكلام اللي قلتهولك علي مواد علوم يعني
والله انا ماقصدش اعقدكو
ده فعلا اللي بيحصل
بس ده ميمنعش اني الحمد لله جبت امتياز التيرمين ومرتبه علي الدفعه برده في التيرمين
بس هتلاقو نفسكو تايهين في الاول بس هتتظبطو في الاخر
وانا بس اما اتعرف عليكو هبقي اديلكو المفيد من الورق
عشان مش كل شويه رايحه فين رايحه المكتبه جايه منين جايه من المكتبه
واحنا في الخدمه يعني يا همسه
__________________
Veterinarian and proud to be so
Veteriner ve gurur kadar olmak
Vétérinaire et fier de l'être

Veterinario e fieri di esserlo
رد مع اقتباس
  #4  
قديم 11-09-2009, 11:59 PM
الصورة الرمزية SENDRILLA
SENDRILLA SENDRILLA غير متواجد حالياً
طالبة جامعية ( كلية الطب البيطرى )
 
تاريخ التسجيل: May 2007
المشاركات: 1,585
معدل تقييم المستوى: 0
SENDRILLA has a little shameless behaviour in the past
افتراضي

ازيكو يابناويت
يارب تكونو بخير
النهارده بقي جايبالكو حاجه جديده
رغم اني فاصله وعايزه نام
بس طلبت معايا احط رد دلوقتي
ماعلينا
المهم النهارده معانا ايه بقي
يوم في حياة بيطراوي
يومه بيبدأ زي كل الناس مع بعض الاختلافات البسيطه
يعني الناس بتفطر شاي بلبن وبقسماط مثلا ولو امكن ساندوتش مربي
لكن بيطراوي بيفطر كوباية ميه ساقعه ع الريق عشان بس يلحق المحاضره اللي بيبتدي 8 والباب بيتقفل الساعه 8 الا ربع
الناس بتنزل متهندمه ومتظبطه عشان شكلها قدام الناس
بيطاروي كل همه ياخد في ايده البالطو الحيله والمشرط والفورسيبس ملقاط بالبلدي يعني ويمكن ساندوتش عشان ياكله في المشرحه ع الريحه
بينزل متلهوج عشان يلحق اتوبيسه ولا ميكروباصه ولا تاكسيه ولا عربية المترو ولا عربية بابا اللي بيوصله رأفة بحاله
يادوب يوصل الكليه في المعاد يدخل جري ع المحاضره ولا السكشن
يا لحق يعد ياملحقش
ماعلينا المهم انه يحضر عشان لو جه متاخر ثانيتين هيلاقي نفسه قاعد ع السلم في ايده كوباية نسكافيه من عند عمو جيمي عشان يفوق كده ويعرف يلاقي حد ياخد منه المحاضره وياحبذا لو كان يتقل عليه يشرحهاله
بعدين بيجري علي عمو جيمي برده يخطفله واحد باتيه علي واحد عصير ولا كان بيبسي عشان يلحق المحاضره التانيه عشان الاولي بتخلص 11 التانيه بتبدي 10.30 رأفة بحال الطلبه عشان يعرفو يفطرو
راح المحاضره الاولي والتانيه ومنها ع السكشن
والسكشن النهارده ايييييييييييه
النهارده هنشرح حصان
مفيش بقي اغمن عليا اغمن عليا
لأ ده انت ان مكنتش تتخانق علي كرسي تلزقه في الترابيزه وتبحلق للمعيد
هتطلع من السكشن دماغك انضف من الصيني بعد غسيله

خلص الاولاني والتاني هوب الساعه جات 6
يانهار 6 وانا مكلتش من الصبح غير واحد باتيه
اما الحق اروح بيتنا عشان اتغدي بقي
بس مين يروحك بيتكو الساعه 666666
قدامك لبعد العشا علي ماتوصل بيتكو في امان الله
يكون الغدا بقي عشا وتوفيرا في ميزانية البيت برده ممكن تنام خفيف
يادوبك تلحق تشوف صورت ورق ايه من مين وبتاع ايه وتقرا المحاضرتين كأنهم ورقتين جرنان بتوع صفحة الحوادث والوفيات
تنام زي القتيل والمنبه مظبوط تمام ع الفجر عشان اذاكر كلمتين وابقي متفوق
هوب تلاقي منبه بس من النوع التقيل شويه نازل علي دماغط
قوم يابني ولا يابنتي الله يخرب بيت اللي يدخل ابنه بيطري قوم الساعه 7 يادوبك تلحق نص المحاضره التاني لو الدكتور كان ابن حلال
وترجع ريمه لعادتها القديمه
ودواليك
هوب يوم ورا التاني
عندنا امتحان عملي الاسبوع الجاي يا ولاد يا شطار
ورقه من هنا علي ورقه من هنا علي كلمتين من هنا تعدي الماده الحمد لله وتعدي اللي بعدها واللي بعدها وتلاقي النتيجه منوره والناجح يرفع ايده والله يرحمك ياعبد الحليم
ناخد اجازه يوم ورا يوم نرجع تاني لموال قديم
وهانت فاضل اربع سنين بس
يعني زي شكة الدبووووس
بس دبوس رخم شويه

وادي حياة بيطراوي
وسنه ورا سنه يتخرج ويشتغل في المكان اللي ربنا يريده بقي
واللي بعد كده نامو بس وانتو هتحلمو بيه
وبسسسسس
وكل سنه وانتو طيبين
ونلتقي في حلقه جديده ان شاء الله بقي علي خير
__________________
Veterinarian and proud to be so
Veteriner ve gurur kadar olmak
Vétérinaire et fier de l'être

Veterinario e fieri di esserlo
رد مع اقتباس
  #5  
قديم 12-09-2009, 04:55 AM
الصورة الرمزية lobna24
lobna24 lobna24 غير متواجد حالياً
عضو نشيط
 
تاريخ التسجيل: Jul 2009
المشاركات: 234
معدل تقييم المستوى: 15
lobna24 is on a distinguished road
افتراضي

اقتباس:
المشاركة الأصلية كتبت بواسطة SENDRILLA مشاهدة المشاركة
ازيكو يابناويت

يارب تكونو بخير
النهارده بقي جايبالكو حاجه جديده
رغم اني فاصله وعايزه نام
بس طلبت معايا احط رد دلوقتي
ماعلينا
المهم النهارده معانا ايه بقي
يوم في حياة بيطراوي
يومه بيبدأ زي كل الناس مع بعض الاختلافات البسيطه
يعني الناس بتفطر شاي بلبن وبقسماط مثلا ولو امكن ساندوتش مربي
لكن بيطراوي بيفطر كوباية ميه ساقعه ع الريق عشان بس يلحق المحاضره اللي بيبتدي 8 والباب بيتقفل الساعه 8 الا ربع
الناس بتنزل متهندمه ومتظبطه عشان شكلها قدام الناس
بيطاروي كل همه ياخد في ايده البالطو الحيله والمشرط والفورسيبس ملقاط بالبلدي يعني ويمكن ساندوتش عشان ياكله في المشرحه ع الريحه
بينزل متلهوج عشان يلحق اتوبيسه ولا ميكروباصه ولا تاكسيه ولا عربية المترو ولا عربية بابا اللي بيوصله رأفة بحاله
يادوب يوصل الكليه في المعاد يدخل جري ع المحاضره ولا السكشن
يا لحق يعد ياملحقش
ماعلينا المهم انه يحضر عشان لو جه متاخر ثانيتين هيلاقي نفسه قاعد ع السلم في ايده كوباية نسكافيه من عند عمو جيمي عشان يفوق كده ويعرف يلاقي حد ياخد منه المحاضره وياحبذا لو كان يتقل عليه يشرحهاله
بعدين بيجري علي عمو جيمي برده يخطفله واحد باتيه علي واحد عصير ولا كان بيبسي عشان يلحق المحاضره التانيه عشان الاولي بتخلص 11 التانيه بتبدي 10.30 رأفة بحال الطلبه عشان يعرفو يفطرو
راح المحاضره الاولي والتانيه ومنها ع السكشن
والسكشن النهارده ايييييييييييه
النهارده هنشرح حصان
مفيش بقي اغمن عليا اغمن عليا
لأ ده انت ان مكنتش تتخانق علي كرسي تلزقه في الترابيزه وتبحلق للمعيد
هتطلع من السكشن دماغك انضف من الصيني بعد غسيله

خلص الاولاني والتاني هوب الساعه جات 6
يانهار 6 وانا مكلتش من الصبح غير واحد باتيه
اما الحق اروح بيتنا عشان اتغدي بقي
بس مين يروحك بيتكو الساعه 666666
قدامك لبعد العشا علي ماتوصل بيتكو في امان الله
يكون الغدا بقي عشا وتوفيرا في ميزانية البيت برده ممكن تنام خفيف
يادوبك تلحق تشوف صورت ورق ايه من مين وبتاع ايه وتقرا المحاضرتين كأنهم ورقتين جرنان بتوع صفحة الحوادث والوفيات
تنام زي القتيل والمنبه مظبوط تمام ع الفجر عشان اذاكر كلمتين وابقي متفوق
هوب تلاقي منبه بس من النوع التقيل شويه نازل علي دماغط
قوم يابني ولا يابنتي الله يخرب بيت اللي يدخل ابنه بيطري قوم الساعه 7 يادوبك تلحق نص المحاضره التاني لو الدكتور كان ابن حلال
وترجع ريمه لعادتها القديمه
ودواليك
هوب يوم ورا التاني
عندنا امتحان عملي الاسبوع الجاي يا ولاد يا شطار
ورقه من هنا علي ورقه من هنا علي كلمتين من هنا تعدي الماده الحمد لله وتعدي اللي بعدها واللي بعدها وتلاقي النتيجه منوره والناجح يرفع ايده والله يرحمك ياعبد الحليم
ناخد اجازه يوم ورا يوم نرجع تاني لموال قديم
وهانت فاضل اربع سنين بس
يعني زي شكة الدبووووس
بس دبوس رخم شويه

وادي حياة بيطراوي
وسنه ورا سنه يتخرج ويشتغل في المكان اللي ربنا يريده بقي
واللي بعد كده نامو بس وانتو هتحلمو بيه
وبسسسسس
وكل سنه وانتو طيبين
ونلتقي في حلقه جديده ان شاء الله بقي علي خير
بجد شكرا ليكى يا قمر اووووووووووووى
بجد مش عارفه من غيرك كنا هنعمل ايه
بجد تعبناكى اووووووى
لا تعبناكى ايه
انتى تعبانه لوحدك اصلن
ههههههههه
انا لبنى وياريت تكون اصحاب
رد مع اقتباس
إضافة رد

العلامات المرجعية


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 07:20 AM.