أستفتاء للدكتور أحمد جمال الدين بألغاء الأكاديمية

[asslo]

بسم الله الرحمن الرحيم
انا نفسى الدكتور أحمد جمال الدين وده راجل محترم نحسبه على خير انه يحس بينا ليه ؟
أولاً : المدرس المصرى هو أكثر إنسان على وجه الارض بينذل وتطلع روحه عشان يزيد 10 ج .
ثانياً : كل المعوقات والعقبات والذل وفقدان الكرامة واللى نفسك فيه قوله بيحطوها ادام المتعاقد عشان يحبطوه من الدنيا واللى فيها وفى الاخر بيموت منتحر ويبقا كده قللوا من كثافة السكان .
بس انا عندى سؤال ! هما ليه بيعملوا فينا كده ؟
بتوع الضرائب والكهرباء والسنترال بيقبضوا آلاف الجنيهات ولا ليهم اختبارات ولا ليهم كادر ولا نيلة ولا دبلومة اللى وجعوا دماغ أهلنا بيها وبيبقضوا وعايشين حياتهم . احنا عشان حظنا الوحش بقينا تبع التربية والتعليم .
نفسى اعرف انا اخصائي اجتماعى أخد دبلومة فى كلية تربية اعمل بيها ايه ؟
منتهى الفشل ومنتهى المذلة .
انا بحب اغير اسم الوزارة من وزارة التربية والتعليم إلى وزارة الذل وفقدان الكرامة .
كل ده عشان قرار وزير فاشل اسمه يسرى الجمل قضى على التعليم وقضى على المدرسين .
ولا نملك إلا أن نقول حسبى الله ونعم الوكيل فى كل واحد غاوى يذلنا ويبهدلنا بالشكل ده لدرجة ان الواحد بينكسف انه يقول شغال في التربية والتعليم .
بتمنى ان الوزير يقعد مع نفسه شويه ويفكر بجد ويقول كلمة حق لوجه الله تعالى ويشيل من عننا الذل ده .
أرجو اللى مشاركنى الراى ده يرد عليا يا جماعة ضررورى