إلى من يريدون الخروج في المظاهرات

[Mr. Ali 1]

أين رد الحكومة ؟
أين رد النظام الحاكم ؟
فقط السياسة كما هي ( قول واخبط دماغك في الحيط ) !!
نعم اذا استمرت المظاهرات , سينتج عنها حتماً فوضي وخراب , ولكن أليس حال البلد الأن ومنذ فترة طويلة في خراب وفوضي ( الهدوء والتنعم يخص فئة معينة من الشعب المصري )
الموقف معقد ولا يستطيع أي منصف أي يرجح كفة فيهما علي الأخري !!
لو كان النظام الحاكم تهمه مصلحة الوطن حقاً , لما وصلنا إلي ما وصلنا إليه , وعلي الأقل كان أورد بيان يلبي فيه بعض ( أقول بعض ) متطلبات الشعب والتي من حقنا جميعاً , ولكن كل يبحث عن مصلحته الشخصية فقط !!
لا تقولوا أمريكا ولا اسرائيل ولا غيرها , فهؤلاء موجودين بالفعل داخل النظام الحاكم !!

[الرندى]

أنا مش عايز البلد تخرب ولا فيه واحد عايز البلد تخرب في أغلب الناس اللي شاركوا في المظاهرات لكن يعبروا عن حزنهم من أثر الفساد وأنا واحد من الشباب اللي تعلم تعليم جامعي ولا عايز من البلد وظيفة ولا عايز من البلد قطعة أرض مدعومة ولا عايز جنيه بدون عرق ولا تعب ولا عايز أعمل مشروع بمساندة الحكومة ولا عايز كرسي في أي مصلحة وفي المقابل مش عايز ناس عندها مليارات ومتدفعش الضرايب وناس عندها قرى سياحية وقنوات إعلامية وعاملة مصر دعارة ومش عايز أماكن في بلدي اللي بفتخر أني منها وأدخل لها بتصريح (شرم الشيخ الغردقة) ومش عايز ناس تنام على الملايين وناس مش لاقية ملاليم ،مش عايز ناس تعيش في القصور وناس تعيش في القبور وبرنامج (واحد من الناس لعمرو الليثي على دريم) خير شاهد على كلامي وناس تعيش في نهر النيل على المراكب وسط الهيش ومش عايز تزاول السلطة والمال ومش عايز زمن العبيد يرجع رجال الأعمال السادة والشباب والمساكين عبيد حرام عليكم حرام هو فيه حد يرضى بالاحتلال يادكتور يافاضل ؟؟ هو فيه حد من المعارضة بجميع انواعها ولا الأخوان وافق على الاشراف الدولي على الانتخابات ؟؟؟!! هو فيه حد بيشجع على الخراب من الشعب اللي عايز يعيش عيشة كريمة توفر المأكل والمشرب والملبس عايز يخرب البلد؟؟ هو فيه حد طالب الحكومة بسيارة ولا بعمارة ولا بشلية على البحر؟؟ هو فيه حد من الناس المسكينة عايز كرسي ولا سلطة ؟؟كام سنة ونحن نشوف الفساد والظلم والفقر في البرامج الإعلامية ؟؟ هل تحرك مسؤول وأجاب ؟؟هل رأينا مسؤول في الإعلام يظهر ويحاول تهدئة الشعب ؟؟ هل رأينا مسئول طلع وقدم اعتذار لللشعب المعدوم ؟؟ هل رأينا مسؤول قال تصريح يفيد الشعب الغلبان المقهور؟؟حرام عليكم حرام فكروا في كل كلمة تكتبوها قبل أن تقولوها !! ولا يخفي عليك(حكمت فعدلت فأمنت فنمت ياعمر)