جمال مبارك .... مصر بتناديك ولا مصر كبيرة عليك ؟

[روووووز]

المشاركة الأصلية كتبت بواسطة Mr. Taher

مصر عايزه واحد يخاف عليها يكون من وسط الشعب عايش وسط الناس البسيطه وعارف همومهم وحاسس بيهم يكون راجل شريف ونزيه وعنده ضمير حى مش عايزه واحد من ابناء الطبقه الأرستقراطية لا يعرف سوى من هم مثله ولا يحس بالغلابه وابناء الطبقة الوسطى مصر مش عايزه واحد عايز يوهبر وخلاص وكل همه يعمله كام مليار ويبعتهم على بنوك سويسرا وخلى الشعب يموت ولا ايه رأيكم

كلام سليم جدااا بس فين ده

المشاركة الأصلية كتبت بواسطة Soaad-532

مصر عايزة البرادعى وانشاء الله رب العالمين سيكون الدكتور البرادعى هو الرئيس القادم .

والله مش عارفة اقول ايه الانتخابات هى اللى هتفصل

[أ / نادر النقاش]

بسم الله الرحمن الرحيم
بصراحة أنا عمرى ما أنتخب جمال مبارك - دا لو يعتبرونا بنى أدمين و يعملوا انتخبات نزيهة - ليس بسبب شخصه لا و الله بل أنا نفسى فى التغيير كفاية بقى بضع و ثلاثون سنة فى حكم آل مبارك ، أنا مش عاوز الدنيا كلها تتضحك علينا و نعمل الجمهورية ملكية ، عمركوا شفتوا جمهورية وراثية ؟؟؟؟؟؟؟؟؟؟ باستثناء سورية !!!!!!!!!!!!!!!

[سـلـمى]

والله جمال مواطن مصرى من حقه يرشح نفسه ده حق يكفله ليه القانون

واحنا من حقنا نقبل او نرفض

ولما يعرض برنامجه الانتخابى نقدر نقرر يصلح رئيس ولا لا يصلح

انما دلزقتى اقول رايي على اساس ايه

[عالم من مصر]

حضرتك تقصد مين بالظبط؟
السيد جمال اللي مظهرش علي الساحه الا من فترة قصيرة بعد توليه امانة السياسات بالحزب
طيب كان فين من فبليها؟
وبعدين فين الخبرة اللي حضرتك بتتكلم عنها
اه في خبرة في النصب والتزوير واهدار كرامة وحقوق الشعب
ولا حضرتك ليك راي تاني؟
انا مع رأى حضرتك مية فى المية

[وفاء بركات]

تحية لحسني مبارك تحية ليه دكتور
الفكر فكر عالي والشعب بيه مسرور
قالها بحس عالي وفرح الجمهور
هغير السياسة وأعدل الدستور
خلاص مفيش استفتا والرأي للجمهور
هفرح الموظف وأزود الأجور
خلاص هيسسب الباص ويودع الحنطور
هيركب غاز طبيعي ويكسر الوابور
منايا أغني وأقول واردد الموال
,اقدم أغلى تحية لزعيمنا أبو جمال
أنا أصلي مصري أصيل وبعشق الرجال
لا بكدب ولا بتجمل ولا أقول كلام عيال
أنا عايز بس أعلم وأفهم الأجيال
الحب مش شعارات ولا ضحكة في الأزجال
دا مبارك هنا في القلب وحبه راس المال





اجمل نكته سمعتها فيكي يا حياتي هيا الشعر دا


اسفه للي كاتب الشعر ,, بس هوا الظاهر ساكن في زحل ولا حاجه

[وفاء بركات]

انا ضد مبارك


انا ضد جمال


انا ضد ريحه ال مبارك كلهم:stick jo4:





قطع رقابيهم واحد ورا التاني :gilj otiiniug3:




وبقول للي مايدين جمال ....معلش انتوا يا اما بتوع مصالح ورجال اعمال ..يا اما انتوا مش فاهمين حاجه

[وفاء بركات]

واللاهي يا بت يا سلمي انتي عسوله خالص مالص

خليكي في الكورة الصوف اللي بتلعبي بيها دي

[مس جيهان]

شكرررررررررررررررررررا

[mossab2010]

الحق هدم الهدم

[medo khalid]

انا من رايي انا لو مبارك ترك الرئاسة يكون انسب واحد بعدة هو جمال مبارك

[أ/رضا عطيه]

المشاركة الأصلية كتبت بواسطة medo khalid

انا من رايي انا لو مبارك ترك الرئاسة يكون انسب واحد بعدة هو جمال مبارك

شأنا أم أبينا هذا هو الواقع

ومايدور الأن ماهو إلا من حلاوة الروح

صدقنى الكل بيفرفر

شكرا لكم

[faiman]

النفاق وحش يا اخوانا

[mrweb]

انا رأي انه طالما التزوير موجود ليس لنا حق الاختلافي اسم الرئيس القادم لانه سيأتي بالتزوير و ليس بارداة الناس. الاهم ان نهتم بطريقة اختيار الرئيس القادم هل بالتزوير ام باختيار الناس
وقعوا على بيان التغيير

[السندبادالعربي]

بنتكلم كتييير وخايفيين وبنخمن مين حيحكم مصر بعد مبارك طب وهو من امتي مصر اختارت اللي بيحكمها القضيية ليست من يحكم مصر القضية الكبري انها مصر

[ahmedsabri77]

انا مش ضد المظاهرات السلمية

بس ضد ان الشعب يكون السبب الاول في التدخل الخارجي

...

عارفين سينايرو ما بعد مبارك هيكون ايه

خدو عندكو

1 - سقوط الحكومة المصرية ... و عدم القدرة علي السيطرة علي الموقف من جانب الحكومة

والشعب المصري يحتفل في كل مكان - وامريكا تهنئ الشعب المصري بعد معاناة دامت 30 عاما -

2 - تشكيل حكومة مؤقته و اجراء انتخابات بعد 30 يوما - وامريكا ترحب بالديموقراطية المصرية -

3 - مظاهرات رفض للحكومة المؤقته ومطالبات بأجراء انتخابات فورية - و امريكا تتابع الموقف -

4 - اقصاء جميع المرشحين ذوي العلاقة بجماعة الاخوان المحظورة - و امريكا تدعم الموقف -

5 - مظاهرات اعتراض علي استيعاد جماعة الاخوان و الجيش يتدخل - و امريكا تحذر من انفلات امني -

6 - تفجير بكنيسة العباسية و اصابع الاتهام تشير الي الاخوان المسلمين و تنظيم القاعدة - و امريكا تحذر من فتنة طائفية -

7 - الاف الاقباط يتظاهرون ويستنجدون بأمريكا لحمايتهم من تنظيم القاعدة

8 - امريكا تأسف علي الاوضاع في مصر وتدعو الجميع الي ضبط النفس

9 - اشتعال الفتنة الطائفية و اندلاع المعارك بين المسلمين و الاقباط

10 - مقتل 200 قبطي منذ اندلاع المعارك و الفاتيكان يطالب امريكا بالتدخل

11 - الكونجريس يمرر مشروع قانون يتيح ارسال قوات لحماية الاقباط في مصر

12 - امريكا ترسل قوات لحماية الاقباط في مصر

13 - انتو عارفين هيبقي ايه

---------------------------

ركزو في الكلام اللي بالاحمر و بفن كبير

فكركم... فيه سيناريو تاني غير ده ؟؟؟

بجد خايف علي مصر من الناس اللي مش فاهمين

واللي ملهمش فيها