تنسيق الثانوية العامة للقبول فى الجامعات2010

[foreverhobe]

انا كنت عايزة اعرف علوم السنة دى اخدة من كام

[amrsaso]

بسم الله الرحمن الرحيم
-------------------------------
بالله عليكو قولولى ان علمى وجايب 60 % ومفيش غير كليه زراعه بس الى بتتحط في الرغبات اى كليه تانيه يقولى مجوعك مش مقضي ازااااااااااااااااااااااااااااااااااااااااااااااى
وانا واحدصاحبى السنه الى فاتت كان علمى وجايب 54 % ودخل حقوق والسنه الى فاتت ودلوقتى المجاميع بقت اققل
ومش راضى حته يخلينى احط الرغبه وبعدين هما يبقي يرفضو
انا عايز اعرف هيه دى غلطه في البرنامج بتاع التنسيق ولا هيه كده بقت عافيه لو مش غلطه قولو عشان احط زراعه بقي واكمل بقيت المعاهد ونقول الحمد لله
منتظر الردود

[عـــادل]

التنسيق اتحدد بحدود دنيا بعدها يرفض من هو اقل من هذا الحد

[amrsaso]

يعنى انا خلاص مينفعش ادخل حقوق دى حقوق مجموعها قليييييييييييييل

[نهى مندى]

انا سمعت فى المؤشرات ان حقوق 67% واداب 76.5% وتجارة 79.5% والله اعلم بالحقيقه

[ahmed2000005]

شكرا

بس تنسيق الجامعات الخاصة اضغط على الرابط وارجو التوضيح


http://www.youm7.com/News.asp?NewsID=254260&SecID=65

[لورد حسان]

انا جايب 86.6 علمي رياضه كل ما اكتب كلية الهندسه في الرغبات يقولي لا تتناسب مع مجموعك طب معني كده ان حاسبات هتقبلني ولا لا ارجوكم اي حد يرد عليا باي حاجه انا خلاص زهقت معني ده ايه

[لورد حسان]

كلية حاسبات متسجله في الرغبات لكن هندسه مش راضيه عشان مجموعي مش جايبها حد يقولي ممكن ادخل حاسبات ولا

[sasaatwa]

كنت عايز اسال عن العدد الذي يدخل كليات الطب في السنوات السابقة بخلاف سنة الفراغ؟ يعني كام الف؟

[عـــادل]

حوالى 6000

[akimo]

يا جماعة يا ريت لو حد يجاوبنى على شوية الاسئلة دى :
اولا : النسب اللى هيا نازلة دى فى الكليات الخاصة ولا فى الكليات الحكومية (النسب اللى فى المشاركة اللى فوق)
ثانيا:انا جايب 88% علمى رياضة وكل ما ادخل رغبة الهندسة يقوللى مجموعك اقل من الكلية دى وهتتعرض لاستنفاذ الرغبات وبعدين اضغط اوك ما بيضيفش حاجة فى الرغبات وحضراتكم قلتو فوق هنا انه انا اختار اللى انا عايزه طيب ازاى اذا كان انا بضغط اوك والبرنامج ما بيضيفش الرغبة . هلى ان فيه نسب لبعض الكليات ولا ايه ولو حتى فيه كده هو انا مش من حقى اكتب اللى انا عايزه وبعدين تجيلى اول رغبة يجيبها مجموعى ولا ايه ؟ يا ريت حد يفيدنى؟ والف شكر يا جماعة.

[النهضة قادمة]

لو سمحتم يا جماعة

هو تنسيق السنة دى ؟؟
نزل ؟؟؟


وياترى ؟؟

تتوقعوا ايه لتنسيق السنة الجاية ؟؟؟؟

[ايهاب بدره]

انا جايب ٩٠.٥%
اكمل علمي رياضه ولا احول ادبي
ارجوالرد في اقصي سرعه اومراسلتي قبل بدءالعام الدراسي شكرا

[مستر احمد يحيى]

تخفيض الحد الأدنى للقبول بالجامعات الخاصة: ٨٥٪ للطب و٧٥٪ للأسنان والصيدلة و٦٧٪ للهندسة

كتب أبوالسعود محمد وسعيد نافع وممدوح عرفة ومجدى أبوالعينين ١٦/ ٧/ ٢٠١٠تصوير - السيد الباز
الطلاب يحددون رغباتهم فى مكاتب التنسيق

قرر الدكتور هانى هلال، وزير التعليم العالى، تخفيض نسبة القبول بكليات الجامعات الخاصة عن العام الماضى بسبب «سنة الفراغ»، وتصل نسبة الانخفاض فى كلية الطب إلى ٥% بحيث تقبل الطلاب بحد أدنى ٨٥%، و٤% فى كليتى طب الأسنان والصيدلة، بحيث تقبلان الطلاب بحد أدنى ٧٥% ، و٢% فى كليتى الهندسة والحاسبات والمعلومات، بحيث تقبل كلية الهندسة الطلاب بنسبة ٦٧%، والحاسبات والمعلومات ٦٢٪.
ويبلغ الحد الأدنى للقبول بكليات الفنون التطبيقية، والاقتصاد والإدارة، والإعلام، واللغات، والاقتصاد والعلوم السياسية ٦٠%، وكليات العلوم الاجتماعية، والسياحة، والتربية، والحقوق، والتمريض، والعلوم الطبية التطبيقية والمساعدة ٥٥%، والعلاج الطبيعى ٧٣%. قال الدكتور حاتم البلك، أمين مجلس الجامعات الخاصة والأهلية، إن مجلس الجامعات الخاصة قرر الاكتفاء بقبول ٢٦ ألفاً و١٥٢ طالبا من المستوفين شروط القبول.
فى سياق متصل، أمس، تزايدت شكاوى طلاب الثانوية العامة المتقدمين للتنسيق لليوم التالى على التوالى، بسبب قلة أماكن استقبال الطلاب خاصة فى كلية الهندسة بجامعة القاهرة، التى خصصت معملاً واحداً للاستقبال.
وتكررت الشكاوى من أخطاء أرقام الطلاب القومية، ووصلت فى الإسكندرية إلى حوالى ٣٠٠ شكوى، وأكدت الدكتورة هند حنفى، رئيس جامعة الإسكندرية، سرعة بحث الشكاوى مع المسؤولين فى الجامعة، والاتصال بالمركز الرئيسى بالقاهرة لتصحيح الأخطاء.
واشتكى الطلاب فى مكتب تنسيق جامعة أسيوط من تكرار الأعطال بالشبكة وأجهزة الكمبيوتر، واستمر توقف أعمال مركز تنسيق المدينة الجامعية للطالبات بجامعة المنصورة بسبب تزايد إقبال الطلاب وذويهم عليه، لوجود خطأ فى إعداد وإدخال بيانات الرقم القومى وأرقام الجلوس، وفشل حوالى ١٠٠ طالب وطالبة فى ملء رغباتهم. فى المقابل، استمرت قاعات التنسيق الإلكترونى فى جامعة كفر الشيخ شبه خاوية.

[ahmedadeeeel]

شكرا على الموضوع تقبل مرورى